Éxodo 4:20 - La'aqtaqa Ñim Lo'onatac 'Enauacna 2013

²⁰ Nache so Moisés ỹauec aso lhua, qataq so llalec nache ỹanaxanaxaleguete so 'ashena. Ime, nache ỹe'eguelaxa ye Egipto. Nache ỹachetac aso lashelte maye lalamaqte Ñim Lo'onatac 'Enauacna.

Éxodo 4:20 Referans Kwoze

Éxodo 17:9

Nache so Moisés 'enapego' so Josué, 'eeta': «'Auauo'oi qome caua 'auaconeua'alo shiỹaxau'. Ime, qaq qojec 'aulogui' na amaleciitapi. Aỹem qalaq sootalec qonte' nte'eta añi qaỹoqotcheguemec 'alhua, llasoqta'a qome aye lashelte Ñim Lo'onatac 'Enauacna.»

Números 20:11

Qaq co'ollaq ime, da la'aqtac so Moisés, nache ỹachaxaasheguem aso nashelte. Nache dos da iuaxaneua'a aso coma', nache ỹataqta lta'araic so npaxanec 'etaxat. Qaq huaña nache nỹom se'eso shiỹaxauapi qataq so na'atetpi.

Éxodo 4:2

Nache Ñim Nataxala' inat so Moisés, 'eeta': «¿Negue't na 'alasoqta'a?» Nache so Moisés 'enapeco': «Qomye ỹashelte.»

Éxodo 4:17

Qaq 'auache qome ana 'arashelte, cha'aye anamaye nachana ana 'auo'onataxana da 'auo'ot ca na'anec maye ỹo'ot da na'aalaxa.»

Hechos 7:29

Nache so Moisés co'ollaq hua'axaỹa de'era, nache datauec, nache taỹa ye toolec 'alhua le'enaxat Madián, nache naña, 'eeta'am ca shiỹaxaua maye ỹaqa'a ca chegaqa'ague. Huaña, nache huo'oi soua dos llalqa.

Éxodo 2:22

Qaq co'ollaq deco'o aso Séfora nache ỹale so llalec, nache so Moisés ỹanagui da le'enaxat Guersón, cha'aye somaye 'enapeco': «Aỹem sachegaqauec ne'ena 'alhua maye soota'a.»

Éxodo 14:16

Qaq 'am 'auachaxaasheguem qome ana 'arashelte, 'analoqteetelec ana auaxai, nache 'auỹorecache na 'etaxat, dos 'anqa'en naua lpa'axaco, yaqto' na Israel le'ecpi daqaqtegue ca llec da taitague da le'ego.

Éxodo 18:6

Nache somaye, 'enapeco': «Aỹem Jetro maye aỹem 'aracho', ñanac da sauotaique da 'am ñauane', ñenaictague' ara 'arhua qataq daua dos 'aỹa'alqa.»