Éxodo 39:43 - La'aqtaqa Ñim Lo'onatac 'Enauacna 2013

⁴³ qaq so Moisés co'ollaq ila'a de'era 'eetec somayepi, da ipaqueelec da lamaxasoxonaxac Ñim Nataxala', nache ỹanem da no'on llecỹaxac somayepi.

Éxodo 39:43 Referans Kwoze

2 Crónicas 30:27

Ime co'ollaxa nache so ntaxaỹaxanaxanecpi, qataq so leviitapi, nachaañi nache talec naqa'en so no'on la'aqtac so shiỹaxauapi, nache Ñim Nataxala' hua'axaỹa somayepi, cha'aye se'eso natamnaxac iviro'ot na piguem, yem ỹataqta qui'itta lanataqa' Ñim Lo'onatac 'Enauacna.

1 Reyes 8:14

Qaq co'ollaq ime, nache so nta'a Salomón, ncolliiñi da ỹamataigui so Israel le'ecpi maye nachattañipi, nache ỹaalec so no'on la'aqtac,

2 Samuel 6:18

Qaq co'ollaq ime da ỹaneuo aso lachetaqtaxanaqte qaỹavigaxatta, qataq aso qanhuaachigui, nache somaye ỹanem da nchoxonnataguec so nhuo' le'ecpi chegoqchigui naqa'en da le'enaxat Ñim Lo'onatac 'Enauacna maye Qaica ca Ỹaqalanapec.

Salmos 104:31

Qaq da llo'oxoyec Ñim Nataxala' choche tatec qome, qataq machiguiñi qome Ñim Nataxala' souaxat na lo'onatacpi.

2 Crónicas 6:3

Ime, nache so nta'a dataigue da pa'aỹa'ague so lapoota'a't Israel le'ecpi, nache ỹanem da no'on la'aqtac.

Josué 22:6

Qaq co'ollaq ime de'era, nache so Josué, ỹanem da lqouagaxanaqtaic somayepi, huaña nache nquine', nache somayepi ỹe'eguelaxa so lma'pi.

Génesis 14:19

nache ỹanem so Abram da no'on la'aqtac maye, 'eeta': «Ñim Lo'onatac 'Enauacna, maye Nataỹaña 'enauacna, ñim ỹo'ot co'ollaxa na piguem qataq ana 'alhua, 'am ỹanem qome ca lchoxonnataxanaxa,

Génesis 1:31

Qaq co'ollaq imat Ñimaye 'enauac na lo'onatacpi, nache ila'a da ỹataqta ỹaỹamaqchiguiñi. Qaq nvi' so pe, ime qataq anac so yo'oxoñi, qaq 'era da 'eetec so na'a'q seis.

Salmos 19:11

Qataq naamaye nataqa'en nache nhuogoctagueeco ne'ena 'aralamaxat 'aramaxashec, qataq ỹataqta huo'o da naigui da qaỹalaxagueta naamaye.

Nehemías 11:2

Qaq se'eso maiche nhuo' le'ecpi, talec naqa'en da no'on la'aqtac som shiỹaxauapi maye maiche chegoqchigui da nache naña ye Jerusalén.

1 Crónicas 16:2

Qaq so David co'ollaq ime da ỹaneuo aso nachetaqtaxanaqtepi qaỹavigaxatta qataq aso qanhuaachigui, nache ỹasaxalec da nchoxonnataxanaxa se'eso nhuo' le'ecpi, ỹauota'a da le'enaxat Ñim Nataxala'.

Éxodo 40:25

Ime, qaq ỹegueua'a aso ima'a't ncoỹaraxanaxaquipi, ỹauaachigui naqa'en Ñim Nataxala', qaq nache ipacchigui da lamaxasoxonaxac Ñimaye.

Éxodo 39:42

Nache so Israel le'ecpi ipacchigui da ỹo'ot da lamaxasoxonaxac Ñim Nataxala' maye ỹamaxalec co'ollaxa so Moisés,

Éxodo 40:1

Ñim Nataxala' 'enapega so Moisés, 'eeta':

Jeremías 13:5

Qaq huaña nache aỹem ashec ñeqo'onaxaama so tala Éufrates, nache soxooñi som saataxaqui, sepacchigui da aỹem ỹamaxalec Ñim Nataxala'.

Éxodo 7:6

Nache so Moisés qataq so Aarón ỹo'o't 'enauac nam ỹamaxaleguete Ñim Nataxala'.

Éxodo 12:28

Ime, nache jec somayepi da ỹo'ot 'enauac nam la'aqtac Ñim Nataxala' maye ỹamaxaleguete so Moisés qataq so Aarón.

Éxodo 25:9

Nache que'eca npe'l qataq ca no'otaxatpi ỹataqta 'aue'enaxatchigui qome da no'onataxac cam 'am sachaxana.»

Levítico 16:34

Qaq 'era da nache 'eetai' lataxac da qoyecỹaxaqui: Da nache 'oonolec da qauo'oche ye vi'i da yaqto' qaỹapalaxat nam ỹo'ot lle'etaxaloxosat na Israel le'ecpi.» Nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Josué 22:7

Qaq so 'oonolec laỹe se'eso maiche nhuo' le'ecpi maye chegoxoguetpi so Manasés, so Moisés ỹanem co'ollaxa so 'alhua maye huaigui ye 'alhua ye Basán. Qaq so lỹa laỹe se'eso maiche nhuo' le'ecpi maye chegoxoguet so Manasés, so Josué ỹanem so na'alhua maye ỹalectaigui so na'alhuapi so Israel le'ecpi, maye pa'aỹa'ague da avit so Jordán. Nache so hua'auchiguiñi se'eso nhuo' le'ecpi ỹanem da lqouagaxanaqtaic, nache ỹamaq da ỹe'eguelaq.

1 Reyes 6:38

Qaq co'ollaq mashe ivi' once vi'iye da nta'a so Salomón, nache ime 'enauac som iuen da qalapaqtañi lataxac asa'aso atamnaxaqui, huetoigui so ca'agoxoic Bul som ca'agoxoic ocho se'eso vi'i, qaq ivi' soua siete vi'iye da so Salomón ỹo'ottac asa'aso atamnaxaqui nache ime.

1 Reyes 8:55

nache nachaañi, nache nlamaxaren da talec naqa'en da nqouagaxa so lapoota'a't Israel le'ecpi, 'eeta':