Éxodo 39:32 - La'aqtaqa Ñim Lo'onatac 'Enauacna 2013

³² Qaq 'era da 'eetec da ime so npe'l maye huaña da qanauane' Ñim Nataxala', qaq so Israel le'ecpi ỹataqta imatta da ỹo'ot 'enauac som damaxasoxoolecpi Ñim Nataxala' maye ỹamaxalec co'ollaxa so Moisés.

Éxodo 39:32 Referans Kwoze

Éxodo 25:40

qalaxaye ỹataqta 'aue'enaxatchigui qome da lataxac da no'onataguec aso 'am sachaxana co'ollaq huaña añi qasoxonaxa.»

Hebreos 8:5

Qalaxaye de'era lo'onataxanaxac se'eso ntaxaỹaxanaxanecpi da qaitaxaỹapegue' Ñim Lo'onatac 'Enauacna, damaye 'eeta'am da choche qaiuennatega cam hueta'ague da piguem. Qaq ỹoqo'oye so Moisés co'ollaq huotaique da ỹo'ot so npe'l maye lanataqa' Ñim Lo'onatac 'Enauacna, qaq Ñimaye 'enapega somaye, 'eeta': «'Am, no'on da ỹataqta 'alotelec qome da lataxac qataq 'aue'enaxatchigui da no'onataxac so 'am sachaxana co'ollaq huaña añi qaỹoqotcheguemec 'alhua.»

Hebreos 3:2

Ñim Lo'onatac 'Enauacna 'enapega co'ollaxa da qomi' itaua'n, nache Somaye ỹalaq, 'eeta'am so Moisés da ỹalaq co'ollaq, Ñim Lo'onatac 'Enauacna 'enapega da itauan 'enauac so lauo'.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

1 Crónicas 28:19

Nache so David, 'enapeco': «'Enauac ne'ena nanettañepi, aỹem ỹachaxana co'ollaxa Ñim Nataxala' da yaqto' saỹaten da lataxac da no'onataguec qome que'eca no'onatacpi.»

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

Números 3:31

Qataq somayepi, nacheso so qaipataxalec da ilo'ogue aso arca maye laỹe' soua aỹamaxataxaco, qataq so lmala' aso nauole maye qaica ca lalegue, qataq aso ncoỹaraxanaxaqui maye siete naua lhua'q, qataq aso nca'atoxonaxalatepi, qataq so laỹe logoxoshetpi, qataq so lapoxonaxatpi, qataq so nhuenecpi.

Éxodo 40:32

Qaq soomaye nache ỹataqta nỹote' naxa da ivita da pa'aroigui so npe'l, qataq naxa da tareua'a aso nca'atoxonaxalate. Qaq nache ipacchiguilo da lamaxasoxonaxac Ñim Nataxala' maye ỹamaxalec co'ollaxa so Moisés.

Éxodo 39:33

Nache qoỹanot co'ollaxa so Moisés 'enauac se'eso no'otaxat so atamnaqa', npe'l, qataq so logoxoshetpi, lemaxaquipi so npe'l, 'epaqpi, la'axasoxola' so l-llecnaxanaxatpi, lauoqtepi, qataq aso no'oxonaxalatepi,

Éxodo 39:31

Ime, nache qoỹanagui so lquet imalaqalec da lo'oxoỹaxac se'eso latapshec, nache qalapaxalec so lqaic alaxa, qaq ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Éxodo 12:28

Ime, nache jec somayepi da ỹo'ot 'enauac nam la'aqtac Ñim Nataxala' maye ỹamaxaleguete so Moisés qataq so Aarón.

Éxodo 31:7

Ca npe'l maye huaña da aỹem qanauane', aca arca laỹe caua nqataxaco, qataq cam lapoxot acamaye, qataq 'enauac ca lhuenecpi que'eca npe'l,

Éxodo 40:1

Ñim Nataxala' 'enapega so Moisés, 'eeta':

Éxodo 40:3

Nache 'aỹa'anaigui qome añi Arca maye laỹe' naua ñaỹamaxataxaco, qataq 'aua'ara't ca lapoxonaxat.

1 Reyes 6:38

Qaq co'ollaq mashe ivi' once vi'iye da nta'a so Salomón, nache ime 'enauac som iuen da qalapaqtañi lataxac asa'aso atamnaxaqui, huetoigui so ca'agoxoic Bul som ca'agoxoic ocho se'eso vi'i, qaq ivi' soua siete vi'iye da so Salomón ỹo'ottac asa'aso atamnaxaqui nache ime.

1 Reyes 7:40

Nache so Jirán, ỹo'ot nataqa'en aso taxaquipi, nsheraxanaxatpi qataq aso ỹomaxaquipi. Qaq huaña, nache so Jirán imat da ỹo'ottac 'enauac se'eso lo'onatacpi maye ỹamaxalec so nta'a Salomón, da yaqto' lalamaxat naqa'en aso atamnaxaqui maye lalamaqte Ñim Nataxala':