Éxodo 39:3 - La'aqtaqa Ñim Lo'onatac 'Enauacna 2013

³ Qataq qairapaqchen so lcat oro. Ime, nache qanchiguiñi 'eeta'am qanqa'en ca ntetaxanaxat da yaqto' leraxat so hualoq laỹe imalaqalec, tocalec, togaxaraic da lo'oxoỹaxac, qataq so no'on lino.

Éxodo 39:3 Referans Kwoze

Éxodo 36:8

Nache so 'onataxanaxaicpi maye ỹataqta ỹaỹaten da lo'onataxanaxac, ỹa'ara't so npe'l, ỹauota'alo diez soua napoxonaqa'ate maye chegaqaigui na ỹataqta no'on lino, imalaqalec, tocalec qataq togaxaraic da lo'oxoỹaxac, qataq qantette' soua llo'oxoraqa'ate ne'enaqtaqa shiỹaxau' maye huo'oi naua laua't.

Éxodo 26:1

«Qataq 'auo'ot qome ca npe'l, qaq camaye 'auo'o't caua diez lapoxonqa'ate, 'auauota'a ca hualoq laỹe maye chegaqaigui na ỹoqta no'on lino, qataq ca hualoq laỹe malaxaraic da lo'oxoỹaxac, qataq ca hualoq laỹe togaxaraic, qataq 'auo'o't caua ne'enaqtaqa shiỹaxau' maye huo'oi naua laua't qantetrañi da llo'oxoraxat camaye.

Éxodo 25:4

qataq ca hualoq laỹe maye naueralec da lmalaxa, qataq ca naueralec da ltogaxa, qataq ca togaxaraic, qataq ca no'on hualoq maye isotta, qataq ca laue aca quetaq,

Éxodo 39:2

Qaq co'ollaq qaỹo'ot so nhuomaigui lomaxaqui le'enaxat efod, nache qaỹo'onataxana so lcat oro, qataq so hualoq laỹe imalaqalec, tocalec, togaxaraic qataq so ỹoqta no'on lino.

Éxodo 39:4

Qaq se'eso nhuomaigui lomaxaqui le'enaxat efod, qaỹo'o't soua lallagui'ishe da yaqto' ncoñetta't.

Salmos 45:13

Qaq ana llale ca nta'a mashe nnoxoneuo lỹateuo da lyacỹaxac, ỹaatrañi naua alogo maye chegaqaigui na oro.