Éxodo 39:27 - La'aqtaqa Ñim Lo'onatac 'Enauacna 2013

²⁷ Qaq aso lapoto so Aarón qataq soua llalqa, chegaqaigui na hualoq lino, qaq soomaye nache lo'onataqa so no'oxonec lo'o,

Éxodo 39:27 Referans Kwoze

Ezequiel 44:18

Qataq ỹaatañi qome ca laxataxat na lqaic, hualoq laỹe maye chegaqaigui na lino, qataq aca lamaxaso maye nataqa'en chegaqaigui na lino, qataq saishet da ỹaxattagui na lasot cam ishet da nchelchaxañi naqa'en.

1 Pedro 1:13

Qaq ỹoqo'oye iuen da ỹataqta qanloitec qataq qauennataxañiitelec ca qauo'oche, yaqto' nache 'eetai' da qauo'ocheetac ca ỹaỹamaqchiguiñi. Qataq ỹataqta imauec da qaua'amaqchiñi Ñim Lo'onatac 'Enauacna da qami' ỹo'oteque ca ỹaỹamaqchiguiñi qom ñe'eguelaq So Jesucristo.

Gálatas 3:27

Cha'aye co'ollaq qami' qanachelaxa'n, nache qami' qana'ayeeua'a So Cristo, qaq nagui qami' qoñiita'am Somaye.

Romanos 3:22

Ñim Lo'onatac 'Enauacna ỹaconeguet 'enauac nam ỹa'amaqten qataq huo'o da lpi'iỹaxac So Jesucristo, saishet da iuen da huo'otaq judío qalqo' saishet.

Isaías 61:10

Aỹem ỹataqta lta'araic da ñetootapeguec Ñim Nataxala', da ñachaalataxac qalaq nlaqchigui da ntonaxac souaxat Ñim Ñatamnaxala', cha'aye Ñimaye aỹem ỹanaxanaxangui da nca'alaxa qataq aỹem napogonaxaaña da nalochiguiñi lataxac, Aỹem no'otaxanaxan sheeta'am ca auonaxaua qataq ỹauo'o ana ño'otaqtepi sheeta'am naqa'en aca auonaxaua.

Levítico 8:13

Ime, nache 'enapegalo soua llalqa so Aarón da nquiguereuo, nache ỹaañiguilo ñi 'oonolec soomaye soua alogo, qataq nsaachiguilo naqa'en soua lasot alaxa, qataq ỹanaxanaxaanguilo soua lqaic alaxa, nache ỹataqta ipacchigui da lamaxasoxonaxac Ñim Nataxala'.

Éxodo 39:26

se'eso nhuomaigui lomaxaqui, da qaỹacoolec da no'onataxanaxac, qataq qoỹanaguilo soua laỹel somaye aso latoinapi, qataq aso ne'enaqtapi ala ana granda. Nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Éxodo 39:28

nache 'ena'ama soua lqaic alaxa, qataq na lo'oxoraxa't soomaye qataq naua lpa'axanaqtel soomaye, nache chegaqaigui na no'on lino,

Levítico 6:10

Qaq ca ntaxaỹaxanaxanec, nache ỹaañi qome ca lapo' hualoxolaỹi maye chegaqaigui na lino, qataq caua lpa'axanaqtel. Ime, nache lapona't ca alo aca nachetaqtaxanaqte qaỹavigaxatta maye huetalec añi nca'atoxonaxalate, nache ỹachaua'a na laỹe añimaye.

Ezequiel 44:17

Qalaxaye qom huenoxonoigui ñi lasom maye naña ye qasoxoc maye pa'aỹauo, qalaq iuen da ỹaatañi na logoxot maye chegaqaigui na lino. Qaq da do'onataxaatac da hueta'a ye pa'aỹauo qasoxoc, huo'otaq añi atamnaxaqui, qalaq saishet qome da ỹaatrañi naua alogo maye chegaqaigui na qagueta laue.

Éxodo 28:36

«Nataqa'en 'auo'ot qome ca lapaqaic na lcat oro, nache 'erelec camaye da na'aqtac, 'eeta': ‹Qaiỹotauga da lalamaxat Ñim Nataxala'›.