Biblia Todo Logo
Bib sou entènèt

- Piblisite -




Éxodo 38:9 - La'aqtaqa Ñim Lo'onatac 'Enauacna 2013

9 Qaq so Besalel nataqa'en ỹo'ot so nqasoxoc so npe'l pa'aigue naqa'en da taguiñi, nache ivi' ye cuarenta y cinco metros ye lalogaxa, qaq so lapoxonaxat chegaqaigui na lino.

Gade chapit la Kopi




Éxodo 38:9
13 Referans Kwoze  

Qaunoxoñiiua'a ñi lasom añi atamnaxaqui da qaỹa'añi da qana'achecỹaxaqui, qataq ye nqasoxoc da qaỹa'añi da qayo'oxonnataxanaxaqui, qaỹa'añim da qana'achecỹaxaqui qataq qavio'oxoyiñi da le'enaxat Ñimaye.


Qataq ñaxattalec ye lma' Ñim Nataxala', qataq dasovi da netaña ye nqasoxoc Ñim Qanatamnaxala'.


'Am maye 'Aro'onatac 'Enauacna ỹataqta huo'o 'archec da 'aualectaigui na qui'itta da lataxac, qataq huo'o da 'ara'amaqchec naqa'en na 'am datato'otpi.


Cha'aye ỹactec da no'on da choche 'oonolec na'a'q da soota'a ye 'anqasoxoc, qaq saq 'ena'ama caua mil na'axa'te da sootauga na pa'auec yemaye. Ỹoqo'oye sepactague' da selotague' ñi lasom ñi lma' Ñim Ñatamnaxala', cha'aye saq 'ena'am da soota'a ca hueta'a na qauemaicpi.


Ỹataqta huo'o da iyaxa qataq da ña'añaxataxac, da sauotaique da soota'a ye nqasoxoc añi atamnaxaqui maye 'aralamaqte. Qataq imauec da iquiyaqteỹaxac da so'onaxaato'ot, Ñim Lo'onatac 'Enauacna maye chegoqo'ot da nca'alaxa.


Qataq no'oxoosheguem so lapoxot so pa'aỹauo nqasoxoc aso atamnaxaqui, tres naqa'en da no'oxoosheguem so nchiiguishecpi coma'pi, qataq mpa'aỹasheguem naqa'en da qalapaxalec somaye so nchiiguishec 'epaq cedro.


Qaq co'ollaq ime, nache so Moisés ỹauo'o so lpaqtaxat so nqasoxoc se'eso npe'l, qataq aso nca'atoxonaxalate, qataq ỹaviguisheguem so lapoxot so ñegueuo se'eso nqasoxoc so npe'l. Qaq co'ollaq imat so Moisés da ỹa'ara't so npe'l,


Ime, nache 'aua'ara't ca lpaqtaxat caua laỹel que'eca qasoxoc, qataq ca lapoxot ca ñegueuo.


«Qataq 'auo'ot qome ca npe'l, qaq camaye 'auo'o't caua diez lapoxonqa'ate, 'auauota'a ca hualoq laỹe maye chegaqaigui na ỹoqta no'on lino, qataq ca hualoq laỹe malaxaraic da lo'oxoỹaxac, qataq ca hualoq laỹe togaxaraic, qataq 'auo'o't caua ne'enaqtaqa shiỹaxau' maye huo'oi naua laua't qantetrañi da llo'oxoraxat camaye.


Qataq veinte soua lauoqtel maye na'attaleguete so lcat bronce, qaq so lemaxaquipi qataq aso la'aitepi chegaqaigui so lcat plata.


qataq ca lpaqtaxat ca npe'l, qataq ca lapoxot ca lasom ca ñegueuo ca qasoxoc, maye netaña aca nca'atoxonaxalate, nataqa'en ca lquetpi que'eca napoxonaxatpi, qataq 'enauac ca no'onataxanaxatpi naxa que'eca npe'l. Qaq 'era da 'eetec da lo'onataxanaxac namayepi.


qataq so coleesop lapoxonaxatpi maye lpaqtaxat, qataq so lapoxonaxat so ñegueuo so qasoxoc maye netaña aso nca'atoxonaxalate, qataq so lquetpi so npe'l maye huaña naxa da qanauane' Ñim Nataxala'.


Swiv nou:

Piblisite


Piblisite