Éxodo 38:8 - La'aqtaqa Ñim Lo'onatac 'Enauacna 2013

⁸ Nache so Besalel ỹo'ot so nỹoxonaxaqui, qataq so lmala' somaye ỹachegoxotaigui so bronce maye ntannaxai so 'alpi maye lo'onataxanaqa' so ñegueuo so npe'l.

Éxodo 38:8 Referans Kwoze

Lucas 2:37

qalaxaye nagui asomaye pa'ai qataq mashe ivi' ochenta y cuatro vi'i da llaxa. Asomaye hueta'a añi no'onaxanaxaqui late'erai ye pe qataq ye na'a'q nqouaqchettac, nqouagaxaueetac qataq ỹo'oxoreetac Ñim Lo'onatac 'Enauacna.

1 Samuel 2:22

Qaq so Elí, mashe ỹataqta ỹa'axaiquiolec, qalaxaye ỹaỹaten 'enauac nam ỹo'ottrac soua llalqa maye ỹo'otec so Israel le'ecpi, qataq ỹaỹaten da soomaye lauatrapiguiñi' so 'alpi maye huetague' som ñegueuo so npe'l maye huaña naxa da qanauane' Ñim Lo'onatac 'Enauacna.

Éxodo 40:7

Qaq ca nỹoxonaxaqui, nache ñichiguinguilo 'anqa'en ca npe'l, qataq aca nca'atoxonaxalate. Ime, nache 'anlaxattchigui camaye ca 'etaxat.

1 Timoteo 5:5

Aca pa'ai maye ỹoqta 'eesa da qaỹalata'a't, acamaye imato'ot da naquitaxac Ñim Lo'onatac 'Enauacna da iỹaxaatacot ca ntaunaguec, ye na'a'q qataq ye pe.

Juan 13:10

Qalaxaye So Jesús 'enapeco': –Cam ñaq cheta'ague da nacheltac, camaye sa iuen da qaltaq nỹo, nachaqnauate' naua lapia'ate iỹoi', cha'aye camaye sogote da qui'itta. Qaq qami' sogote da qami' qui'itte', na'aictaxa da saishet da imauec da qoñiita.

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.

Salmos 26:6

Ỹoqo'oye seỹote' naua ihua'q, maye qaica ca ỹasouaxa't, cha'aye sauotaique da secoleetacot añi nca'atoxonaxalate maye 'aralamaqte,

1 Juan 3:7

Qami' ỹalqolqa, ¡qaica qome ca qami' ỹatenache't! 'Enauac nam ỹalaxaguet Ñim Lo'onatac 'Enauacna, nache ỹataqta no'on shiỹaxaua, 'eeta'am So Cristo Jesús.

Hebreos 9:10

'Enauac ne'ena lataxacpi, damaye ỹa'axat da yo'oqchigui nquia'axac qataq ỹomaxac qataq dam qaỹo'ot ca nỹoxoc da qanaỹamaxateguet ca ño'oxonnataxanaxac. De'era lataxac ỹachaxan ca 'eetec cam qaỹo'ot, qalaxaye saishet da qomi' itaua'n da naralaxat da maiche qarataxac. Qaq de'era lataxac da qaỹo'oxoren Ñim Lo'onatac 'Enauacna, huo'o da naigui, choche ivitta'a da Ñimaye nmeneguet naqa'en dam ỹataqta ỹactec da lyac.

Juan 18:16

Qaq som Pedro, qalaq pa'ataueegue da laỹe so lasom. Qaq ỹoqo'oye ishet da pa'auec se'eso napaxaguenatac maye maiche nauattonaxaua som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna. Nache somaye detaxaỹapegue' asom ilotague' so lasom, nache ipa'axaneuo so Pedro.

Mateo 26:69

Qaq co'ollaq ñaq qanayeetaigui de'era, nache so Pedro nso'ootañi, netauga so nqasoxoc so lma' so nta'a. Nache anac aso namaxashe nquigueua'a somaye nache 'enapega, 'eeta': –'Am nataqa'en 'annaictague' naxa da Jesús maye Galilea le'ec.

Proverbios 8:34

Machiguiñi qome ca shiỹaxaua maye aỹem na'axaỹaxana, qataq ca 'enauaque naua na'axa'te da deuataxaatac da hueta'a ñi lasom ñi ima'.

1 Reyes 7:38

Nataqa'en ỹo'ot aso diez nỹoxonaxaquipi lcat bronce, maye ivi' ye un metro ochenta centímetros añi 'oonole, qataq nalotangui na ochocientos ochenta litros na 'etaxat, nache ỹanalec añi 'oonole asa'aso lo'oxonaxalatepi asomaye.

Éxodo 31:9

qataq aca nca'atoxonaxalate da qaỹavigaxat ca nachetaqtaxanaxat qataq ca lhuenecpi, nỹoxonaxaqui qataq ca lmala' camaye,

Éxodo 38:7

Ime, nache ỹa'aroiguilo soua la'aitel maye naua'alo soua laỹel aso nca'atoxonaxalate yaqto' ishet da qaỹache. Qaq aso nca'atoxonaxalate ỹasattaigui na lauel.

Éxodo 30:17

Ñim Nataxala' 'enapega so Moisés, 'eeta':

2 Crónicas 4:2

Qataq nataqa'en ỹo'ot aso ỹataqta late'erai qataq colliichigui 'etaxat laỹe' maye chegaqaigui na bronce. Qaq ye lcachiguiñi na alap asomaye, ivi' cuatro metros y medio. Qaq ye lshequitcheguema, ivi' dos metros y veinticinco centímetros, qaq da ima'a't ye lcachiguiñi da colliichigui nache ivi' trece metros y medio.

Isaías 3:23

qataq ana tannaxaipi, qataq na no'on hualoq laỹepi, qataq na nqaic laxataxatpi, qataq na npo'piolec.