Éxodo 38:21 - La'aqtaqa Ñim Lo'onatac 'Enauacna 2013

²¹ Qaq so Moisés damaxasoxoolec da qaỹo'ot aso lmalate so lcatpi maye qaỹo'onataxana co'ollaxa da qaỹo'ot so npe'l, nache ipataxalec so Itamar maye llalec so Aarón, som lataxala' so leviitapi.

Éxodo 38:21 Referans Kwoze

Hechos 7:44

Qaq som hua'au qarta'alpi co'ollaq huetalec so toolec 'alhua, nache somayepi ỹachetac so npe'l maye huetaiguilo soua nanettaleguete soua lamaxasoxonaxaco Ñim Lo'onatac 'Enauacna. Qaq se'eso npe'l, somaye qaỹe'enaxatchigui co'ollaxa so ỹamaxalec Ñimaye so Moisés, co'ollaq 'enapega da ỹe'enaxatchigui da no'onataxac som ỹauaachigui.

2 Crónicas 24:6

Huaña nache so nta'a, iỹaxaneuga so Joyadá som lataxala' so ntaxaỹaxanaxanecpi, nache 'enapega 'eeta': «Ta'ainco' da sa 'auỹalapegue' da qonapega nam leviitapi da ndouo aca lachetaqtaxanaqte na lma' na Judá, qataq na Jerusalén, maye so Moisés, som lamaxashec Ñim Nataxala' ỹamaxalec co'ollaxa so Israel le'ecpi da yaqto' iroua'a so npe'l maye netaña aso laỹe' da aỹamaxataxac.»

Números 10:11

Qaq se'eso na'a'q veinte so lỹa ca'agoxoic soua dos vi'iye, nache so lo'oc ca'ai so npe'l, maye netaigui aso arca maye laỹe' da aỹamaxataxac.

Números 9:15

Qaq se'eso na'a'q co'ollaq ime da qaỹa'ara't so npe'l maye netaigui aso arca maye laỹe' soua aỹamaxataxaco, nache anac so lo'oc da ipelteetalec somaye. Qaq so mashe avit, nache se'eso lo'oc 'eroigui 'eeta'am na norec, imauec se'eso pe da 'ettaigui, nache ivitta'a so nte'eta so lỹa na'a'q.

Números 1:53

Qaq na leviitapi, nache neta'asop qome naua loiguiye que'eca npe'l, maye netaigui aca arca maye laỹe' da aỹamaxataxac. Nache nauaatalec que'eca npe'l, yaqto' Ñim Nataxala' saishet da dalemataỹa na Israel le'ecpi.»

Números 1:50

Nacherata da 'anem qome da ilo'ogue ca npe'l, maye huetaigui aca laỹe da aỹamaxataxac, qataq 'enauac na logoxoshetpi, qataq ca lalamaxatpi camaye. Qataq namayepi nachena na ỹachetac qome ca logoxoshetpi da qalachaxan que'eca npe'l, qataq huapegue' que'eca nanataqa'. Qataq nache netañalo naua loiguiye camaye da nauaatalec.

Números 18:2

Nataqa'en 'aỹaxana qome nam laỹe 'arhuo' le'ecpi maye chegoxoguet so Leví, maye nataqa'en chegoxoguet so 'arta'a, da yaqto' 'am itauan qataq naua 'aỹa'alqa da qauo'ocheetac na no'onatacpi ñi npe'l maye netaña añi arca maye laỹe' da aỹamaxataxac.

Éxodo 6:23

Qaq so Aarón nache huaroneguet aso Eliseba, asom llale so Aminadab, qataq lqaỹa so Nasón, qaq asomaye nachaso aso late'e so Nadab, Abiú, Eleazar qataq so Itamar.

Apocalipsis 21:3

Nache sa'axaỹa so na'aqtac ỹataqta alam, chemqot ye hueta'a aso so'onaxaqui, 'eeta': «'Ena na hueta'a Ñim Lo'onatac 'Enauacna da hueta'aguet na lalamaxatpi. Ñimaye hueta'aguet namayepi, qaq namayepi nache ỹataqta lalamaxat Ñimaye. Qaq nacheñi Ñim Lo'onatac 'Enauacna maye 'oonolec da Lta'a namayepi.

Apocalipsis 11:19

Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

2 Pedro 1:13

Nagui da ñaq ñeca'altauec, nache aỹem sa'amaqten da maiche ỹo'onataxanaxac da qami' seuennataxanaxaategueque 'enauac de'era.

Hebreos 9:11

Qalaxaye mashe sogote da nvi' So Cristo, qaq Somaye nacheso So qoỹanem da Lataxala' na Ntaxaỹaxanaxanecpi da qaitaxaỹapegue' Ñim Lo'onatac 'Enauacna, qaq chegoqchigui Somaye 'enauac nam no'on maye qomi' qoỹanema. Cha'aye yem ndaqa' maye huetasheguema da ntaxaỹaxanaxanec, ỹataqta 'onaxaic qataq nalochiguiñi. Saishet da lo'onatac ca chochaq shiỹaxaua, qataq saishet da lma' ana 'alhua.

Hebreos 8:2

Qaq Somaye, nacheso So Jesucristo maye ỹo'ottac da lo'onataxanaxac da ntaxaỹaxanaxanec qataq huetasheguema yem ỹataqta 'eesa lma' Ñim Lo'onatac 'Enauacna maye maiche lo'onatac Ñimaye, qaq saishet da lo'onatac ca choche shiỹaxaua.

2 Corintios 5:1

Qaq ỹoqo'oye qomi' saỹaanaq da huo'otaq nlaguiñi de'era qaro'ocỹaxac, maye 'eeta'am ca nỹec maye saq 'eetai', qalaxaye Ñim Lo'onatac 'Enauacna sogote da iqataxaatai' ca qarma' da piguem maye qaica ca loga't. Camaye saishet da choche shiỹaxaua ca lo'onatac.

Mateo 17:4

Nache so Pedro 'enapega So Jesús, 'eeta': «'Am Qarataxala', ¡'onaxaictaxa da nache souaqta'a ne'ena! Da 'am 'auaỹamaxareeta, nache so'ota'q caua tres qaya'axaquilli', 'oonolec ca 'arma', qataq da Moisés, qataq da Elías.»

Salmos 15:1

¿'Am Nataxala', negue'tom ca ishet da netaña ye 'aranataqa'? ¿Negue'tom ca ishet da netaña añim qui'itta 'anqasoxonaxa?

Da na'aqtaguec so Job 26:1

Qataq detaqa so Job, 'eeta':

Da na'aqtaguec so Job 22:23

Cha'aye da 'avi'eguelaxa Ñim Qaica ca Ỹaqalanapec, huaña nache ca'ai naqa'en ye 'arma' na que'eenaxacpi.

Da na'aqtaguec so Job 11:4

'Am maye qoneta': ‹Na ỹapaxaguenataxanaxacpi ỹataqta ỹaỹamaqchiguiñi, qataq ỹataqta qui'itta da ỹataxac.›

1 Crónicas 6:3

Qaq soua llalqa so Amirán: Aarón, Moisés qataq aso María. Qaq soua llalqa so Aarón: Nadab, Abiú, Eleazar qataq so Itamar.

Números 24:5

¡'Am Jacob, ỹataqta 'onaxaic na 'arpe'lpi! ¡Ỹataqta no'on na 'aranataqa' 'am Israel!

Éxodo 40:3

Nache 'aỹa'anaigui qome añi Arca maye laỹe' naua ñaỹamaxataxaco, qataq 'aua'ara't ca lapoxonaxat.

Éxodo 26:33

Ime, nache que'eca napoxonaxat 'emaxagui ca lemaxaquipi, qaq que'eca napoxonaxat nache ỹa'an ca loga't ca ndaqa' maye qui'itta, qataq ca ndaqa' maye sa qaishetapec, qaq aca laỹe' caua nqataxaco nache 'aỹa'anaña ca pa'auo ca napoxonaxat.

Éxodo 25:16

Ime, nache 'auachanguilo acamaye que'ecaua nqataxaco maye 'am sanema qome.

Apocalipsis 15:5

Qaq can ime de'era, nache qaltaq samato'ot na piguem, nache sela'a aso no'onaxanaxaqui da nauatoigui.

Éxodo 38:20

Qaq aso qaitoqnañi lashepi so lquetpi so npe'l 'enauac chegaqaigui na lcat bronce.

Éxodo 38:22

Nache so Besalel, maye llalec so Uri, qataq laual so Hur, som chegoxoguet so Judá.