Éxodo 38:1 - La'aqtaqa Ñim Lo'onatac 'Enauacna 2013

¹ So Besalel nataqa'en ỹo'ot aso nca'atoxonaxalate chegaqaigui na 'epaq acacia da yaqto' qaỹachalec da qaỹavigaxat ana nachetaqtaxanaqte qaỹavigaxatta. Qaq ye lcateueegue asomaye ivi' dos metros y veinticinco centímetros 'enauaque soua laỹel, qataq un metro y veinticinco centímetros ye lshequitcheguema.

Éxodo 38:1 Referans Kwoze

Apocalipsis 21:16

Qaq se'eso nỹecpi, somaye cuatro naua laỹel. Qaq ye lalogaxa nache 'eeta'am ye lcachiguiñi. Nache se'eso namaxashec naloqten se'eso nỹecpi daloqnaxana so laloqnaxanaxat maye chegaqaigui na oro. Qaq ivi' dos mil doscientos kilómetros ye locta, qataq ye lcachiguiñi, qataq ye lalogaxa na pa'asheguem.

Hebreos 13:10

Som ntaxaỹaxanaxanecpi da qaitaxaỹapegue' Ñim Lo'onatac 'Enauacna maye hueta'a co'ollaxa aso togoshe no'onaxanaxaqui da qaỹo'oxoren Ñimaye, somayepi saishet da qaỹashenem da chec nam huetalec añi qarca'atoxonaxalate.

2 Crónicas 4:1

Qaq so Salomón nataqa'en ỹo'ot aso nca'atoxonaxalate maye chegaqaigui na bronce, qaq asomaye ivi' nueve metros ye lalogaxa qataq nueve metros ye lcategue, qaq ye lshequitcheguema ivi' cuatro metros y medio.

Éxodo 40:29

Qaq aso nca'atoxonaxalate da qaỹavigaxat na nachetaqtaxanaxat, ỹanaña so naloteuga so ñegueuo so npe'l. Ime, nache ỹachalec da ỹavigaxat so lachetaqtaxanaxat shiguiỹacpi, qataq so lsoche na trigo. Qaq nache ipacchigui da lamaxasoxonaxac Ñim Nataxala'.

Éxodo 40:6

Qataq aca nca'atoxonaxalate da qaỹavigaxat ca nachetaqtaxanaxat, nache 'aỹa'anaña ca naloteuga ca ñegueuo ca npe'l.

Hebreos 13:8

So Jesucristo saishet da naralaxat da lataxac: Somaye nache 'eetai'.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.

Hebreos 3:1

Qami' ỹaqaỹa't, Ñim Lo'onatac 'Enauacna qami' iỹaxanalo qataq qami' lca'agui'she da ỹauo'oi qami' lalamaqa'ate. Ỹoqo'oye iuen da ỹataqta qauennataxañiitelec qataq qauloichigui So Cristo: Somaye qomi' qanamaxalo co'ollaxa qataq nacheso so lataxala' nam ntaxaỹaxanaxanecpi da qaitaxaỹapegue' Ñimaye.

Romanos 12:1

Qaq ỹoqo'oye qami' ỹaqaỹarolqa, souaxat da lta'araic lqouagaxanaqtaic Ñim Lo'onatac 'Enauacna maye qami' ỹaaleguete, nache qami' ñachoxoreetoiguilo da ỹataqta imauec da qanachaalataxaqui da qaỹa'añiỹot da qauo'onataxañiỹot qataq qauo'oche cam ỹaỹamaxareeta Ñimaye. Qaq 'era qome da lataxac da qayo'oxonnataxanaxaqui.

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Éxodo 25:5

qataq ca peenaq lo'oc maye nqo'oilliguishec togaxaraic, nataqa'en ca no'on lo'oc, qataq ca 'epaq le'enaxat acacia,

Éxodo 31:9

qataq aca nca'atoxonaxalate da qaỹavigaxat ca nachetaqtaxanaxat qataq ca lhuenecpi, nỹoxonaxaqui qataq ca lmala' camaye,

Éxodo 38:2

Nache soua cuatro lsheeneqa na pa'asheguem ỹauo'oi soua lcoue, qaq nache ima'a't naqa'en asomaye. Ime, nache lapaxalec so lcat bronce.

2 Crónicas 1:5

Qaq nataqa'en aso nca'atoxonaxalate maye chegaqaigui na lcat bronce maye lo'onata co'ollaxa so Besalel, som llalec so Uri, qataq laual so Hur, nache netaña som datatauga so npe'l maye lanataqa' naxa Ñim Nataxala', maye naña ye Gabaón. Qaq ỹoqo'oye so Salomón qataq 'enauac so shiỹaxauapi nqo'ona yemaye da yaqto' inat Ñim Nataxala'.

Éxodo 30:17

Ñim Nataxala' 'enapega so Moisés, 'eeta':