Éxodo 37:5 - La'aqtaqa Ñim Lo'onatac 'Enauacna 2013

⁵ ime, nache ỹa'aroiguilo soua la'aitel maye naua'alo soua laỹel da yaqto' ishet da qaỹache asomaye.

Éxodo 37:5 Referans Kwoze

Números 4:15

Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.

Números 1:50

Nacherata da 'anem qome da ilo'ogue ca npe'l, maye huetaigui aca laỹe da aỹamaxataxac, qataq 'enauac na logoxoshetpi, qataq ca lalamaxatpi camaye. Qataq namayepi nachena na ỹachetac qome ca logoxoshetpi da qalachaxan que'eca npe'l, qataq huapegue' que'eca nanataqa'. Qataq nache netañalo naua loiguiye camaye da nauaatalec.

Éxodo 37:4

Qataq ỹo'o't soua nchiigui'ishe 'epaxaye acacia da yaqto' lachoxola'ate da qaỹache asomaye, qataq lapaxaleguete so lcat oro,

Éxodo 37:6

Nataqa'en ỹo'ot so lapoxot ndotec oro, qaq ivi' ye un metro y diez centímetros ye lcateueegue,

1 Reyes 8:8

Qalaxaye souaxat da ỹataqta logoraiqa se'esoua lachoxola'ate asomaye, nache yo'oqteua'alo soua lsheeneqa da qanayeetaña so ndaqa' qui'itta, maye naloteuga so ndaqa' maye saqaishetapec, qalaxaye so pa'auec, nache saishet da qaila'alo soomaye, qaq 'era da 'eetec choche ivitta'a nagui.