Éxodo 37:4 - La'aqtaqa Ñim Lo'onatac 'Enauacna 2013

⁴ Qataq ỹo'o't soua nchiigui'ishe 'epaxaye acacia da yaqto' lachoxola'ate da qaỹache asomaye, qataq lapaxaleguete so lcat oro,

Éxodo 37:4 Referans Kwoze

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

Hechos 9:15

Qalaxaye So Qarataxala' 'enapego' somaye, 'eeta': –'Aue, 'anqo'ona, cha'aye Aỹem ica'aguishec ñi'iñi ỹale da yaqto' Aỹem ỹa'axat da ỹa'axatem na ỹotta'a't shiỹaxauapi, qataq na lta'alpi namayepi, nataqa'en nam Israel le'ecpi.

Éxodo 25:5

qataq ca peenaq lo'oc maye nqo'oilliguishec togaxaraic, nataqa'en ca no'on lo'oc, qataq ca 'epaq le'enaxat acacia,

Éxodo 37:3

Nataqa'en ỹo'o't soua cuatro la'aitel chegaqaiguilo na lcat oro, nache ỹanagui ñi 'oonolec soua cuatro lapia'ate asomaye.

Éxodo 37:5

ime, nache ỹa'aroiguilo soua la'aitel maye naua'alo soua laỹel da yaqto' ishet da qaỹache asomaye.

1 Reyes 8:8

Qalaxaye souaxat da ỹataqta logoraiqa se'esoua lachoxola'ate asomaye, nache yo'oqteua'alo soua lsheeneqa da qanayeetaña so ndaqa' qui'itta, maye naloteuga so ndaqa' maye saqaishetapec, qalaxaye so pa'auec, nache saishet da qaila'alo soomaye, qaq 'era da 'eetec choche ivitta'a nagui.