Éxodo 37:23 - La'aqtaqa Ñim Lo'onatac 'Enauacna 2013

²³ Nataqa'en ỹo'o't soua siete ncoỹaraxanaxaqui' ndoxottec na oro, qataq so lchegaxat na hualoq laỹe ncoỹaraxanaxat, qataq so laỹe' na alo.

Éxodo 37:23 Referans Kwoze

Apocalipsis 5:5

Qalaxaye huo'o so 'oonolec som nqueroxonecpi aỹem 'enapega, 'eeta': «Saishet da qoqueto'ot da 'anỹeetac, cha'aye Ñim talec da lo'onataxanaxac co'ollaxa so nta'a David, Ñim qaiỹaxana naxa da quiyoc lỹa maye chegoxoguet so Judá, Ñimaye mashe dauegaxan. Qaq ỹoqo'oye nachaqñita da huo'o da 'enec da nqa't naua siete na'anaxanaqtel qataq ishet da ỹauachigui ara nere.»

Apocalipsis 4:5

Qaq asa'aso so'onaxaqui chegoqtapegueua'a na nqashelgaxa, qataq nllimiaxa, qataq datateguet asomaye soua siete ncoỹaraxanaxaqui' 'ettaiguilo, maye nachesoua soua siete saq cha'alo la'añaxaco Ñim Lo'onatac 'Enauacna.

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

Apocalipsis 1:12

Qaq can ñamata'ague na ilaq da sechemaxata som aỹem detaqtacot, nache sela'alo soua siete ncoỹaraxanaxaqui' maye chegaqaiguilo na ndotec oro.

Zacarías 4:2

'Am Zacarías «¿Negue't ca 'aula'a?» Nache aỹem sasateguet sheeta': «Qomye selota'a ara lashe ana ncoỹaraxanaxaqui maye chegaqaigui na oro, aramaye na'attalec añi laỹe' na aceite. Qaq na pa'asheguem aramaye nache huo'oi ñeua siete ncoỹaraxanaxaqui' maye netaua'alo naua siete lleco na aceite.

Números 8:2

«Qonapega ñi Aarón, da ivita da ỹe'eraxatoigui ñeua siete ncoỹaraxanaxaquipi, nache natatec naqa'en.»

Éxodo 25:37

Qataq 'auo'o't caua siete ncoỹaraxanaxaqui', da yaqto' icoỹattalec na dataỹaueegue,

Éxodo 25:38

qataq ca lchegaxat ca hualoq laỹe ncoỹaraxanaxat, qataq ca laỹe' ca alo ndotec qome na oro.

Éxodo 37:22

Qaq se'esoua 'eeta'ama ana lauoxo, qataq soua lhua'q, nache ima'aguet aso ncoỹaraxanaxaqui maye chegaqaigui na lcat oro.

Éxodo 37:24

Qaq co'ollaq ỹo'ot aso ncoỹaraxanaxaqui qataq so laỹepi logoxoshetpi, nache ivi' so treinta y tres kilos so nda'a't oro so taigui asomaye.