Éxodo 37:16 - La'aqtaqa Ñim Lo'onatac 'Enauacna 2013

¹⁶ Nataqa'en ỹauota'a so lcat oro 'enauac som huetalec somaye, nquia'axaquipi, nemaxanaxatpi, nemaxanaqtepi, qataq aso ỹomaxaquipi maye laỹe' nam qaicoraxana da qaicorelec ca nachetaqtaxanaxat.

Éxodo 37:16 Referans Kwoze

2 Timoteo 2:20

Qaq ca nỹec maye lma' ca sallaxanec saishet da chaqcata ca nogoxoshet no'on maye chegaqaigui na oro, huo'otaq ca lcat plata da huetaigui. Nataqa'en huetaigui na chegaqaigui ana qo'oipaq qataq na 'alhua. Ne'ena nogoxoshetpi huo'o na taiguet da ño'oxoyec, qataq huo'o na taiguet da choche nhuenec lo'o.

2 Reyes 12:13

Qalaxaye asa'aso anom, maye qoỹaneua'a naxa aso atamnaxaqui maye lalamaqte Ñim Nataxala', saishet da qaỹo'ogoxona da qaỹo'ot aso ỹomaxaquipi plata, nchegaxanaqtepi, nasheerepi, qataq so laỹepi nhuenecpi oro, huo'otaq plata,

1 Reyes 7:50

qataq aso ỹomaxaquipi, nchegaxanaxatpi, npelegaxanaxatpi, nemaxanaxatpi, qataq aso nchenaxanaxat laỹe', qaq somayepi imauec oro, nataqa'en 'enauac oro so ñegueuo so ndaqa' maye saqaishetapec, qataq so lasompi aso atamnaxaqui.

Éxodo 25:29

qataq 'auo'ot nataqa'en ca nquia'axaquipi oro, qataq ca nemaxanaxatpi, nemaxanaqtepi, qataq aca ỹomaxaquipi maye qaicoyingui ca nachetaqtaxanaxat maye lli'i aca nañiguishe ala.

Éxodo 37:15

Qaq se'esoua lachoxola'ate 'epaxaye maye chegaqaiguilo na acacia, soomaye qalapaxaleguete so lcat oro.

Éxodo 37:17

Ime, nache so Besalel ỹo'ot nataqa'en aso lashe soua ncoỹaraxanaxaqui' chegaqaigui naqa'en na oro, qalaxaye ỹauota'a aso ntoqnaxanaqte da ỹo'ot. Qaq aso lashe, qataq soua lhuaxaye maye netagui so lsheenec ana 'eeta'am ana lauoxo ana almendro, asomaye ima'a't, 'oonole aso lashe,

Números 7:13

Nache somaye ỹaneuo so nquia'axaqui lta'araic lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, qaq somaye nachetaqtaxanaxat maye chegaqaigui na ala so nañiguishec,