Éxodo 36:8 - La'aqtaqa Ñim Lo'onatac 'Enauacna 2013

⁸ Nache so 'onataxanaxaicpi maye ỹataqta ỹaỹaten da lo'onataxanaxac, ỹa'ara't so npe'l, ỹauota'alo diez soua napoxonaqa'ate maye chegaqaigui na ỹataqta no'on lino, imalaqalec, tocalec qataq togaxaraic da lo'oxoỹaxac, qataq qantette' soua llo'oxoraqa'ate ne'enaqtaqa shiỹaxau' maye huo'oi naua laua't.

Éxodo 36:8 Referans Kwoze

2 Crónicas 3:10

Qaq na pa'auo so nanataqa' maye sa qaishetapec, nataqa'en damaxasoxoolec da qoỹanaña soua dos ne'enaqtaqa querubines maye huo'oi naua laua't, nache qalapaxaleguete nataqa'en na oro.

1 Crónicas 15:1

So David damaxasoxoolec da qano'oxoosheguem so nỹecpi, qoỹanaigui som huaqta'a't nỹecpi maye lalamaxat somaye, nataqa'en damaxasoxoolec da qaỹo'ot so npe'l da yaqto' qoỹanaigui aso arca maye laỹe' soua lqataxaco Ñim Lo'onatac 'Enauacna.

1 Reyes 6:23

Nataqa'en ỹo'o't soua dos ne'enaqtaqa shiỹaxau' maye huo'oi naua laua't, chegaqaigui na qo'oipaq olivo, nache ỹaaraña so nanataqa' maye saqaishetapec. Qaq ye lshequitcheguema ñi 'oonolec somaye, ivi' ye cuatro metros y medio.

Éxodo 35:10

«Qaq ca shiỹaxauapi maye ỹaỹaten da ỹo'ot na ỹotta'a't no'onatacpi, nachecapi qome ca anac da ỹo'ot nam damaxasoxoolecpi Ñim Nataxala', nache ỹo'ot ca:

Éxodo 31:6

Qataq sauo'o ltaua ñi Aholiab, ñim llalec so Ajisamac, maye chegoxoguet so Dan. Qataq 'enauac ca laỹepi ỹaanaxanaxaicpi sami' da nquiguec da laỹaanec, yaqto' ỹo'ot 'enauac ca 'am samaxalecpi da 'auo'ot:

Éxodo 25:22

Qaq nache huaña qome camaxa da 'am ñauane'. Qaq ne'ena l-laq que'eca lapoxot maye datatraña que'ecaua dos ne'enaqtaqa maye huo'oi naua laua't, maye netralec aca laỹe' caua nqataxaco, camaye nache huaña da 'am saỹaanaxanaxanec 'enauac na ỹamaxasoxonaxacpi maye sami' na Israel le'ecpi.»

Éxodo 25:18

Nache 'aỹa'analeguete qome caua dos ne'enaqtaqa huo'oi caua laua't, caamaye 'aurota'alo aca ntoqnaxanaqte da 'auo'o't, nache 'aỹa'ana'agueta caua lsheeneqa.

Éxodo 31:7

Ca npe'l maye huaña da aỹem qanauane', aca arca laỹe caua nqataxaco, qataq cam lapoxot acamaye, qataq 'enauac ca lhuenecpi que'eca npe'l,

Éxodo 36:9

Qaq ye lalogaxa ñi 'oonolec so napoxonaxatpi ivi' doce metros y medio ye lalogaxa, qataq dos metros ye lcateueegue. Nache 'enauac somayepi 'eeta'a't ye lalogaxa qataq ye lcateueegue.

2 Crónicas 1:3

Nache so Salomón lỹatec 'enauac se'eso lapoota'a't shiỹaxauapi da taỹa ye atamnaqa' maye naña ye Gabaón, cha'aye nache naña yemaye so npe'l maye huaña naxa da qanauane' Ñim Lo'onatac 'Enauacna, maye so Moisés, som lamaxashec Ñim lo'onatac 'Enauacna, ỹo'ot co'ollaxa hualec ye toolec 'alhua.

Éxodo 39:3

Qataq qairapaqchen so lcat oro. Ime, nache qanchiguiñi 'eeta'am qanqa'en ca ntetaxanaxat da yaqto' leraxat so hualoq laỹe imalaqalec, tocalec, togaxaraic da lo'oxoỹaxac, qataq so no'on lino.