Éxodo 36:7 - La'aqtaqa Ñim Lo'onatac 'Enauacna 2013

⁷ Cha'aye 'enauac so ỹaneuopi somayepi, mashe nalotalec da qaỹo'ot so no'onataxanaxatpi, qataq mashe ỹapacauec.

Éxodo 36:7 Referans Kwoze

2 Crónicas 31:10

nache so lataxala' so ntaxaỹaxanaxanecpi Azarías, maye chegoxoguet so Sadoc, ỹasateguet somaye 'eeta': «Chegoqchiguiña co'ollaq qaỹacoolec da qandoua'a ana atamnaxaqui maye lalamaqte Ñim Nataxala' ne'ena nachetaqtaxanaxatpi, nache qomi' saishet da seuenaqtaique ca sacheguenaq, qalaxaye ñaqaiyeta qalota na no'onañi, qaq 'enauac ne'ena nachena na no'onañi, cha'aye Ñim Nataxala' talec naqa'en da nqouagaxa nam lalamaxat nhuo' le'ecpi.»

Éxodo 36:6

Nache so Moisés damaxasoxoolec da qaỹa'aqtaxanem so ỹalleppi qataq so 'alpi, maye netaña so nanataqa' maye qanayeutaña, da yaqto' saishet da queto'ot da ndotapegueuo na lachetaqtaxanaxatpi. Qaq 'era da 'eetec co'ollaq so Israel le'ecpi da saishet da queto'ot da ndouo na lachetaqtaxanaxat.

1 Reyes 8:64

Qaq nache huetoigui se'eso na'a'q da so nta'a, ỹaneuo so laiñiguishec so qasoxoc maye datatauga aso atamnaxaqui maye lalamaqte Ñim Nataxala', nache huaña naqa'en somaye da ỹaneuo aso nachetaqtaxanaqtepi qaỹavigaxatta, qataq aso ala na nañiguishec, qataq na lcheta ana nachetaqtaxanaqtepi maye qanhuaachigui. Cha'aye aso nca'atoxonaxalate bronce, maye netaña ye lanataqa' Ñim Nataxala', asomaye qapio'ole, nache sa nalolec 'enauac se'eso nachetaqtaxanaxatpi qaỹavigaxatta, qataq aso ala na nañiguishec, qataq aso qanhuaachigui.