Éxodo 36:5 - La'aqtaqa Ñim Lo'onatac 'Enauacna 2013

⁵ nache nqo'oneua'a so Moisés da da'aqtaxanem, 'eeta': «Na shiỹaxauapi mashe ỹapacauec na ndotapegueuo maye iuen da qaỹo'ot na no'onatacpi maye damaxasoxoolec Ñim Nataxala'».

Éxodo 36:5 Referans Kwoze

2 Crónicas 24:14

Qaq co'ollaq mashe imeta asomaye, nache aso no'onañi aso anom qairoua'a so nta'a qataq so Joyadá, nache soomaye damaxasoxoorelec da qaỹo'onataxana asomaye da qaỹo'ot so no'onataxanaxatpi da yaqto' lalamaxat aso atamnaxaqui maye lalamaqte Ñim Nataxala', qataq som no'onataxanaxatpi da qaỹo'ot da ño'oxonnataxanaxac, qataq da qoỹaneuo som nachetaqtaxanaxat qaỹavigaxatta, qataq som nemaxanaxatpi lta'araicpi, qataq ỹomaxaquipi oro qataq plata. Qataq nache qoỹaatapegueua'a aso atamnaxaqui maye lalamaqte Ñim Nataxala' so nachetaqtaxanaxatpi qaỹavigaxatta co'ollaq ña nca'altauec so Joyadá.

Filipenses 2:21

Cha'aye 'enauac nam laỹepi ime'eguet da ỹo'ottac nam maiche lalamaxatpi, qaq de'era saishet da nachera da laỹamaxannatac So Jesucristo.

Éxodo 32:3

Nache 'enauac somayepi nqat aso lshetepi. Ime, nache iroua'a so Aarón,

Éxodo 36:4

Nache 'enauac so sanqalaate' da huo'o na ỹo'ot maye ỹo'ottac so npe'l, ỹaxaañi da lo'onataxanaxac,

Éxodo 36:6

Nache so Moisés damaxasoxoolec da qaỹa'aqtaxanem so ỹalleppi qataq so 'alpi, maye netaña so nanataqa' maye qanayeutaña, da yaqto' saishet da queto'ot da ndotapegueuo na lachetaqtaxanaxatpi. Qaq 'era da 'eetec co'ollaq so Israel le'ecpi da saishet da queto'ot da ndouo na lachetaqtaxanaxat.