Éxodo 36:3 - La'aqtaqa Ñim Lo'onatac 'Enauacna 2013

³ Nache so Moisés, ỹami' co'ollaxa somayepi aso nachetaqtaxanaqtepi maye ỹaneuo so Israel le'ecpi, da yaqto' ỹo'ot 'enauac so iuen da qanauaxaỹaxaasheguem so npe'l, maye huaña da qanauane' Ñim Nataxala'. Qaq so Israel le'ecpi nache queto'ot da ndotegueuo na lachetaqtaxanaxatpi ye na'a'q.

Éxodo 36:3 Referans Kwoze

Éxodo 35:29

Nache 'enauac so Israel le'ecpi, ỹalleppi, qataq so 'alpi, maye maiche lquiyaqteỹaxac da ỹaneuo aso lachetaqtaxanaqte, ỹanem co'ollaxa so Moisés da yaqto' qaỹo'ot 'enauac som damaxasoxoolecpi co'ollaxa Ñim Nataxala'.

Jeremías 21:12

Qataq 'auqata nam chegoxoguet so David da Ñim Nataxala' 'eeta' da la'aqtac: Qauo'oche qome 'enauaque naua na'axa'te ca nalochiguiñi lataxac, qataq qausoiuec nam qarcoñeteguishequi, cha'aye da saiuena'a da souaxat da qauem qaro'onataxanaxaqui, nache 'eroigui da ỹalemataic 'eeta'am ca norec, qataq nalaqaasheguem, nache qaica ca ishet da ỹalamat.

Isaías 50:4

Ñim Nataxala' aỹem ỹanema naua na'aqtaqa ỹaanaxanaxaiqa, da yaqto' saỹaten da sa'añaqchet cam nasamtañi. Ye nte'eta qalaq aỹem nquetoxon da yaqto' saconegueta naua lapaxaguenataxanaxaco sheeta'am ca no'on napaxaguenatac.

Proverbios 8:15

Nache aỹem chegoqchigui da huo'o da lo'onataxanaxac na nta'alpi, qataq na nataxala'pi da ishet da lapaxañi ca no'on lataxac.

Salmos 101:8

Qaq 'enauaque naua na'axa'te da huaiguilo da ñequigaxatta'a't, 'enauac na qauemaicpi maye netalec ana 'alhua, nache ivitta'a da nmichiguiñi ñaqa'en na qauemaicpi, maye netaigui na huaqta'a't nỹecpi maye lalamaxat Ñim Nataxala'.

Salmos 5:3

'Am Nataxala', ye nte'etom qalaq 'aua'aqtega da ivilỹaxac, ye nte'etom qalaq 'am sanot da ñachoxonnaxac, ime nache seuattaique ca 'arasataxac.

Éxodo 35:27

Qaq so nataxala'pi, qalaq ndouo so coma' cornalina, qataq so laỹe coma'pi maye ỹataqta no'on, da yaqto' lallagui'ishe so nhuomaigui lomaxaqui maye le'enaxat efod, qataq da qalapaxalec so ntogue lapoxot le'enaxat pectoral,

Éxodo 36:2

Qaq so Moisés, iỹaxana co'ollaxa so Besalel qataq so Aholiab, qataq 'enauac so laỹepi shiỹaxauapi maye Ñim Nataxala' ỹamem da ỹaỹaten da ỹo'ot na ỹotta'a't no'onatacpi, qataq 'enauac so maiche chegoqchigui da detaunaxan da ỹo'ot so no'onatacpi.

Éxodo 36:4

Nache 'enauac so sanqalaate' da huo'o na ỹo'ot maye ỹo'ottac so npe'l, ỹaxaañi da lo'onataxanaxac,

Amós 4:5

Qataq qauavigaxache aca nauole 'ayiiña maye qaica ca lalegue, da qarachetaqtaxanaqche da qaỹa'añi da qana'achecỹaxaqui, qataq qaua'axacheeuec anam qarachetaqtaxanaqche maye maiche qami' chegoqchiguilo da qaỹa'añeeuo, cha'aye nachera da ỹataqta qanqopichiỹa da qauo'oche qami' Israel le'ecpi. Qaq 'era da la'aqtac Ñim Nataxala'.