Éxodo 36:2 - La'aqtaqa Ñim Lo'onatac 'Enauacna 2013

² Qaq so Moisés, iỹaxana co'ollaxa so Besalel qataq so Aholiab, qataq 'enauac so laỹepi shiỹaxauapi maye Ñim Nataxala' ỹamem da ỹaỹaten da ỹo'ot na ỹotta'a't no'onatacpi, qataq 'enauac so maiche chegoqchigui da detaunaxan da ỹo'ot so no'onatacpi.

Éxodo 36:2 Referans Kwoze

Hebreos 5:4

Qalaxaye qaica ca ishet da lataxala' na ntaxaỹaxanaxanecpi da maiche lhuennataxac camaye. Nachaqrata da Ñim Lo'onatac 'Enauacna maye nacheñi ñim lca'aguishec camaye qataq ỹami' da 'enec. Qaq 'era da 'eetec co'ollaxa Ñim Lo'onatac 'Enauacna da lca'aua'a so Aarón da yaqto' lataxala' na ntaxaỹaxanaxanecpi da qaitaxaỹapegue' Ñimaye.

Colosenses 4:17

Nataqa'en qoñiỹapega qome ca Arquipo, qoñiita': «Ỹataqta 'auaỹamaxatchiguiñi qome da 'aro'onataxanaxac maye 'am ipataxalec So Qarataxala'.»

Éxodo 31:6

Qataq sauo'o ltaua ñi Aholiab, ñim llalec so Ajisamac, maye chegoxoguet so Dan. Qataq 'enauac ca laỹepi ỹaanaxanaxaicpi sami' da nquiguec da laỹaanec, yaqto' ỹo'ot 'enauac ca 'am samaxalecpi da 'auo'ot:

Hechos 14:23

Qataq 'enauac nam hueta'a na 'amqaanataxanaxaicpi, so Pablo qataq so Bernabé, ỹauo'o na lataxala'pi, yaqto' itauaatac namayepi. Qaq da ime da nqouagaxaunaxa'c qataq da nqouaqchetaxa'c, nache ỹashel-lec somayepi, nache iỹaxaatracot Ñim Lo'onatac 'Enauacna da itaua'n, cha'aye somayepi ỹa'amaqten So Jesús.

1 Crónicas 29:5

Qataq ne'ena oro qataq na plata, do'onataxana qome cam ỹaỹaten da ỹo'ot nam ỹotta'a't nogoxoshetpiolec. Qaq nagui, ¿negue't ca lỹa da qoñiita, da maiche chegoqchigui da ỹanot Ñim Nataxala' ca lachetaqtaxanaxat?»

Éxodo 35:10

«Qaq ca shiỹaxauapi maye ỹaỹaten da ỹo'ot na ỹotta'a't no'onatacpi, nachecapi qome ca anac da ỹo'ot nam damaxasoxoolecpi Ñim Nataxala', nache ỹo'ot ca:

Éxodo 35:2

Seis na'axa'te da qauo'onataxañiitac qome, qalaxaye da ivita ye na'a'q siete, nache qanmachiiuec, cha'aye yi'iye na'a'q huetoigui da ỹataqta qaỹo'oxoren Ñim Nataxala'. Qaq da huo'otaq huo'o ca shiỹaxaua da do'onataxan yi'iye na'a'q maye mataxaqui nache camaye qaỹalauat.

Éxodo 28:3

Qataq 'anmitaique qome ca sanem co'ollaxa da ỹaỹaten da ỹo'ot ca nogoxot qataq da ỹo'ot ca leraxat ca nogoxot da ỹo'oxoraqta naqa'en, yaqto' ỹo'o't caua alogo so Aarón. Qaq da ime, nache sanagui da lo'onataxanaxac da itaxaỹaxanaxanec.

Éxodo 25:2

«Qonapega qome na Israel le'ecpi da Aỹem ndoua'a aca lachetaqtaxanaqte. Qalaxaye saishet da 'auamaqalec nachaqrata da ñi 'oonolec maiche lhuennataxac, qataq lquiyaqteỹaxac da ndouo aca lachetaqtaxanaqte.

Éxodo 36:1

Qaq ỹoqo'oye ñi Besalel qataq ñi Aholiab, qataq 'enauac cam ỹaỹaten da ỹo'ot nam ỹotta'a't no'onatacpi, maye Ñim Nataxala' ỹanem da laỹaanec, qataq da lauattonaxanaxac, qaq nacheca qome ca ỹo'ot 'enauac nam damaxasoxoolec Ñim Nataxala'.»

Éxodo 36:3

Nache so Moisés, ỹami' co'ollaxa somayepi aso nachetaqtaxanaqtepi maye ỹaneuo so Israel le'ecpi, da yaqto' ỹo'ot 'enauac so iuen da qanauaxaỹaxaasheguem so npe'l, maye huaña da qanauane' Ñim Nataxala'. Qaq so Israel le'ecpi nache queto'ot da ndotegueuo na lachetaqtaxanaxatpi ye na'a'q.

1 Crónicas 28:21

Qaq 'ena nam ỹalecta'a't ntaxaỹaxanaxanecpi qataq na leviitapi, maye lhuotta da pa'aỹa'aguet da ỹo'ot qome nam no'onatacpi aca'aca atamnaxaqui maye lalamaqte Ñim Lo'onatac 'Enauacna. Qaq nataqa'en 'am itauan qome nam shiỹaxauapi maye sa nqalaate' da ỹo'ot na ỹotta'a't no'onatacpi, qataq nam lataxala'pi 'enauac na nhuo' le'ecpi 'am itauan qome.»

Éxodo 25:40

qalaxaye ỹataqta 'aue'enaxatchigui qome da lataxac da no'onataguec aso 'am sachaxana co'ollaq huaña añi qasoxonaxa.»