Éxodo 36:10 - La'aqtaqa Ñim Lo'onatac 'Enauacna 2013

¹⁰ Qaq soua cinco se'esoua napoxonaqa'ate, nache qantera't, qataq soua lỹa't cinco nataqa'en qantera't.

Éxodo 36:10 Referans Kwoze

Filipenses 3:15

Qaq ỹoqo'oye 'enauac da shenaqta maye mashe nalochiguiñi da qarpi'iỹaxac, no'on da nache 'eeta'a't da qarhuennataxa. Qalaxaye da huo'otaq huo'o ca lỹa qarhuennataxaqui, qalaq Ñim Lo'onatac 'Enauacna ishet nataqa'en da qami' itauneque da qauaỹaañi camaye.

Filipenses 2:2

Qaq ỹoqo'oye qami' seỹaxanoiguilo 'enauac da qoñiita da qauauo'oi ca lta'araic ñetonaxac, qoviitaigui da qaica ca ỹaqpegueuga da qoñiita qataq ñi 'oonolec ỹataqta ỹauotec ca lỹa. Qataq qanaỹaañeta't da huo'o ca qauennacheetega qataq 'oonolec ca qaryaxayiqui.

Efesios 1:23

Cha'aye na 'amqaanataxanaxaicpi, nachena na 'eeta'am da lo'ocỹaxac So Cristo. Qaq namayepi ỹataqta imatta't da lataxac Somaye. Qaq Somaye ỹataqta naloqchiichiguiñi naqa'en na 'amqaanataxanaxaicpi.

1 Corintios 12:27

Ñi 'oonolec da qoñiita na'attaua'a na laỹepi 'amqaanataxanaxaicpi, qaq 'enauac qami' qana'ayeetaua'a da lo'ocỹaxac So Cristo.

1 Corintios 12:20

Qaq na'aictaxa da ỹotta'a't da lataxac na nogoxoshetpi, qalaxaye 'oonolec da qana'attaua'a no'ocỹaxac.

1 Corintios 1:10

Qami' ỹaqaỹañicpi, qami' seroleguete da le'enaxat So Qarataxala' Jesucristo da qami' ñachoxoreetoiguilo da ỹataqta qanaỹaañeta't. Saishet da qaucolaqaitagui. Nachaqrata da qaica ca ỹaqpegueuga, 'oonolec ca qarhuennataqai qataq ca qoñiitapeguec.

Hechos 2:1

Qaq co'ollaq ivita so na'a'q, le'enaxat Pentecostés, nache 'enauac nam ỹa'amaqten So Jesús lapoota'a't, 'oonolec ca qanayeeta'a.

Sofonías 3:9

«Qaq qom ivita que'eca na'a'q, nache sequi'itaxa't naua la'aqtaqa nam nhuo' le'ecpi, yaqto' 'enauac namayepi da Aỹem ỹo'oxoren qome, qataq 'oonolec ca lhuennataxac da Aỹem do'onataxanot.

Salmos 133:1

Ñaq qauloỹa da ỹataqta no'on qataq huo'o da lyac, da ỹataqta nhuoteeta't na nqaỹañecpi.

Salmos 122:3

'Am Jerusalén, 'am qano'oxoosheguem co'ollaxa, da yaqto' 'am laponqa' na shiỹaxauapi.

Éxodo 26:3

Qaq nache 'antera'a't caua laỹel caua cinco, yaqto' nache qota'a't qome que'eca napoxonaxat, qataq dos que'ecaua nataxau', qataq nache 'aue'enaxatchigui da 'auo'o't que'ecaua lỹa't cinco da 'antera't,

Éxodo 36:9

Qaq ye lalogaxa ñi 'oonolec so napoxonaxatpi ivi' doce metros y medio ye lalogaxa, qataq dos metros ye lcateueegue. Nache 'enauac somayepi 'eeta'a't ye lalogaxa qataq ye lcateueegue.

Éxodo 36:11

Ime, nache qaỹo'ot aso la'aitepi soua laỹel, qataq so lquetpi imalaqalec da lo'oxoỹaxac se'eso la'auaxanec cinco napoxonaxat, nataqa'en soua laỹel soua pa'atrec napoxonaqa'ate.