Éxodo 35:5 - La'aqtaqa Ñim Lo'onatac 'Enauacna 2013

⁵ Qami' qandoiuo qome aca qarachetaqtaxanaqche da yaqto' qaỹa'añiỹot Ñim Nataxala'. Qaq 'eca qome ca ishet da qaỹa'añiiuo da qarachetaqtaxanaxachi da qaỹa'añiỹot Ñim Nataxala', qataq ỹataqta lquiyaqteỹaxac qome da huo'o ca ỹaneuo ca lcat oro, plata, huo'otaq bronce,

Éxodo 35:5 Referans Kwoze

2 Corintios 9:7

Qaq ỹoqo'oye ñi 'oonolec ishet da ỹan cam lcata cam tachigui da lquiyaqteỹaxac da ỹan, qaq saishet da choche nacheta'a, huo'otaq da choche qaỹamaqtalec. Cha'aye Ñim Lo'onatac 'Enauacna ỹataqta ỹaỹamaxareeta cam ỹataqta machiguiñi da dachetaqtaxan.

Salmos 110:3

Qataq 'am nañanot na 'arhuo' le'ecpi, qom ivita da 'auamaxasoxon da huaña añi qui'itta qasoxonaxa, nache 'eeta'am na 'aỹa maye naañi da yaqta'a yo'oxoñi, dam dalaxaic 'annogotshec 'enauaque naua na'axa'te.

Jueces 5:9

Qaq da iquiyaqteỹaxac hueta'aguet na lataxala'pi na Israel le'ecpi, qataq nam shiỹaxauapi maye maiche ihuo' le'ecpi, maye lhuotta co'ollaq qaiỹaxana da nalat. ¡Sho'oxorenaq Ñim Nataxala'!

Éxodo 25:1

Nache Ñim Nataxala' 'enapega so Moisés, 'eeta':

Éxodo 35:4

So Moisés 'enapega co'ollaxa 'enauac so Israel le'ecpi, 'eeta': «Da lamaxasoxonaxac Ñim Nataxala', 'eeta':

Éxodo 35:6

qataq ca ỹotta'a't hualoq laỹepi maye malaxaraic, tocalec, qataq togaxaraic da lo'oxoỹaxac, qataq ca ỹataqta no'on lino, qataq ca quetaq laue,

Éxodo 35:21

qaq co'ollaq ime, nache 'enauac som nanomta da ỹataqta lquiyaqteỹaxac da huo'o ca ỹaneuo, nache ỹe'eguelaxauo da yaqto' ỹanot Ñim Nataxala' ca lachetaqtaxanaxat, da yaqto' qanauaxaỹaxaasheguen so npe'l, qataq cam laỹe qaỹo'otpi da qaỹo'ot camaye, qataq caua alogo so ntaxaỹaxanaxanec.

2 Reyes 12:4

Qaq huo'o so na'a'q, nache so Joás, 'enapego' so ntaxaỹaxanaxanecpi, 'eeta': 'Enauac anam nachetaqtaxanaqte anom maye qanañaatapegueua'a naxa ana atamnaxaqui maye lalamaqte Ñim Nataxala', qataq anam ỹaqauga lsheetenaxanaqte ñi 'oonolec nam shiỹaxauapi, qataq ana maiche chegoqchigui da lhuennataxac ñi 'oonolec da ỹaneua'a añi atamnaxaqui maye lalamaqte Ñim Nataxala',

2 Crónicas 29:31

Qaq co'ollaq ime nache so Ezequías 'enapega so shiỹaxauapi, 'eeta': «Qaq cha'aye nagui mashe qanañañiỹot Ñim Nataxala', nache qauanaiua'a ana atamnaxaqui da qaỹa'añiiuo aca qarachetaqtaxanaqche da qauo'oche da qayo'oxonnataxanaxaqui.» Huaña nache so lapoota'a't shiỹaxauapi irouo aso lachetaqtaxanaqtepi, qataq ỹo'ot so llo'oxonnataxanaxac, qataq so maiche chegoqchigui da lquiyaqteỹaxac da ỹaneuo aso lachetaqtaxanaqte qaỹavigaxatta.

Éxodo 35:29

Nache 'enauac so Israel le'ecpi, ỹalleppi, qataq so 'alpi, maye maiche lquiyaqteỹaxac da ỹaneuo aso lachetaqtaxanaqte, ỹanem co'ollaxa so Moisés da yaqto' qaỹo'ot 'enauac som damaxasoxoolecpi co'ollaxa Ñim Nataxala'.