Éxodo 34:9 - La'aqtaqa Ñim Lo'onatac 'Enauacna 2013

⁹ 'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

Éxodo 34:9 Referans Kwoze

Salmos 33:12

Qaq ỹataqta machiguiñi na ỹotta'a't shiỹaxauapi maye nacheñi Ñim Nataxala' da Natamnaxala', nam shiỹaxauapi maye lca'aua'a co'ollaxa Ñimaye da yaqto' lalamaxatpi.

Salmos 94:14

Qalaxaye 'Am Nataxala', saishet qome da qoca'ai na 'aralamaxat nhuo' le'ecpi, qataq saishet da 'andoxottec nam 'aralamaxatpi.

Deuteronómio 32:9

Cha'aye na iỹotaugapi Ñim Nataxala', nachena nam nalamaxat nhuo' le'ecpi, maye chegoxoguetpi so Jacob.

Salmos 135:4

Cha'aye Ñim Nataxala', lca'aguishec co'ollaxa so Jacob, som Israel da yaqto' lalamaxat.

Salmos 28:9

Ñaq 'anca'alaxatec na 'aralamaxat nhuo' le'ecpi, 'Am Nataxala', 'aỹa'anem ca nqouagaxa na 'aralamaxatpi. 'Antela'a qoneta'am ca ilotague' ana qaguetapi, qataq nache 'eetai' da 'auauecta'aguet.

Jeremías 10:16

¡Ñim Natamnaxala' so Jacob ỹataqta huaỹoqtec da lataxac, cha'aye Ñimaye ỹo'ot co'ollaxa 'enauac nam huo'o! Ñimaye lca'aguishec na Israel le'ecpi da yaqto' lalamaxat. Dam le'enaxat Ñimaye, 'eeta': Nataxala' maye Qaica ca Ỹaqalanapec.

Éxodo 32:9

Qaq Ñim Nataxala' nataqa'en 'enapeco' co'ollaq 'eetega so Moisés, 'eeta': Aỹem mashe sauatton da lataxac yi'iye nhuo' le'ecpi da ỹataqta saishet da ỹalaq.

Zacarías 2:12

Qaq Ñim Nataxala' qaltaq ỹe'eguelaxa qome da lalamaxat na Judá, maye huetaigui nam qui'itta 'alhua, qataq ỹe'eguelaxalec nataqa'en da ỹa'axatec da ye Jerusalén nacheye ye lca'aguishec.

Salmos 78:62

Ỹataqta dalemataỹa Ñimaye ne'ena lalamaxat nhuo' le'ecpi, nache ỹaneguet na lainecpi na mpa'aguenaxauapi.

Éxodo 19:5

Qaq ỹoqo'oye nagui, da qami' ỹataqta aỹem qaualaqaiguet qataq qaupaquiitelec da ñaỹamaxataxac co'ollaq qami' ñaỹamaxateto, nache ỹataqta qami' ỹauotaqa'ate, qataq saishet da qoñeeta'am qome na laỹepi shiỹaxauapi, cha'aye 'enauac ana 'alhua maiche ỹalamaqte.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Isaías 48:4

Qaq Aỹem ye saỹaten da ỹataqta qaramchigui na 'arqaic, ỹataqta 'am qaramta qoneta'am ca lcat qataq na 'aratap 'eeta'am ca lcat bronce,

Salmos 25:11

'Am Nataxala', souaxat da huo'o naq 'enec 'anqa'en da 'are'enaxat, nache 'auapalaxat qome da lta'araic ỹasouaxashet.

Números 14:19

Qaq souaxat de'era lta'araic 'arsoxoyec, nache 'auapalaxat nagui na qauem maye ỹo'otpi ne'ena nhuo' le'ecpi, cha'aye chegoqchiguiña co'ollaxa ye Egipto da ỹataqta 'anhualaxaueetague' choche 'anviraxatta'a ne'ena.»

Éxodo 34:7

Nam ỹataqta qaica ca loga't da lauotaxanaqtaic, qataq ishet da ichoxoren ca huo'o ca npe'enaxac qataq ca sa ỹalaq, qataq ca huo'o ca lasouaxashet. Qalaxaye nataqa'en ishet da ỹauo'o ca nhuaxanaguec ca shiỹaxaua maye qauema naua ỹo'otta'ape, qataq ca llalaqpi, laualpi qataq ca llalaqpi ca laualpi camaye.»

Deuteronómio 4:20

Cha'aye Ñim Nataxala' qami' ỹacoosopa co'ollaxa da qami' nqateeguesopa ye Egipto maye 'eeta'am aca nqatelaxanaxaqui, maye lqatelaxaqui ca lcat, da yaqto' ỹauo'oi qami' lalamaqa'ate Ñimaye.

Deuteronómio 9:18

Ime, qaltaq she'eguelaxalec da sa'aldoto naua illecte Ñim Nataxala', se'enaxatchigui da sheetec soua cuarenta na'axa'te, qataq soua cuarenta pe', co'ollaq qaica ca sachec qataq qaica ca ñeỹomgui, souaxat da lta'araic qarasouaxashichi da qauo'ocheetac da qauem maye ỹauaachigui Ñim Nataxala', nache dalemata naqa'en Ñimaye.

Deuteronómio 9:26

nache ñatameetacot Ñim Nataxala', sheeta': ‹'Am Nataxala', saishet qome da 'anlaxaañi ne'ena nhuo' le'ecpi, maye maiche 'aralamaxatpi, maye 'anqateeguesop co'ollaxa ye Egipto 'aurolec da 'ara'amaqchec, qataq da lta'araic 'ara'añaxac.

Deuteronómio 9:29

Qalaxaye namayepi ye maiche 'aralamaxatpi, qataq 'anqateeguesop co'ollaxa ye Egipto 'aurolec da ỹataqta lta'araic 'ara'añaxac.›»

Miqueas 7:18

Qaq ¿negue't ca Atamnaxala' da 'eeta'am 'am, da 'auapalaxat na lasouaxashetpi qataq sa 'aulogui da saỹalaq nam saq 'amaqtaq maye no'onañi co'ollaxa 'aralamaxat nhuo' le'ecpi? Qataq saishet da nache 'eetai' da 'arayeloxo, cha'aye nache 'eetai' da lta'araic 'arauotaxanaqtaic da shenaqta.

Éxodo 33:12

So Moisés 'enapega Ñim Nataxala', 'eeta': «'Am, maye aỹem 'auamaxalec co'ollaxa ne'ena nhuo' le'ecpi da saueca'aguet, qalaxaye saishet da aỹem 'aua'aqtaxanem da negue't ca aỹem itauan. Nataqa'en qonapec co'ollaxa da aỹem 'auauotec qataq aỹem 'arpe'et.