Éxodo 34:32 - La'aqtaqa Ñim Lo'onatac 'Enauacna 2013

³² Ime, nache maiche anac 'enauac so laỹe Israel le'ecpi da naua'a so Moisés, nache somaye da'aqtaxanem somayepi 'enauac na lqataxacpi Ñim Nataxala' maye ỹanem somaye, co'ollaq hualec aso qasoxonaxa Sinaí.

Éxodo 34:32 Referans Kwoze

1 Corintios 15:3

Dam sa'auaxaachiguiñi maye qami' sapaxagueneque, damaye nataqa'en aỹem qaỹapaxaguenec co'ollaxa, 'eeta': So Cristo qomi' ileualeguete souaxat da qaye'etaxaloxo. Qaq damaye ipacchigui da 'enapec ana nere maye huetalec na la'aqtacpi Ñim Lo'onatac 'Enauacna, da

1 Corintios 11:23

Cha'aye aỹem saconeguet de'era napaxaguenataxanaxac maye chegoqo'ot So Qarataxala' Jesucristo, da se'eso pe co'ollaq yaqta'a da qoỹaneuo, nache ỹacona aso nauole 'ayiiña.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

1 Reyes 22:14

Nache so Micaía, 'enapeco': Qaq cha'aye 'eesa da nca'altauec Ñim Nataxala', nache cam la'aqtac maye aỹem ỹanem Ñimaye, nacheca qome ca sa'axat.

Números 15:40

Yaqto' ntoueeta'ac qataq ỹo'ot 'enauac na iqataxacpi, qataq ỹataqta Aỹem ỹalaxaguet, yaqto' namayepi qui'itta da lataxac, cha'aye Aỹem Lataxala'.

Éxodo 24:3

Qaq co'ollaq ime da qana'aqtaxaatague' so Moisés, nache ñe'eguelañi da da'aqtaxanem 'enauac so shiỹaxauapi na la'aqtacpi qataq na lqataxacpi Ñim Nataxala'. Nache 'enauac somayepi 'oonolec da lasataxac, 'eeta': ‹¡So'otaq qome 'enauac nam damaxasoxoolecpi Ñim Nataxala'!›

Éxodo 21:1

Qaq 'ena na iqataxacpi maye 'aua'aqtaxanem qome na Israel le'ecpi, 'eeta':

Éxodo 34:31

Qalaxaye so Moisés iỹaxana somaye, nache so Aarón qataq 'enauac som lataxala'pi so ỹalecta'a'tpi, qataq ỹe'eguelaxa so hueta'a somaye. Nache so Moisés detaxaỹapegue' co'ollaxa somayepi.

Éxodo 34:33

Qaq co'ollaq ime da detaqtague' somayepi, nache ỹauo'o so lapoxot na lashec.

Éxodo 35:1

Nache so Moisés laỹona't co'ollaxa so Israel le'ecpi nache, 'eeta': «Da lamaxasoxonaxac Ñim Nataxala', 'eeta':