Éxodo 34:31 - La'aqtaqa Ñim Lo'onatac 'Enauacna 2013

³¹ Qalaxaye so Moisés iỹaxana somaye, nache so Aarón qataq 'enauac som lataxala'pi so ỹalecta'a'tpi, qataq ỹe'eguelaxa so hueta'a somaye. Nache so Moisés detaxaỹapegue' co'ollaxa somayepi.

Éxodo 34:31 Referans Kwoze

Éxodo 3:15

Ñim Lo'onatac 'Enauacna nataqa'en 'enapega so Moisés, 'eeta': «Qonapega qome ye llalaqpi so Israel, qoneta': ‹Ñim Nataxala', Ñim Natamnaxala' soua hua'au' qarta'alli' Abraham, Isaac qataq Jacob, Ñimaye aỹem namaxalo qami'.› Qaq 'era da ỹe'enaxat maye chochaq tatec, qataq 'era da ỹe'enaxat maye qaica ca loga't.»

Génesis 45:15

Qaq ime, nache so José napigoxoi'salo 'enauaque soua lqaỹa't, nache nỹeetac co'ollaq nqapalta'ai'salo soomaye. Qaq co'ollaq ime de'era, nache soua lqaỹa't ishet da detaxairapegue' somaye.

Génesis 45:3

Nache so José da'aqtaxanema co'ollaxa soua lqaỹa't, 'eeta': «Aỹem nachaỹem José. ¿Ña nca'altauec peta'a ca ita'a?» Qalaxaye soua lqaỹa't saỹañoxo't co'ollaxa da ỹasatreguet somaye, souaxat da ỹataqta lta'araic da lcolanaqa' da datatro'ot somaye.

Éxodo 16:22

Qaq naxa da ivireuga ye na'a'q seis, nache ñi 'oonolec ỹaconeua'a ye cuatro kilos da yaqto' nalaiguilo soua dos na'axa'te. Nache nam nataxala'pi jec da da'aqtaxaneua'a so Moisés.

Éxodo 34:30

Nache so Aarón qataq 'enauac so Israel le'ecpi co'ollaq ila'a so Moisés da 'ettaigui da lashiguiỹaxac, nache huo'o da lcolanaxa. Nache saishet da qanquigueua'a somaye.

Éxodo 34:32

Ime, nache maiche anac 'enauac so laỹe Israel le'ecpi da naua'a so Moisés, nache somaye da'aqtaxanem somayepi 'enauac na lqataxacpi Ñim Nataxala' maye ỹanem somaye, co'ollaq hualec aso qasoxonaxa Sinaí.