Éxodo 34:29 - La'aqtaqa Ñim Lo'onatac 'Enauacna 2013

²⁹ Qaq co'ollaq ime, nache so Moisés huenoteeguesop aso qasoxonaxa Sinaí, qaq nachetrañi soua dos coma'ye maye nanettaleguete soua diez nqataxaco. Qataq somaye co'ollaq huenotec, nache saishet da nanoma da 'ettaigui da lashiguiỹaxac souaxat da detaqtague' Ñim Nataxala'.

Éxodo 34:29 Referans Kwoze

Mateo 17:2

Huaña yemaye, nache nqochen da lataxac, ỹauaachiguilo soomaye. Na lashec co'ollaxa Somaye ỹataqta 'eroigui, 'eeta'am añi nala', qaq soua alogo qalaq ỹataqta ỹapaga'q, 'eeta'am na le'eraxa añi nala' da mashe laiñi ye na'a'q.

Lucas 9:29

Qaq co'ollaq ñaq nqouagaxaueetac, nache da lasheguiỹaxac nqochen, qataq soua alogo ỹataqta ỹapaga'q qataq qashelectrapiguiñi.

Éxodo 32:15

Nache so Moisés ñe'eguelaxañi, ca'ai aso qasoxonaxa, qataq nacheta'ape soua dos coma'ye maye nanettaleguete 'enauaque soua dos laỹel soua nqataxaco.

Apocalipsis 1:16

Qaq na lhuaq maye aloic nasoqta'alo soua siete huaqaañi. Qaq na alap chegaqaigui so ỹeelonec ỹataqta shetteguet qataq dos naua ala'api. Qaq na lashec qalaq ỹataqta 'eroigui, 'eeta'am na le'eraxa añi nala' da mashe laiñi ye na'a'q.

2 Corintios 3:13

Qaq saishet da shenaqta'am so Moisés da ỹauo'o so lapoxot na lashec da yaqto' na Israel le'ecpi saishet da ila'a na le'eraxa na lashec da nquictañi.

Apocalipsis 10:1

Ime, nache sela'a so lỹa namaxashec piguem le'ec ỹataqta 'añaxaic, chegoqo'ot na piguem, huetaigui so lo'oc. Qaq huo'o so 'eeta'am da lo'oxoỹaxac na quemoxonalo coleesop na lqaic somaye. Qaq na lashec qalaq 'eeta'am na le'eraxa añi nala'. Qaq naua lchel 'eeta'am na le'eraxa na norec da nachatchiguiñi.

Hechos 6:15

Nache se'eso nta'alpi maye 'amaqtaqaicpi qataq 'enauac som laỹepi, co'ollaq ỹamato'ot so Esteban, nache ila'a na le'eraxa na lashec da ỹataqta 'eeta'am da lasheguiỹaxac nam namaxashec piguem le'ec.

Juan 5:13

Qalaxaye se'eso ỹale sa ỹauatton co'ollaxa cam nataren somaye, cha'aye So Jesús sa naỹaloxon da taigui se'eso qalota shiỹaxauapi maye hueta'a yemaye.

Hechos 12:9

Nache so Pedro huenoxonec, ca'atteueegue so namaxashec. Qalaxaye sa ỹaỹaten da ỹoqta 'eesa de'era, huo'otaq da choche lchoxonaxac.

Hechos 23:5

Nache so Pablo 'enapeco': –Qami' ỹaqaỹañicpi, aỹem saishet da saỹaten ñimaye da nacheñi ñim lataxala' na ntaxaỹaxanaxanecpi; cha'aye nache 'enapec naua nanettrañi na'aqtaqa, 'eeta': «Saishet qome da 'ausheuen cam lta'a na 'arhuo' le'ecpi.»

Lucas 2:49

Qalaxaye So Jesús ỹasategueto', 'eeta': –¿Ta'ainco' ye Aỹem qanmichiitaique? ¿Sa qauaỹaañiỹo' peta'a da Aỹem iuen da soota'a na lma' Ñim Ita'a?

Marcos 9:6

Cha'aye soua lapaxaguenataqa ỹataqta ñi'i' co'ollaxa, ỹoqo'oye so Pedro saỹaỹaten ca 'eetec ca naigui da nasaxauec.

Jueces 16:20

nache ỹa'alaxalec, 'eeta': ¡Sansón, na filisteopi 'am naỹa da 'am iloquiaxan! Nache so Sansón nlouec nache ipi'itaxano' da qaltaq qoỹet da 'eeta'am soua lỹa't na'axa'te, qalaxaye sa ỹaỹaten da Ñim Nataxala' mashe ca'ai somaye.

Josué 8:14

Qaq so lta'a so netaña ye Ai, co'ollaq mashe noma de'era huaigui. Nache somaye ỹataqta iỹalapigui' da nnoxonec, lỹatec so nalleppi qataq 'enauac so shiỹaxauapi da yaqto' delogui' so Israel le'ecpi, huaña ye ca'amegue ye Jordán. Qalaxaye somaye sa ỹaỹaten da huo'o so laỹepi Israel le'ecpi da nqañoxottañi, huetauga na qoshiỹa'ague so huaqta'a't nỹecpi.

Josué 2:4

Qalaxaye asomaye ỹoxooyiñi soomaye, nache 'enapeco': «'Eesa da huo'oi soua shiỹaxau' da huetra'a na ima', qalaxaye sa saỹaten ca chegoqtra'ague.

Marcos 14:40

Ime, nache qaltaq ỹe'eguelaxa cam huetra'a soua tres lapaxaguenataqa, nache ỹoltaq ilaleguete da do'ochete', cha'aye sa nalo'ogueta na lo'ochaqa', cha'aye ỹataqta nasamyiñi. Nache So Jesús nquetoxo'n soomaye, qalaxaye soomaye sa ỹaỹate'n ca la'aqta'c.

Éxodo 16:15

Qaq co'ollaq ila'a so Israel le'ecpi, nache nnattega't, 'eeta': ¿Negue't ana'ana? Cha'aye saishet da ỹauatton. Qalaxaye so Moisés 'enapeco': «Nachena na nallec maye qami' ỹanema Ñim Nataxala', da yaqto' qollequi.»

Éxodo 31:18

Nache Ñim Nataxala' co'ollaq ime, da detaqtague' so Moisés hualec aso qasoxonaxa Sinaí, nache ỹanema soua dos coma'ye maye nanettaleguete soua lqataxaco, maye maiche ỹelyiñi Ñimaye ỹauota'a ana llaxaata.»

Deuteronómio 10:5

Huaña nache senoteeguesop añi qasoxonaxa qataq soxochiguilo aso laỹe' soua nqataxaco maye ỹo'onata. Cha'aye nachera da aỹem ỹamaxalec Ñim Nataxala', qaq nache ivitta'a nagui da huetanguilo asa'aso laỹe'.»

Eclesiastés 8:1

¿Negue't cam 'ena'am ca ỹaanaxanaxaic? Qataq ¿Negue't cam ỹaỹaten cam lataxac 'enauac nam chochena? Dam naỹaanec 'eeta'am da icoỹaroigui da lasheguiỹaxac cam shiỹaxaua, qataq naralaxat dam lasheguiỹaxac.

Éxodo 34:35

Qaq naxa so Israel le'ecpi da ila'a da 'ettaigui da lashiguiỹaxac so Moisés, nache somaye qataq ỹe'eguelaxalec da ỹapolec na lashec, qaq nda'a't da qaltaq taua'a so npe'l maye huañacnaxa da detaxaỹapegue' Ñim Nataxala', nache nqat somaye.