Éxodo 34:27 - La'aqtaqa Ñim Lo'onatac 'Enauacna 2013

²⁷ Nache Ñim Nataxala' 'enapega so Moisés, 'eeta': «'Iyiñi qome ne'ena na'aqtacpi, cha'aye namaye nachena na na'attalec da ñaỹamaxataxac maye 'am so'otec, qataq na Israel le'ecpi».

Éxodo 34:27 Referans Kwoze

Éxodo 24:4

Ime, nache so Moisés ỹiyiñi 'enauac na la'aqtacpi Ñim Nataxala'. Nache so nte'etom so lỹa na'a'q, nache no'ottasheguem. Ime, qaq no'oxoosheguem aso nca'atoxonaxalate, ỹaatot na loigue aso qasoxonaxa qataq no'oxooyishegue'm soua doce coma' naloqchiichigui ye lcata soua doce llalqa so Israel.

Deuteronómio 31:9

So Moisés ỹiyiñi co'ollaxa na nqataxacpi, nache ỹanem so ntaxaỹaxanaxanecpi leviitapi maye nacheso so ỹachetac naxa aso laỹe' da naỹamaxataxac Ñim Nataxala', qataq 'enauac so nqueroxonecpi ye Israel,

Deuteronómio 4:13

Nache Ñim Nataxala' qami' ỹanema da naỹamaxataxac, da yaqto' qauo'oche' naua diez lamaxasoxonaxaco maye ỹereleguete co'ollaxa soua dos coma'ye.

Éxodo 17:14

Nache Ñim Nataxala' 'enapega so Moisés, 'eeta': «'Erelec qome aca nere de'era, yaqto' saishet da qaicoua'ai. Ime, nache hua'aqchigui 'anqa'en ñi Josué, da aỹem imauec qome da sapalaxat da na'aqtaguec na amaleciitapi.»

Éxodo 34:10

Nache Ñim Nataxala' 'enapeco': «Ñaq Aỹem 'ana'axaỹaxana, Aỹem so'ot nagui ca ñaỹamaxataxac da yaqto' 'am ñaỹamaxate' ỹauaachigui ñaqa'en na 'arhuo' le'ecpi, qataq so'ot ca sa qaỹauanapega ño'oxoyec maye saishet da ỹauanapigui na ỹotta'a't shiỹaxauapi maye netaleguete naua lỹa't 'aleu'. Qaq 'enauac na shiỹaxauapi maye netaña ne'ena 'alhua maye qoneta'a, ỹauaachigui ca so'ot nagui, Aỹem maye Nachaỹem Nataxala', cha'aye ỹataqta qaica ca 'ena'am da llo'oxoyec qome ca qami' so'oteque.

Éxodo 24:7

Qaq co'ollaq ime, nache ỹacona aso nere maye huetalec da aỹamaxataxac, nache itaxaỹaxan, na'axaỹaxana naqa'en so shiỹaxauapi. Nache somayepi 'enapeco': ‹Qomi' so'otaq qome 'enauac nam qomi' ỹamaxaleguete Ñim Nataxala'›.