Éxodo 34:25 - La'aqtaqa Ñim Lo'onatac 'Enauacna 2013

²⁵ Qataq ca nachetaqtaxanaxat shiguiỹac, saishet qome da lỹateuo ca ltago'q da qoỹaneuo qataq aca nauole maye huo'o na lalegue maye ỹasheeraxachigui. Qataq que'eca shiguiỹac maye qoỹaneuo, huaigui qanqa'en ca na'a'q maye laloxoqui co'ollaxa so Lapascua, da qanallec ana nauole maye qaica ca lalegue da ỹasheeraxachigui, qataq saishet qome da huo'o ca no'onañi, da yaqto' iviraigui ca lỹa na'a'q.

Éxodo 34:25 Referans Kwoze

Éxodo 23:18

Qom ivita da aỹem qaỹa'añiỹot ca qaỹavigaxat shiguiỹac, qalaq saishet da lỹateuo ca ltago'q, nataqa'en saishet da qaỹa'añiiuo aca nauole 'ayiiña maye huo'o ana lalegue maye ỹasheeraxachigui, qataq saishet da qauaỹamaxache ca lcheta que'eca shiguiỹac da taỹaigui ca lỹa na'a'q.

Éxodo 12:10

Qaq saishet qome da huo'o ca qano'onaxatañi da taỹaigui ca lỹa na'a'q. Da huo'otaq huo'o ca no'onañi, nache camaye qaỹavigaxat, qaỹasaxangui ca norec.

Deuteronómio 16:3

Qaq da qollequi que'eca shiguiỹac maye qaỹa'añiiuo nache lalegue qanqa'eñi aca nauole maye qaica ca lalegue da ỹasheeraxachigui. Qaq nache ivittrec caua siete na'axa'te da qollequiitac aca'aca nauole maye qaica ca lalegue, cha'aye nachaso asom qanallectac co'ollaq qanayeuaigui da que'eenaxac, qataq da nỹalaxa da qanayeca'ai ye Egipto, qataq qom ñaq qanca'alliitauec, nache saishet da qaucouaỹa'ai se'eso na'a'q maye huetoigui co'ollaxa da qoquiỹa'ai ye Egipto.

Números 9:12

qalaxaye qaica qome ca no'onaxatañi que'eca qagueta llalec da taỹaigui naqa'en ca lỹa na'a'q, huo'otaq da ỹacagaxat ca lpi'inec camaye. Nache qanayectelec qome de'era lataxac da qaỹo'ot que'eca Lapascua.

Levítico 7:15

Qaq ca lapat ca shiguiỹac maye qoỹaneuo da qoỹan da 'achecỹaxac, da qanallec nache huetoigui qanqa'en ca na'a'q maye qoỹaneuo camaye. Qataq saishet qome da huo'o ca qano'onaxatañi da yaqto' ivira'a ca lỹa na'a'q.

Éxodo 29:34

Qaq da huo'otaq iviraigui ca lỹa na'a'q da huo'o aca no'onañi aca nauole, qataq ca lapat que'eca nachetaqtaxanaxat da huo'o ca qoỹanagui da lo'onataxanaxac, nache camaye saishet da qanallec, nacherata da qaỹavigaxat, cha'aye saishet da qaishetapec.

Éxodo 12:20

Qaq ỹoqo'oye saishet qome da qollequi ca huo'o ana lalegue maye ỹasheeraxachigui. Na'aictaxa cam qapa'aita'ague, qalaxaye qollequi aca nauole 'ayiiña maye qaca aca lalecte maye ỹasheeraxachigui.»

Éxodo 12:8

Nache que'eca pe, qollequi ca nauoc lapat, qaỹalecneguet ana huoue maye ñe'eua qanqoỹen qataq ana nauole 'ayiiña maye sa qaỹauo'o aca lalegue na ỹasheeraxachigui.

Mateo 13:33

So Jesús nataqa'en ỹauo'o so lỹa daloqnaxana, 'eeta': «Da lo'onataxanaxac Ñim Lo'onatac 'Enauacna, damaye 'eeta'am aca saq 'amaqtaq ỹasheeraxachigui na ndaqñiguishec 'ayiiña maye ỹacona aca 'alo. Ime, nache ỹalecneguet ca lta'araic ldaqñiguishec, da yaqto' 'enauac ỹasheeraxachigui.»

Levítico 2:11

Qaq 'enauac aca'aca nachetaqtaxanaqtepi, saishet da qaỹalecneguet ca dapic lli'i qataq ca ỹasheeraxachigui ca ndaqñiguishec, cha'aye acamaye ishet da na'axat aca nachetaqtaxanaqtepi maye qaỹavigaxat da qoỹanot Ñim Nataxala'.

Deuteronómio 16:4

Qaq que'ecaua siete na'axa'te, nache qaca qanqa'eñi qome aca ishet da ỹasheeraxachigui ca ndaqñiguishec 'ayiiña 'enauac que'eca 'alhua. Qaq ca lapat que'eca shiguiỹac maye nachetaqtaxanaxat que'eca avit ca la'auaxanec na'a'q, saishet qome da huo'o ca qano'onaxatañi da taỹaigui qanqa'en ca lỹa na'a'q.