Éxodo 34:23 - La'aqtaqa Ñim Lo'onatac 'Enauacna 2013

²³ Qaq ye 'oonolec vi'i nache ivi' tres da Aỹem naua'a qome da aỹem ỹo'oxoren 'enauac na ỹalleppi. Qaq 'era da ỹa'aqtac, Aỹem Nataxala' maye Natamnaxala' na Israel le'ecpi.

Éxodo 34:23 Referans Kwoze

Éxodo 23:14

«Qauo'oche' qome caua tres lta'al naponaxaqui' ye 'oonolec vi'i da Aỹem qavio'oxoyiñi.

Deuteronómio 16:16

Qataq 'enauac na ỹalleppi, ye 'oonolec vi'i nache tres da ỹe'eguelaxalec da nachaateua'a ca lca'ateua'a lanataqa' Ñim Nataxala' maye Qanatamnaxala'ai, da yaqto' qaỹo'ot ca naponaxac maye laloxoqui da qanallec aca nauole maye qaca aca lalecte maye ỹasheeraxachigui, qataq ca naponaxac maye huetoigui da qanqat ca la'auaxanec ala ca nañiguishec, qataq ca laloxoqui da qanayenaigui na npe'lpiolec qo'oipaq lcouepi. Qalaxaye qaica qome ca nachaateua'a Ñim Nataxala' da qaica ca ỹanot Ñimaye.

Éxodo 23:17

'Enauac na shiỹaxauapi iuen da tres da ỹe'eguelaxalec, da nachaateua'a Aỹem Nataxala' ye 'oonolec vi'i.

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

Salmos 84:7

nache namayepi nquictauec da la'añaxac, qaq da huaña ye Sión, nache nauane' Ñim Lo'onatac 'Enauacna.

Génesis 33:20

Ime, qaq ỹo'ot aso lca'atoxonaxalate, nache ỹanagui da le'enaxat: Ñim Lo'onatac 'Enauacna, nacheñi Ñim Natamnaxala' na Israel.

1 Samuel 1:3

Qaq 'enauaque naxa soua vi'iye da so Elcana ca'ai naxa ye lma', nache taỹa ye Silo da yaqto' huaña yemaye da ỹo'oxoren, qataq ỹanot ana lachetaqtaxanaqte Ñim Nataxala' maye Qaica ca Ỹaqalanapec. Qaq yemaye nache netraña soua dos llalqa so ntaxaỹaxanaxanec Elí, som le'enaxat Jofní qataq so Finés, qaq soomaye nataqa'en ntaxaỹaxanaxanaqa da qaitaxaỹapegue' Ñim Nataxala'.

2 Crónicas 8:13

nache 'enauaque naua na'axa'te maye huetoiguilo da ỹaneuo anamayepi, nache ipacchigui dam lamaxasoxonaxac so Moisés, maye 'eeta': ye na'a'q mataxaqui, qataq na naponaxac maye qaỹo'ot da dalaxaic ñi ca'agoxoic, qataq soua tres naponaxaco maye huaiguilo ye vi'i da qaỹo'o't, maye 'eeta', som laloxoqui da qanallec ana nauole maye qaca ana lalecte maye ỹasheeraxachigui, qataq so lỹa maye qaỹo'ot da ime da qanqat ana ala na nañiguishec, qataq so lỹa naponaxac da ivita da qanayenaiguilo naua npele'ete maye choche qaỹa'ara'a't 'epaq lcouepi.

Ezequiel 46:9

Qaq da huo'o ca naponaxac, nache na nhuo' le'ecpi da pa'auo da ỹo'oxoren Ñim Nataxala', qaq namayepi iuen da 'eeta': Cam tateua'a ca lasom maye pa'aỹa'ague da sheu', qalaq iuen da tachiviigui ca lasom maye pa'aỹa'ague da taguiñi da pa'auec, qaq cam tateua'a ca lasom maye pa'aỹa'ague da taguiñi, qalaq iuen da tachiviigui ca lasom maye pa'aỹa'ague da sheu' da pa'auec. Qaq saishet da nache ỹe'eguelachiviigui cam lasom maye nateua'a co'ollaq pa'auo, nacherata da tateuga cam lasom maye datateguet.