Éxodo 34:2 - La'aqtaqa Ñim Lo'onatac 'Enauacna 2013

² Qataq 'anaỹamaxattac qome, cha'aye qonte' nte'eta nache 'asheguema añi qasoxonaxa Sinaí. Yaqto' Aỹem 'anauane' da huaña ye ỹataqta qaỹoqotcheguema ana lmilo añi qasoxonaxa.

Éxodo 34:2 Referans Kwoze

Éxodo 19:20

Nache Ñim Nataxala' huenotec taalec so ỹataqta pa'asheguem añi qasoxonaxa Sinaí. Ime, nache 'enapega so Moisés da huenotsheguemec se'eso 'alhua. Nache so Moisés huenotsheguem.

Deuteronómio 9:25

Qaq souaxat co'ollaxa da Ñim Nataxala' qami' ỹareetegalo da ỹataqta qami' nlaxaayiñi, nache aỹem sa'atto'oto naua illecte Ñimaye soua cuarenta na'axa'te qataq cuarenta pe',

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Éxodo 24:12

Nache Ñim Nataxala' 'enapega so Moisés, 'eeta': «'Annotsheguemec qome ana qasoxonaxa, 'auanasheguema na soota'a. Ime, qaq aỹem 'auata'aguet, 'am sanema qome caua coma' cam settaleguete naua iqataxaco qataq naua ỹamaxasoxonaxaco, da yaqto' 'auapaxagueneque na Israel le'ecpi.

Éxodo 19:24

Qalaxaye Ñim Nataxala' 'enapeco': «'Asoma, 'aunotec. Qaq qom ime, nache qaltaq 'annotsheguem, 'annaictague' qome ca Aarón. Qalaxaye ye ntaxaỹaxanaxanecpi qataq ye shiỹaxauapi qonapega da saishet da napacalec so na'anec da aỹem nnotsheguema. ¡Ten qom selaxachigui yemayepi!»

Éxodo 19:18

Nache aso qasoxonaxa Sinaí nchisheguem co'ollaxa na lmala'q, cha'aye Ñim Nataxala' co'ollaq huenotec, nache nactaigui so norec. Qaq so lmala'q 'eeta'am na lmala'q ana nqatelaxanaxaqui, nache asa'aso qasoxonaxa ỹataqta 'enauac da cholaxan.