Éxodo 34:15 - La'aqtaqa Ñim Lo'onatac 'Enauacna 2013

¹⁵ Saishet qome da qanaỹamaxache' ye netalec yi'iye 'alhua, ten, qom qami' ỹauegalo da nataqa'en da qauo'oche de'era nquisheshaxac da natamnot na natamnaxala'pi, qataq da ỹanot aca lachetaqtaxanaqte nache nataqa'en qami' ỹanema da qollequi que'eca nachetaqtaxanaxat,

Éxodo 34:15 Referans Kwoze

Jueces 2:17

Qalaxaye so Israel le'ecpi ñaqaiyeta saishet da ỹoqocha'a se'eso nataxala'pi, nacherata da nañaneguet da natameetacot so ỹaqa'a atamnaxala'pi, nache ca'ai da llecỹaxac som hua'au lta'alpi, maye ỹataqta ỹalaxaleguete co'ollaxa naua lamaxasoxonaxaco Ñim Nataxala', qaq somayepi nache saishet da ilolec da lataxac somayepi.

1 Corintios 8:4

Qaq da 'eetec nam nallec maye hua'auñi da qoỹanot na qanatameetacotpi ne'enaqtacpi maye saq 'en, qomi' saỹaanaqta da nam qanatameetacotpi maye saq 'en qaica ca lca'alaxa, cha'aye 'oonolec Ñim Lo'onatac 'Enauacna qaica ca lỹa.

Salmos 106:28

Qataq somayepi nañanot so Baal Pegor, nache chec co'ollaxa aso nachetaqtaxanaqte maye qoỹanot so atamnaxala'pi maye saishet da nca'altauec.

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

Números 25:2

qaq asomayepi, nache ỹauec co'ollaxa se'eso ỹalleppi da ỹanot na lachetaqtaxanaxat so natamnaxala'pi asomayepi. Nache so Israel le'ecpi nhuanaua'a de'era nquia'axac, qataq natamnot na natamnaxala'pi so Moab le'ecpi,

1 Corintios 10:27

Qaq saiuena'a da huo'otaq huo'o ca saxanaxa da da'amqaanataxan da qami' 'enapegalo da qarquia'axauai, qaq qolliqui 'enauac nam qami' ỹanema. Saishet da qaunataxañiitapeguec ca chegaqa'ague yaqto' saishet da sa ỹaỹamaxañi da qarhuennataqai.

1 Corintios 8:10

Cha'aye 'am maye 'auaỹateeta de'era, da huo'otaq 'anso'oñiisop cam huaña da qaỹo'oxoren nam qanatameetacotpi ne'enaqtacpi maye saq 'en da 'auque'e, qaq da huo'otaq 'am ilaua'a ca qarqaỹa maye saxanaxa da da'añi da lpi'iỹaxac, qaq que'eca qarqaỹa nache ỹa'añaxachigui lauel da dequi'iỹapegueua'a que'eca nallec maye qoỹanot nam qanatameetacotpi.

1 Corintios 8:7

Qalaxaye saishet da 'enauac da qaỹaỹateeteguet de'era. Co'ollaq saxanaxa da qaua'amaqchiñi So Cristo, nache da qoñiita huo'o na ỹo'oxoreetac na ne'enaqtacpi maye qanatameetacotpi qataq saq 'en, qaq nagui ñaq 'eetalec da ỹa'amaqteetac namayepi da 'eetega huo'o da lca'alaxa. Qaq ỹoqo'oye da ivita da chec na nallec maye hua'auñi da qoỹanot namayepi, nache da lvilỹaxac ỹataqta ñi'i, nache 'eetega huo'o da lasouaxashet.

Jeremías 3:9

Qaq nache qaica ca lqalaic naqa'en da ỹo'ot damaye, huaña nache nshepaxanaqchet ne'ena 'alhua. Aỹem saỹalaxaguet, nache natameetacot na atamnaxala' coma'pi qataq na 'epaq.

Levítico 17:7

Huaña, nache saishet da ỹe'eguelaxalec na Israel le'ecpi da ỹanot ca lachetaqtaxanaxat ca ỹaqa'a atamnaxala' maye ne'enaqtac, 'eeta'am na quetaq da lataxac, souaxat da ỹo'ottac da nquisheshaxac. Qaq 'era qome da nache 'eetai' lataxac da qoyecỹaxaqui, qataq ca qami' chegoxogueta.

Éxodo 34:12

Saishet qome da qanaỹamaxache' na netalec yi'iye 'alhua maye qaunoxoñiiua'a qome, yaqto' saishet da qaue'enaxache da qauem lataxac yemayepi.

Apocalipsis 2:20

Qalaxaye huo'o da sa saỹamaxaren da qoneta. Cha'aye 'am ỹataqta 'aua'aqta'a añi 'alo le'enaxat Jezabel da queto'ot da ỹatenachettac nam Aỹem quetague'. Aña'añi 'alo ỹa'axattac da 'eetega nacheñi Ñim Lo'onatac 'Enauacna da namaq añimaye, qataq da'aqtaxaateguem nam ỹo'onataxanaxanecpi da ishet da qanallec na mashe qoỹanot na ne'enaqtac nqui'ipi maye saq 'en, qataq ỹayen namayepi da yaqto' sa ỹalaxaguet Ñim Lo'onatac 'Enauacna.

Oseas 9:1

Qaq 'am Israel, saishet da 'auamachiguiñi, saishet da 'auparenaxaatai' da 'antonaxac da 'eeta'am na laỹepi shiỹaxauapi, cha'aye 'anquishishigui da 'ara'amqaanataxanaxac, souaxat da qoca'ai Ñim 'Anatamnaxala'. Cha'aye 'anqopita da 'auaconeguet da nsheetenaguec da 'anquishishaxac, da huaña ye nchegoxosoxonqa' ana ala na nañiguishec.

Oseas 4:12

Na ỹalamaxat nhuo' le'ecpi, inattac nam natamnaxala'pi 'epaq, qaq ne'ena 'epaqpi ỹasateguet namayepi nache ỹaueeguet da lquisheguetaxac, qataq ca'ai Ñim Nataxala' souaxat de'era lquisheguetaxac.

Salmos 73:27

Qaq na 'am ca'ai qalaq taỹa'a da ileu, cha'aye 'am 'aulaxachigui qome na saishet da 'am ỹalaxaguet.

Esdras 6:9

Qataq 'enauaque caua na'axa'te, da saishet da huo'o ca qanapacalec na'a'q da qoỹanem camayepi ca iuen, huaca llalec, qagueta lhuaraic, huo'otaq qagueta llalec da ỹauo'o lachetaqtaxanaxat da ỹavigaxat da ỹanot Ñim Lo'onatac 'Enauacna maye neto'ot na piguem, nataqa'en ca ala na trigo, toue, lataxa, qataq ca aceite.

Deuteronómio 7:2

Qaq Ñim Nataxala' qom qami' ỹanema da qo'oxoñiqui yi'iye ỹotta'a't shiỹaxauapi maye netalec yi'iye 'alhua, nache qanmachiichiguiñi qome da qaualauache, saishet da qauchoxonñiitac, huo'otaq da qanaỹamaxache'.

Números 15:39

Yaqto' namayepi da ilota'a anamayepi, nache iuennata'a 'enauac na ỹamaxasoxonaxacpi maye samaxalec da ỹo'ot. Nache saishet da ỹo'ot ca maiche lquiyaqteỹaxac, huo'otaq da quetague' da maiche lmeenaxanaxac, maye ỹo'ot da nquisheshigui da la'amqaanataxanaxac.

Éxodo 34:10

Nache Ñim Nataxala' 'enapeco': «Ñaq Aỹem 'ana'axaỹaxana, Aỹem so'ot nagui ca ñaỹamaxataxac da yaqto' 'am ñaỹamaxate' ỹauaachigui ñaqa'en na 'arhuo' le'ecpi, qataq so'ot ca sa qaỹauanapega ño'oxoyec maye saishet da ỹauanapigui na ỹotta'a't shiỹaxauapi maye netaleguete naua lỹa't 'aleu'. Qaq 'enauac na shiỹaxauapi maye netaña ne'ena 'alhua maye qoneta'a, ỹauaachigui ca so'ot nagui, Aỹem maye Nachaỹem Nataxala', cha'aye ỹataqta qaica ca 'ena'am da llo'oxoyec qome ca qami' so'oteque.

Éxodo 23:32

Qaq saishet qome da qanaỹamaxache' yemayepi, qataq saishet da qauatailec ye natamnaxala'pi.

Hechos 15:20

Nachaqrata da qomi' sauoqo'o aca qorere da taỹa'a namayepi da shenaqapega da ỹaxaañi da chec na nallec maye mashe qoỹanot na ne'enaqtacpi maye qanatameetacotpi, qataq saishet da huo'o ca ncachetague' aca saishet da lhua, qataq saishet da chec na lapat ca choche ichegueuo na lqosot, huo'otaq ca 'ogaxaic maye sa qaicolde'c naua ltago'q qataq saishet da chec na ntago'q.

Éxodo 22:20

Qaq ca shiỹaxaua da ỹanot ca lachetaqtaxanaxat ca lỹa atamnaxala', qaq saishet da nacheñita Ñim Nataxala' da ỹanot, nache camaye qaỹalauat.

Éxodo 32:8

Yemayepi ỹataqta sanaỹaloxon da ca'ai da llec da ỹamaxasoxonaxac. Qataq ỹo'ot ñim le'enaqtac huaca ỹachegoxotaigui na nqachilliguishec oro, nache natameetacot, qataq ỹanot ana lachetaqtaxanaqtepi, nache 'eeta' da la'aqtac: ‹¡Israel 'iñi ñi qanatamnaxala'ai maye qami' nqateeguesopa ye Egipto!›

Números 25:1

Qaq so Israel le'ecpi co'ollaq netaña ye Sitín, nache so ỹalleppi ca'ata naxa da nquishestague' aso Moab lashepi,

Deuteronómio 7:3

Qataq saishet da qauashiñiiguet na qaỹa'alquipi qataq qaỹa'alliipi da huaroneguet na llalaqpi yi'iye shiỹaxauapi,

Deuteronómio 32:37

Qaq huaña, nache 'eeta': ¿Neta'ague ca natamnaxala'pi maye npaxattalec naxa namayepi

Deuteronómio 32:38

cam chectac naxa na lcheta ana lachetaqtaxanaqtepi qataq nỹomtapigui na lachetaqtaxanaxat lataxa namayepi? ¡Ñaq ñisheguem taxa da itauan namayepi! ¡Qataq anac taxa da npaxaalec namayepi!

Josué 23:12

Cha'aye da qoquiỹa'ai Ñim Lo'onatac 'Enauacna, da qaualliquiiguet na ỹaqa'a shiỹaxauapi maye ñaq qami' netanguilo, qataq qauaroñiiguet namayepi, nache qaualliquiiguet, qataq namayepi qami' ỹaleegueta,

Jueces 3:6

Nache so llalaqpi qataq so llalpi so Israel le'ecpi, huaroneguet so llalaqpi qataq aso llalpi se'eso shiỹaxauapi, qataq natamnot so natamnaxala'pi somayepi.

1 Crónicas 5:25

Qalaxaye soomaye dataỹa'agueta Ñim Natamnaxala' so hua'au lta'alpi, cha'aye nquisheshigui da la'amqaanataxanaxac souaxat da natameetacot nam natamnaxala'pi som nhuo' le'ecpi maye netaña yi'iye 'alhua, maye Ñim Nataxala' ỹo'orauec co'ollaxa ỹauaachigui naqa'en somayepi.

Esdras 9:12

Nataqa'en qomi' 'auqattegalo caillaye da saishet da sashenaqtem na qoyalpi da huaroneguet na llalaqpi ne'ena shiỹaxauapi, qataq na llalpi 'alpi da huaroneguet na qoyalaqpi. Qataq saishet da setauanaq ne'ena shiỹaxauapi da yaqto' huo'o da l-lagaxayec qataq da lsallaxa. Yaqto' nache 'eetai' da qomi' 'añaxaiqa, qataq saconaqtaigui da alaỹaxac 'enauac na huetalec ne'ena 'alhuapi, qataq da ca qomi' chegoxogueta nache 'eetai' qome da lalamaxat 'enauac ne'ena 'alhua.

Éxodo 22:19

Qaq 'enauac na shiỹaxauapi da huo'o ca hue'eguet ca shiguiỹac, nache qaỹalauat.

Deuteronómio 31:18

Qalaxaye que'eca na'a'q, Aỹem, ỹataqta soxochiisop qome namayepi da ỹashiguiỹaxac, souaxat na qauem maye ỹo'otpi, cha'aye ca'ata ca ỹaqa'a atamnaxala'pi da natamnot.