Éxodo 34:14 - La'aqtaqa Ñim Lo'onatac 'Enauacna 2013

¹⁴ Saishet qome da qanatamñiỹot ca camachaqca atamnaxala', cha'aye Ñim Nataxala', Ñimaye ỹataqta ca'alaxanaxaic. Qaq da le'enaxat Ñimaye 'eeta': Ñim Lo'onatac 'Enauacna maye qaica ca ishetapec.

Éxodo 34:14 Referans Kwoze

Deuteronómio 4:24

cha'aye Ñim Nataxala' maye Qanatamnaxala'ai, Ñimaye ỹataqta ca'alaxanaxaic, ỹoqo'oye da huo'o ca ỹavigaxat, nache 'eeta'am ca norec da nlachiguiñi naqa'en ca ỹavigaxat.

Deuteronómio 32:21

Namayepi ichoxoteua'a da seca'alaxan souaxat na atamnaxala'pi maye saq'en, qataq aỹem ỹayeloqchet souaxat na natamnaxala'pi, ¡qalaxaye aỹem nataqa'en sanem qome namayepi da deca'alaxana ca ỹaqa'a shiỹaxauapi, qataq denoỹa ñaqa'en ca shiỹaxauapi maye qaica ca ỹaỹaanapec!

1 Corintios 10:22

¿Qami' qauoitaique peta'a da dalemata qanqa'eñi Ñim Lo'onatac 'Enauacna? ¡Qomi' saishet da ñapagaqalec da la'añaxac Ñimaye!

Mateo 4:10

Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Nahúm 1:2

Ñim Nataxala' maye Lo'onatac 'Enauacna, Ñimaye ca'alaxanaxaic, qataq ishet da ipalaique lvi', qataq ishet da ipalaique lvi' da dataỹa'aguet nam ipa'agueetacpi Ñimaye, nache sa ỹala'ac da dalemataỹa na npa'aguenaxauapi.

Deuteronómio 29:20

Qaq Ñim Nataxala' saishet qome da ỹapalaxat cam lasouaxashet que'eca shiỹaxaua, cha'aye Ñim Nataxala' ca'alaxanaxaic, nache 'eroigui qome da layeloxo nache talec naqa'en que'eca shiỹaxaua 'enauac ne'ena nhuaxanaguecpi cam shiỹaxaua maye nanettalec ana'ana nere, nache Ñim Nataxala' pal naqa'en ca le'enaxat camaye da huetalec ana 'alhua.

Deuteronómio 6:15

cha'aye Ñim Nataxala' maye Qanatamnaxala'ai, qami' huetanguilo. Qaq Ñimaye ỹataqta ca'alaxanaxaic, qataq ishet da qami' dalemataỹalo, nache qami' ilaxachiguilo.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Deuteronómio 32:16

Nache ỹo'ot naxa da lca'alaxanaxac qataq da layeloxo Ñim Nataxala', souaxat da natamnot na ỹataqta qaiqaiga atamnaxala'pi,

Josué 24:19

Huaña, nache so Josué 'enapego' se'eso nhuo' le'ecpi, 'eeta': «Qami' yo'oqta da saishet qome da qauañoxoche da qauo'onataxañiỹot Ñim Nataxala', cha'aye Ñimaye Atamnaxala' maye ỹataqta qui'itta, qataq ca'alaxanaxaic, qataq sa ishetaxateguet na sa ỹaỹamaxañisat qataq na qarasouaxashichi.

Deuteronómio 5:7

Qaq saishet qome da qauauo'oi ca ỹaqauga qanatamnaxala'aipi da yaqto' 'eeta'am aỹem qanqa'eñi.

Deuteronómio 5:24

nache 'eeta': «Ñim Nataxala' maye Qanatamnaxala' ỹataqta qomi' ỹachaxanalo da la'añaxac, qataq da la'amaqchec, nache sa'axasoqchiguilo naua la'aqtaqa chemaqtapoigui so norec. Qaq nagui sauanaqchigui da ca shiỹaxaua ishet da detaxaỹapegue' Ñim Nataxala' qalaq saishet da ileu.

Éxodo 33:19

Qalaxaye Ñim Nataxala' 'enapeco': «Aỹem, 'am sachaxana qome 'enauac da ỹoqouagaxanaqtaic, qataq 'am sa'aqtaxanem qome da ỹe'enaxat. Qataq Aỹem sechoxoren ca taalec da sechoxoren, qataq ñeqouaguec cam taalec da ñeqouaguec.

1 Reyes 14:15

nache Ñim Nataxala' ỹataqta sa iren qome da ỹacholaxan na Israel le'ecpi, 'eeta'am naqa'en na la'auataxa so tala da ỹacholaxan ana na'aatepi. Nache nqateeguesop na Israel le'ecpi, yem netaña no'on 'alhua maye ỹanem co'ollaxa so hua'au lta'alpi, nache ilagaxaalec namayepi ye ỹataqta qaỹoqta ye Éufrates, souaxat da ỹo'ot na le'enaqtacpi lqui'ipi aso Astarté, nache inogoqchet Ñim Nataxala'.

1 Reyes 19:10

Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi ỹauota'a so ỹeelonec. Qaq nachaỹemta ño'onañi da ñeca'altauec, qalaq aỹem qanmittaique da huotaique da aỹem qaỹalauat nataqa'en.»

Ezequiel 23:25

Qaq Aỹem 'am sematalec qome da ỹayeloxo, nache namayepi ỹataqta 'am saiyacnapec qome, icheguec na 'armic, qataq naua 'artela, qaq ca lca'alaxaicpi qome nache ỹalauat irolec ca ỹeelonec. Qataq saicherapec da ỹauec na 'aỹa'alaqpi ỹalleppi, qataq na 'alpi, qaq 'aupa'atec qome da 'am ỹavigaxat.

Jueces 6:10

Qataq Aỹem, qami' sa'aqtaxanema co'ollaxa da Aỹem, nachaỹem Nataxala' maye Qanatamnaxala'ai, qataq da saishet da qayi'iitega so natamnaxala'pi so amorreopi, maye na'alhua co'ollaxa ne'ena qoñiitalec nagui, qalaxaye saishet co'ollaxa da Aỹem qaualaqaiguet.›»