Éxodo 34:11 - La'aqtaqa Ñim Lo'onatac 'Enauacna 2013

¹¹ Qaq da ỹataqta qaupaquiitelec da qami' sanema ỹa'aqtac, nache Aỹem samaqauec qome ye amorreopi, cananeopi, hitiitapi, ferezeopi, heveopi qataq ye jebuseopi.

Éxodo 34:11 Referans Kwoze

Éxodo 33:2

Qaq Aỹem qome, samaq ca ñale da 'am ỹaueca'aguet, qataq samaqauec da ca'ai ye na'alhuapi ye cananeopi, amorreopi, hitiitapi, ferezeopi, heveopi qataq ye jebuseopi.

Éxodo 3:17

Nataqa'en aỹem da'aqtaxanem da ỹauotaique da qami' nca'alaxateeguesopa da qanque'eenaxaqui ne'ena qoviita'a Egipto, qataq qami' ỹauegalo yem na'alhua ye cananeopi, hitiitapi, amorreopi, ferezeopi, heveopi qataq ye jebuseopi. Yem 'alhua maye sa qoue na qanallec.»

Deuteronómio 6:25

Qaq ỹoqo'oye da ỹataqta salaxasoxoguet na lamaxasoxonaxacpi Ñim Nataxala' maye Qanatamnaxala'. Nache ỹaỹamaqchiguiñi da qarataxac, da sepagaqchigui da qomi' ỹamaxaleguete Ñimaye.»

Deuteronómio 6:3

Qaq ỹoqo'oye qami' Israel le'ecpi ỹataqta qauo'oche qome de'era, yaqto' 'onaxaic da qanachaalataxaqui qataq ivitta'a da ỹataqta qami' qalota qom qoñiitalec yi'iye 'alhua maye huaña da sa qoue na huaca lche' qataq na te'esaq lli'i, nache ipacchigui da ỹan la'aqtac co'ollaxa Ñim Nataxala' maye Natamnaxala' so hua'au qarta'ailpi.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.

Juan 14:21

Qaq ca ỹaỹateeteguet qataq ỹalaxaguet na ỹamaxasoxonaxacpi, camaye yo'oq da ỹataqta 'eesa da Aỹem ỹauotec. Qaq cam Aỹem ỹauotec, nache Ñim Ita'a nataqa'en ỹauotec camaye. Qaq Aỹem nataqa'en ỹataqta sauotec camaye, qataq ỹataqta ñachaxana.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Deuteronómio 28:1

Da ỹataqta 'aualaxaguet Ñim Nataxala' maye 'Anatamnaxala', qataq 'aupacchigui da 'auo'ot 'enauac na lamaxasoxonaxacpi maye 'am samaxalec da 'auo'ot nagui, nache Ñim Nataxala' ỹo'ot qome da 'anataỹaña 'enauac na ỹotta'a't shiỹaxauapi ana 'alhua.

Deuteronómio 12:32

Qaq ỹoqo'oye qauloitelec qome 'enauac nam qami' samaxaleguete, saishet da huo'o ca qanqotchiñiiuec, huo'otaq da qanqacheeua'a.

Deuteronómio 12:28

Qaq ỹataqta qana'axaỹaxañiỹalo, qataq qauaỹamaxache' qome 'enauaque naua namaxasoxonaxaco maye qami' samaxaleguete, cha'aye da qauo'oche' ne'enaua no'oñi, qataq ỹaỹamaqchiyiñi, nache qami' qataq ca qaỹa'alquipi, nache 'eetai' qome da no'oita da nachaalataxac, qataq qami' ỹaỹamaxareete' da qami' imeteeta'ape Ñim Nataxala' maye Qanatamnaxala'ai.

Deuteronómio 7:19

Cha'aye 'enauac da qoñiita qauauañiichigui co'ollaxa da lta'araic la'añaxac Ñim Nataxala' maye Qanatamnaxala'ai, qataq 'enauac so na'anecpi qataq so ỹo'ot da na'aalaxa co'ollaq qami' nqateeguesopa ye Egipto. Qaq 'era da 'eetec qome Ñim Nataxala' 'enauac yem shiỹaxauapi maye qañi'iitega.

Deuteronómio 5:32

Qaq ỹoqo'oye ỹataqta qauo'oche, saishet da qauashaxañiiuec qome na qami' ỹamaxaleguete Ñim Nataxala' maye Qanatamnaxala'ai.

Deuteronómio 4:40

Ỹoqo'oye qaualaqaiguet qome na lqataxacpi, qataq na lamaxasoxonaxacpi maye qami' sanema nagui, yaqto' qaica ca da, da qanachaalataxaqui, qataq ca qami' chegoxogueta, qataq logoraic da qanachaalataxaqui da qoñiitalec yi'iye 'alhua maye qami' ỹanema qome Ñim Nataxala' maye Qanatamnaxala'ai.

Éxodo 23:28

Qataq Aỹem sa'auaxan qome ca ỹo'ot ca lta'araic ncolanaxa, da yaqto' ỹo'orauec ye heveopi, hitiitapi qataq ye cananeopi.

Deuteronómio 33:27

Ñim Lo'onatac 'Enauacna maye nache 'eetai' da 'aye'eguenaxala', qataq Ñim nache 'eetai' da 'am nlletañi, qataq 'am dataueeguesop naqa'en na 'ampa'aguenaxauapi, qataq 'am ỹamaxalec co'ollaxa da 'aulaxachigui namayepi.

Nehemías 13:23

Qaq se'eso na'a'q nataqa'en huo'o so selalec so Judá le'ecpi da huaroneguet aso 'alo chegaqa'a ye Asdod, Amón qataq ye Moab.

Éxodo 8:27

Qaq no'on qome da ñeqo'onaxa ye toolec 'alhua, yemaye ivi' naua tres na'axa'te, qaq soviraxa. Huaña qome yemaye, qaq savigaxataq aca qarachetaqtaxanaqte da sanqot Ñim Nataxala' maye Qanatamnaxala', da yaqto' qomi' sepagaqtelec da la'aqtac Ñimaye.»

Josué 23:5

Maye Ñim Nataxala' maye Qanatamnaxala' taỹa'a da ỹo'orauec 'enauac na netalec yi'iye 'alhuapi. Nache qami' qauacoñiỹa qome yi'iye 'alhuapi, nache ipacchigui da la'aqtac Ñim Nataxala' maye qami' ỹachaxanapeguema co'ollaxa.

1 Crónicas 1:14

Qaq so Canaán nacheso som chegoxoguet co'ollaxa so jebuseopi, amorreopi, gergeseopi,