Éxodo 34:10 - La'aqtaqa Ñim Lo'onatac 'Enauacna 2013

¹⁰ Nache Ñim Nataxala' 'enapeco': «Ñaq Aỹem 'ana'axaỹaxana, Aỹem so'ot nagui ca ñaỹamaxataxac da yaqto' 'am ñaỹamaxate' ỹauaachigui ñaqa'en na 'arhuo' le'ecpi, qataq so'ot ca sa qaỹauanapega ño'oxoyec maye saishet da ỹauanapigui na ỹotta'a't shiỹaxauapi maye netaleguete naua lỹa't 'aleu'. Qaq 'enauac na shiỹaxauapi maye netaña ne'ena 'alhua maye qoneta'a, ỹauaachigui ca so'ot nagui, Aỹem maye Nachaỹem Nataxala', cha'aye ỹataqta qaica ca 'ena'am da llo'oxoyec qome ca qami' so'oteque.

Éxodo 34:10 Referans Kwoze

Deuteronómio 10:21

Cha'aye Ñimaye nacheñi ñi ỹalamaqchigui da qayo'oxonnataxanaxaqui, Ñim Qanatamnaxala'ai maye qami' ỹo'oteque na ỹataqta lta'araic ỹo'ot da na'aalaxa maye qauauañiichigui.

Salmos 77:14

'Am maye 'Aro'onatac 'Enauacna nache 'am da 'auo'ot na qaica ca 'ena'am da llo'oxoyec, qataq 'auauattonaxanaxanec co'ollaxa da 'ara'añaxac, na ỹotta'a't shiỹaxauapi ana 'alhua.

Isaías 64:3

Co'ollaq 'auo'ot nam huo'o da lchec maye saishet da sepetaqtega da 'auo'ot, qataq co'ollaq 'aunotec nache ana qasoxonaxapi cholaxan souaxat da 'arviraxac.

Salmos 66:5

Ñaq qauanaqui qome da qaumichiñi na lo'onatacpi Ñim Lo'onatac 'Enauacna, maye ỹo'ot da na'aalaxa maye ỹo'otec na shiỹaxauapi,

Jeremías 32:21

'Am 'aurolec da lta'araic 'ara'añaxac co'ollaq 'anqateeguesot ye Egipto so 'aralamaxat nhuo' Israel le'ecpi, 'auo'ot co'ollaxa na saqaỹauanapegapi qataq na'anecpi, qataq 'anlaxatchigui da lcolanaxa 'enauac na shiỹaxauapi.

2 Samuel 7:23

Qataq qaica ca 'eeta'am ne'ena 'aralamaxat nhuo' le'ecpi, cha'aye ne'ena Israel le'ecpi, namaye nachenata ana'ana 'alhua. Qataq nache 'Am co'ollaxa da 'anqatec namayepi da yaqto' 'auauo'o 'aralamaxatpi, qataq ỹataqta ỹo'oxoraq 'anqa'en souaxat da ỹataqta lta'araic na 'auo'otecpi maye qaica ca 'ena'am da llo'oxoyec. Qataq ỹauaachigui 'anqa'en co'ollaxa ne'ena 'aralamaxatpi maye 'anqateeguesop ye Egipto, da 'auamaqauec so ỹotta'a't shiỹaxauapi qataq so natamnaxala'pi.

Salmos 78:12

Ñim Lo'onatac 'Enauacna ỹo'ot co'ollaxa nam ỹo'ot da na'aalaxa ỹauaachigui naqa'en so qarta'ailpi huaña ye 'alhuapi ye Soán maye huaigui ye Egipto.

Salmos 66:3

Qoñiita': «Na 'aro'onatacpi ỹo'ot da na'aalaxa. Qaq souaxat da 'ara'añaxac, nache na 'ampa'aguenaxauapi huañi, souaxat da lcolanaxa da qoneta.

Deuteronómio 32:30

¿Ca 'eeteco' ca 'oonolec ỹale da ỹo'orauec ca mil alleppi? ¿Huo'otaq caua dos ỹale't da datauec naqa'en ca diez mil alleppi? ¡Da saishet da nacheñi Ñim Nataxala' da ỹaneguet namayepi ca mpa'aguenaxauapi!

Josué 6:20

Huaña nache so nhuo' le'ecpi ỹa'alaq nache soua ntaxaỹaxanaxanaqa ỹashiiyiguilo soua lasheerel. Nache so nhuo' le'ecpi co'ollaq hua'axaỹa da l-lamaxa soua nasheerel, nache ỹataqta na'axannec da la'alaxac, nache so lpaqtaxat se'eso huaqta'a't nỹecpi hua'axauec. Huaña nache somayepi inoxotaua'a se'eso huaqta'a't nỹecpi nache loxonec.

Éxodo 34:27

Nache Ñim Nataxala' 'enapega so Moisés, 'eeta': «'Iyiñi qome ne'ena na'aqtacpi, cha'aye namaye nachena na na'attalec da ñaỹamaxataxac maye 'am so'otec, qataq na Israel le'ecpi».

Salmos 145:6

Ỹa'axattac qome da lta'araic la'añaxac na 'aro'onatacpi, aỹem qalaq sa'axattac qome da 'ara'amaqchec.

Salmos 106:22

qataq na ỹo'ot da na'aalaxa co'ollaq huaña ye 'alhua Cam, qataq na qaica ca 'ena'am co'ollaq huaña aso Auaxai Togaxarai.

Salmos 76:12

Cha'aye Ñimaye ishet da nqat da nachaalataxac na llalaqpi na nta'alpi, qataq ỹo'otec da lcolanaxa na nta'alpi maye netalec ana 'alhua.

Salmos 65:5

'Am Atamnaxala' qataq 'am qarca'alaxaqui 'am qomi' 'auasategueta ỹataqta qaica ca 'ena'am da la'amaqchec da ỹaỹamaqchiguiñi maye 'auo'ot. Qaq 'enauac na netalec ana 'alhua ỹataqta 'am pi'iỹa'a qataq na netaleguete naua qaỹoqtalo auaxai.

Salmos 147:20

Ñimaye saishet da 'eetec de'era na laỹepi ỹotta'a't shiỹaxauapi, qaq saishet da huo'o lỹa ỹauatton nam lapaxañipi co'ollaxa Ñimaye. ¡Qaỹo'oxoren qome Ñim Nataxala'!

Deuteronómio 4:13

Nache Ñim Nataxala' qami' ỹanema da naỹamaxataxac, da yaqto' qauo'oche' naua diez lamaxasoxonaxaco maye ỹereleguete co'ollaxa soua dos coma'ye.

Salmos 68:35

Ỹataqta huo'o da 'archec 'Am 'Auo'otapecna, da qoueta'a añi atamnaxaqui maye 'aralamaqte. Ñim Natamnaxala' na Israel le'ecpi ỹanem da la'añaxac qataq da lquesaxanaxa na lalamaxat nhuo' le'ecpi. ¡Qaq ỹataqta qaỹo'oxoren qome Ñim Lo'onatac 'Enauacna!

Éxodo 34:28

Nache so Moisés no'onaisop co'ollaxa Ñim Nataxala', ivittrec soua cuarenta na'axa'te, qataq cuarenta pe', qataq saishet da deque'e, qataq saishet da nỹom. Huaña, nache ỹereleguete soua dos coma'ye soua diez nqataxaco.

Deuteronómio 9:19

Qaq aỹem ỹataqta shi'iỹa se'eso layeloxo, qataq lalemataic Ñim Nataxala', souaxat da huotaique da ỹataqta qami' ilaxachiguilo. Qalaxaye ishet da qaltaq aỹem na'axaỹaxana Ñimaye.

Salmos 72:18

Ỹataqta qaỹo'oxoren qome Ñim Lo'onatac 'Enauacna, Ñim Nataxala' maye Natamnaxala' na Israel le'ecpi, cha'aye nacheñita ỹo'ot na lta'araicpi maye ỹo'ot da na'aalaxa.

Salmos 136:4

Cha'aye nacheñita ỹo'ot na lta'araicpi maye huo'o da llo'oxoyec, cha'aye da lauotaxanaqtaic chochaq tatec.

Miqueas 7:15

Nache 'auachaxana qome da 'ayo'oxoyec, 'eeta'ama soua na'axa'te co'ollaq 'anqateeguesop ye Egipto.