Éxodo 33:9 - La'aqtaqa Ñim Lo'onatac 'Enauacna 2013

⁹ Qaq naxa da pa'auo so Moisés, nache anac so lo'oc da ỹapolec so ñegueuo so npe'l da ñaq na'aqtaxaatague' Ñim Nataxala' somaye.

Éxodo 33:9 Referans Kwoze

Salmos 99:7

Ñimaye huetaigui co'ollaxa so lo'oc da detaqtague' somayepi, nache somayepi ipacchigui co'ollaxa nam lamaxasoxonaxacpi Ñimaye, qataq na lqataxacpi maye ỹanem somayepi.

Éxodo 31:18

Nache Ñim Nataxala' co'ollaq ime, da detaqtague' so Moisés hualec aso qasoxonaxa Sinaí, nache ỹanema soua dos coma'ye maye nanettaleguete soua lqataxaco, maye maiche ỹelyiñi Ñimaye ỹauota'a ana llaxaata.»

Ezequiel 3:22

Nache Ñim Nataxala' aỹem ỹashel-lec, nache aỹem 'enapega, 'eeta': «Qoñesheguem nache 'anqo'ona ye nalochiguiñi 'alhua nache huaña yemaye da 'am setaxaỹapegue'.»

Números 11:17

Nache aỹem, senotec qome da 'am ña'aqtaxane', nache sanem camayepi ca laỹolec da na'añaxac maye 'am sanem co'ollaxa, yaqto' 'am itauan da 'auaueca'aguet ne'ena shiỹaxauapi yaqto' saishet da 'andotec.

Éxodo 34:9

'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

Éxodo 34:3

Qaq saishet qome da huo'o ca 'annaicapegue', qataq saishet da huo'o ca choche huetalec aña'añi qasoxonaxa, qagueta, huo'otaq huaca da lquia'aqa' ye sa qaỹapeque añimaye.»

Éxodo 33:11

Nache so Moisés ỹataqta nma'ai' da datata'aguet Ñim Nataxala' da na'aqtaxane', 'eeta'am da na'aqtaxaatague' ca nauochaxaua, qaq da ime naxa, nache so Moisés ỹe'eguelaxauga so nanataqa' maye qanayeuta'a. Qaq so nsoqolec Josué, som llalec so Nun, som ltaua somaye, ỹataqta saq ỹoxouga da ñaq pa'ataua'a so pa'auo so npe'l so Moisés.

Éxodo 25:22

Qaq nache huaña qome camaxa da 'am ñauane'. Qaq ne'ena l-laq que'eca lapoxot maye datatraña que'ecaua dos ne'enaqtaqa maye huo'oi naua laua't, maye netralec aca laỹe' caua nqataxaco, camaye nache huaña da 'am saỹaanaxanaxanec 'enauac na ỹamaxasoxonaxacpi maye sami' na Israel le'ecpi.»

Génesis 18:33

Qaq Ñim Nataxala', co'ollaq ime da detaqtague' so Abraham, nache jec ca'ai ye hueta'a. Qaq so Abraham qalaq ỹe'eguelaxaua'a so lpe'l.

Génesis 17:22

Qaq Ñim Lo'onatac 'Enauacna co'ollaq ime da detaqtague' so Abraham, nache ca'ai ye hueta'a somaye.

Éxodo 33:8

Qataq so Moisés naxa da taua'a se'eso npe'l, nache 'enauac so shiỹaxauapi nachaañi netañalo naua laso'omi so maiche lpe'lpi, qataq da lmeenaxanaxac nache ỹalletegue so Moisés choche ivitta'a da pa'auo somaye.

Éxodo 33:10

Nache so shiỹaxauapi da ila'a se'eso lo'oc da ỹapolec so ñegueuo se'eso npe'l, nache somayepi ỹa'alyiñi naua l-llecte, netaña na laso'omi so maiche lpe'lpi da yo'oxonnataxan.

Éxodo 34:5

Nache Ñim Nataxala' huenotec, nactaigui so lo'oc, nache hueta'a som netaña so Moisés, qataq Ñimaye nasaxauec da le'enaxat.

Deuteronómio 31:14

Qaq ime, nache Ñim Nataxala' 'enapega so Moisés, 'eeta': «'Am, mashe saqaỹapeque ye laloqo' da 'aleu, qaq ỹoqo'oye 'aỹaxana qome so Josué, nache qanqo'oñiiua'a qome ñi npe'l maye huaña naxa da aỹem qanauane', yaqto' qami' sanema ca iqataxac.» Nache so Moisés qataq so Josué tareua'a co'ollaxa so npe'l maye huaña naxa da qanauane' Ñim Nataxala',

Deuteronómio 31:15

nache Ñim Nataxala' nachaxanalo soomaye, huetaigui so lo'oc, maye nalotcheguema ye ñegueuo so npe'l.

Números 7:89

Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.