Éxodo 33:7 - La'aqtaqa Ñim Lo'onatac 'Enauacna 2013

⁷ So Moisés ỹauo'o co'ollaxa so npe'l, nache ỹanaña so qaỹata'a so nanataqa' maye qanayeuta'a, nache ỹanagui da le'enaxat npe'l maye huaña da qanauane' Ñim Lo'onatac 'Enauacna. Nache da huo'o ca huotaique da ỹaỹaten ca 'eetapeguec Ñim Nataxala', nache taua'a somaye.

Éxodo 33:7 Referans Kwoze

Isaías 59:2

Qalaxaye nam qauem maye qauo'ocheetac, nachena nam 'eeta'am ca npaqtaxanaxat maye mpaxat da qana'ayeetaua'a Ñim Lo'onatac 'Enauacna, nam qarasouaxashichi nachena nam ỹo'ot da ỹapogui na lashec Ñimaye qataq da saishet da qami' hua'axaỹalo.

Proverbios 15:29

Ñim Nataxala' qaỹoqtaique naqa'en na qauemaicpi, qalaxaye hua'axaỹa da natamnaxac ca no'on da lataxac.

2 Samuel 21:1

Qaq nache huetoigui de'era lo'onataxanaxac da nta'a so David, da huo'o co'ollaxa so nqouaxa soua tres vi'iye. Nache so David, inat Ñim Nataxala', qaq Ñim Nataxala' 'enapeco': «Qomye souaxat so Saúl qataq so llalaqpi da ỹalauat co'ollaxa so gabaoniitapi, nache nagui huo'o ne'ena nqouaxa.»

Deuteronómio 4:29

Qalaxaye da huaña yemaye da ỹataqta 'enauac da qarquiyaqteỹaxaqui, qataq da qanachaalataxaqui da qanmichiỹaique Ñim Nataxala' maye Qanatamnaxala'ai, nache ishet da qauanachiỹa.

Oseas 9:12

Qaq na'aictaxa da ishet da ỹaqchet cam llalaqpi, qalaxaye Aỹem ñeqat qome da nachaalataxac, nache qaica ca ño'onaxatañi. Qaq choxoraxaso' qom sheca'ai ne'ena shiỹaxauapi.

Salmos 35:22

¡Qaq ỹataqta 'auauaachigui de'era 'Am Nataxala'! ¡Qaq saishet qome da choche 'añe'emaxat! ¡Qataq saishet qome da aỹem qaỹoqtaique 'anqa'en!

Salmos 27:8

Cha'aye da iuennataxac, 'eeta': «Ñaq 'anmitaique da yaqto' 'anauane' Ñim Nataxala'.» Qaq ỹoqo'oye 'am Nataxala', ỹataqta 'am ñimittaique da 'am ñauane'.

Salmos 10:1

'Am Nataxala', ¿ta'ainco' da ỹataqta 'am qaỹoqta? ¿Ta'ainco' da 'anqañoxooñi da ivita da huo'o da que'eenaxac?

Hebreos 8:2

Qaq Somaye, nacheso So Jesucristo maye ỹo'ottac da lo'onataxanaxac da ntaxaỹaxanaxanec qataq huetasheguema yem ỹataqta 'eesa lma' Ñim Lo'onatac 'Enauacna maye maiche lo'onatac Ñimaye, qaq saishet da lo'onatac ca choche shiỹaxaua.

Éxodo 18:7

Nache so Moisés jec da ca'atta'aguet so lacho'. Qaq co'ollaq ivireguet, nache ỹa'aldoto naua l-llecte somaye. Ime, nache napigoxoi'. Qaq co'ollaq ime da nquiitega't, nache tareua'a so npe'l.

Éxodo 18:12

Ime, nache so Jetro ỹacona so shiguiỹac, nache ỹavigaxat, ỹauo'o lachetaqtaxanaqte da ỹanot Ñim Lo'onatac 'Enauacna, nataqa'en huo'o aso lỹa lachetaqtaxanaqte. Ime, nache anac so Aarón qataq 'enauac so lqueroxonecpi so Israel le'ecpi, anac da qanhuana'ai' so lacho' so Moisés da qaỹo'oxoren Ñim Lo'onatac 'Enauacna.

Éxodo 33:6

Qaq ỹoqo'oye nache chegoqta'a co'ollaq huaña ye Oreb, da so Israel le'ecpi saishet da ỹaañi aso no'otaqtepi lcat.

Éxodo 33:8

Qataq so Moisés naxa da taua'a se'eso npe'l, nache 'enauac so shiỹaxauapi nachaañi netañalo naua laso'omi so maiche lpe'lpi, qataq da lmeenaxanaxac nache ỹalletegue so Moisés choche ivitta'a da pa'auo somaye.