Éxodo 33:5 - La'aqtaqa Ñim Lo'onatac 'Enauacna 2013

⁵ cha'aye Ñim Nataxala' 'enapega co'ollaxa so Moisés, 'eeta': «'Aua'aqtaxanem qome na Israel le'ecpi, qoneta': ‹Qami' ỹataqta sa qaualaqai. ¡Ỹoqo'oye da choche cara'acolec taxa da qami' seca'attaiguilo, nache Aỹem qami' selaxachiguilo! Qaq ỹoqo'oye nagui qanqache na qano'otaxachiipi lcat. Ime, qaq selaique ca lataxac ca qami' sheeteque.›»

Éxodo 33:5 Referans Kwoze

Números 16:21

¡Qoquiỹa'ai qome ne'ena shiỹaxauapi, yaqto' Aỹem ñematchiguiñi da selaxachigui namayepi!

Salmos 139:23

'Am Nataxala', aỹem 'auchemaxata qome yaqto' 'auaỹaten da iquiyaqteỹaxac, aỹem 'avi'iguen qome yaqto' 'auaỹaten na iuennataxacpi,

Lamentaciones 4:6

Nam lasouaxashetpi na Jerusalén le'ecpi, qalaq napacalec na lasouaxashetpi co'ollaxa na lma' ye Sodoma, maye nque'elaxatta da nlaguiñi co'ollaxa, saishet da huo'o ca anac da iloquiaxan.

Isaías 22:12

Qaq se'eso na'a'q, Ñim Nataxala' maye Qaica ca Ỹaqalanapec qami' 'enapegalo co'ollaxa da qanỹiñi qataq qanachoxoreñi qanamarequi' naua qarqaigolli' qataq qaỹa'añiiyiñi naua qo'ogolli' maye sa nsattegueta maye la'anaxat da qanqui'iqui.

Salmos 73:19

Qaq choche nque'elaxatta qome da nlaguiñi namayepi, nache maiche nlaguiñi naqa'en da lcolanaxa namayepi.

Da na'aqtaguec so Job 34:20

Na shiỹaxauapi huo'o da nque'elaxatta da huaigui ye pe da ileu, qataq huo'o da maiche taỹa't, nache imeuo, qaq na 'añaxaicpi qalaq qaỹamaqauec saishet da qairolec da yo'oqchigui na'añaxac.

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

Génesis 22:12

Nache so namaxashec piguem le'ec, 'enapega somaye, 'eeta': «Saishet qome da huo'o ca qona'ac na nogotolec, cha'aye mashe saỹaten da 'am ỹataqta huo'o naq 'enec 'anqa'en Ñim Lo'onatac 'Enauacna, cha'aye qaica ca 'ectega da aỹem 'aỹa'anot na 'oonolec 'aỹa'alec.»

Génesis 18:21

Qaq nagui ñeqo'ona yemaye, da semeten da ỹoqta 'eesa da ỹataqta lta'araic da lasouaxashet, maye aỹem qaỹa'aqtaxaateguem. Yaqto' saỹaten.»

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Éxodo 32:9

Qaq Ñim Nataxala' nataqa'en 'enapeco' co'ollaq 'eetega so Moisés, 'eeta': Aỹem mashe sauatton da lataxac yi'iye nhuo' le'ecpi da ỹataqta saishet da ỹalaq.

Éxodo 33:6

Qaq ỹoqo'oye nache chegoqta'a co'ollaq huaña ye Oreb, da so Israel le'ecpi saishet da ỹaañi aso no'otaqtepi lcat.

Isaías 48:4

Qaq Aỹem ye saỹaten da ỹataqta qaramchigui na 'arqaic, ỹataqta 'am qaramta qoneta'am ca lcat qataq na 'aratap 'eeta'am ca lcat bronce,

Joel 2:12

Qaq nagui da la'aqtac Ñim Nataxala', 'eeta': Ỹataqta imauec qome da qarquiyaqteỹaxaqui da aỹem qañe'eguelaqaỹa, qataq qanqouaqchichi qome, qanỹeñi, qataq qanachoxoreñi qome.