Éxodo 33:22 - La'aqtaqa Ñim Lo'onatac 'Enauacna 2013

²² Qaq qom 'am nlectelec da ỹo'oxoyec, nache 'am soxotoigui qome ñi lauac ana'ana coma'. Ime, nache 'am sapolec sauota'a na ihuaq, nato' qom ime, da aỹem ỹoxogue.

Éxodo 33:22 Referans Kwoze

Salmos 91:1

Ca shiỹaxaua maye huetaigui da ltelaqtaxanaxac Ñim Nataỹaña 'enauacna, nache Ñim Qaica ca Ỹaqalanapec ipelteetalec camaye.

Isaías 2:21

Nache camayepi nqañoxotoigui qome na lauacpi ana coma'pi, qataq na lpoxoỹaxapi ana lcomaraxalatepi, souaxat da lchec da lviraxac Ñim Nataxala' qataq na le'eraxa da llo'oxoyec Ñimaye qom ivita da nachaañi, da imattalec naqa'en ana 'alhua da lchec.

Salmos 91:4

cha'aye naua laua't Ñimaye 'am ỹapoleguete qome. Nache da qoueto'oto naamaye, nache ỹataqta 'avi'imaqtac. Qataq da 'eesa lataxac Ñimaye, nachera da 'am ntela'a qataq 'am npaxattalec.

1 Corintios 10:4

So Cristo nnaictague' somayepi, qalaxaye saqcha'a. Qataq nacheso so 'etaxat co'ollaxa maye chegaqaigui so coma', da yaqto' ỹa'axaneguet na laquip somayepi. Qaq 'enauac somayepi nỹomgui se'eso 'etaxat.

Isaías 32:2

Ñim 'oonolec camayepi qalaq 'eeta'am qome ca ñe'eguenaxaqui da huo'o ca la'at, qataq npaqtaxanaxat da huo'o ca la'at lta'araic, qataq 'eeta'am na la'auaxacpi da icorelec na 'etaxat ca deqaqta 'alhua, qataq 'eeta'am na lpaqal aca late'erai coma' maye naña ca toolec 'alhua.

Salmos 18:2

'Am, aỹem 'ampaxattalec qoneta'am aca coma' maye ỹe'eguenaxaqui, nache 'am, aỹem 'antela'a qataq aỹem 'anca'alaxattauec, 'am, maye nache 'am ipaqtaxanaxat, qataq ñeqañoxotaqa' maye ỹataqta qaỹoqotcheguemec.

Cantares 2:3

So ỹauotaxat da ỹalectaigui na laỹe ỹalleppi, nache 'eeta'am ana qo'oipaq da huo'o ana ala da ỹalectaigui ana laỹe huauec qo'oipaqpi. Ỹataqta 'onaxaic ñaqa'en da ñeso'oto'ot na lpaqal, qataq ỹataqta ñaman ana ala.

Deuteronómio 33:12

Qaq da ỹanem la'aqtac so Benjamín, 'eeta': «So lauotaxat Ñim Nataxala' ỹataqta amata da nmataxac, cha'aye Ñimaye ỹataqta ntela'a somaye, ¡Nache somaye huetalec da ltelaqtaxanaxac Ñimaye!»

1 Reyes 19:9

Qaq huaña yemaye nache taigui so auac, nache huetaigui se'eso pe. Qalaxaye Ñim Nataxala' 'enapega somaye, 'eeta': «Elías, ¿negue't ca 'auo'ottac da qoueta'a ne'ena?»

Isaías 49:2

Nache ỹo'ot da naua ỹa'aqtaqa 'eeta'ama ca ỹeelonec ỹaxaraic, qataq aỹem ỹapolec na lhuaq, nache sheeta'am naqa'en aca checna ỹaxarai qataq aỹem ỹoxotoigui so lchecna laỹe'.

Isaías 51:16

Naua ỹa'aqtaqa qalaq sanaiguilo na 'ap, qataq 'am ỹapotalec ñaqa'en na lpaqal na ihuaq, Aỹem selagaxaañi co'ollaxa na piguem, qataq so'ot ana 'alhua, qataq shenapega ye Sión sheeta': ‹'Am maiche 'am ỹalamaxat.›»