Éxodo 33:21 - La'aqtaqa Ñim Lo'onatac 'Enauacna 2013

²¹ Nataqa'en 'enapeco' Ñim Nataxala': «Qoueta'a qome ne'ena saqaỹapeque na soota'a. 'Auapetalec ne'ena coma'.

Éxodo 33:21 Referans Kwoze

Zacarías 3:7

«'Era da la'aqtac Ñim Nataxala' maye Qaica ca Ỹaqalanapec: ‹Da qoquetegue da ñeqa'aicỹaxac, qataq da 'aupaqueelec da 'am samaxalec, nache 'am sanem qome da 'aulotague' añi ỹalamaqte atamnaxaqui, qataq ye nqasoxoc, qataq Aỹem sauo'o qome ca 'aro'onataxanaxac da 'aualectaigui nam ỹamaxashecpi piguem le'ecpi.

Isaías 56:5

nache sanem qome da ỹactec da no'on qaq saq 'ena'am da huo'o ca ñalec qataq aca ñale, qataq namayepi sanem qome da nache 'eetai' da nanettañi na le'enaxatpi na pa'auo aca ỹalamaqte atamnaxaqui qataq nam ipaqtaxanaxatpi, nache sanem qome ca ne'enaxat maye chochaq tatec qataq saishet da qaỹapalaxat.

Josué 20:4

Qaq que'eca shiỹaxaua qom huo'otaq ỹe'eguena ca 'oonolec que'eca huaqta'a't nỹecpi maye ñe'eguenaxaquipi, nache camaye da ivireua'a ca lasom ca lpaqtaxat que'eca huaqta'a't nỹecpi, nache ỹa'axat ca huo'omshe naneltaxaatac, da'aqtaxaatem ca nqueroxonecpi maye nataxala'pi que'eca huaqta'a't nỹecpi. Huaña, nache que'eca nqueroxonecpi nasheeteguet qome camaye, nache inoxonaqcheteuo, nache ỹanem ca lanataqa' da yaqto' naña camaye.

Deuteronómio 5:31

qalaxaye 'am ña qoua'a qome ne'ena, cha'aye 'am sanem na ỹamaxasoxonaxacpi, iqataxacpi, qataq na llapaxañi lataxacpi maye 'auapaxaguenec qome namayepi, yaqto' ỹo'ot qataq ỹalaxaguet qom mashe hueta'a yi'iye 'alhua maye sanem da lalamaxat.

Lucas 15:1

Huo'o so na'a'q, nache anac da na'axaỹaxana So Jesús 'enauac nam ỹacootapeeguet ana nsheetenaqte ca nta'a, maye netaña ye Roma, qataq na laỹepi shiỹaxauapi maye nam chegaqaigui na fariseopi ỹamata'ac da qauem da na'aqtaguec.

1 Reyes 19:9

Qaq huaña yemaye nache taigui so auac, nache huetaigui se'eso pe. Qalaxaye Ñim Nataxala' 'enapega somaye, 'eeta': «Elías, ¿negue't ca 'auo'ottac da qoueta'a ne'ena?»

Salmos 18:2

'Am, aỹem 'ampaxattalec qoneta'am aca coma' maye ỹe'eguenaxaqui, nache 'am, aỹem 'antela'a qataq aỹem 'anca'alaxattauec, 'am, maye nache 'am ipaqtaxanaxat, qataq ñeqañoxotaqa' maye ỹataqta qaỹoqotcheguemec.

Salmos 18:46

Ñim Nataxala' maye aỹem mpaxattalec nache 'eetai' qome da qaỹo'oxoreetac, qataq 'amaqtaqaic qanqa'en Ñim Lo'onatac 'Enauacna maye ica'alaxaqui.

Salmos 27:5

Yaqto' da ivita ca na'a'q maye huo'o da lqalaic, qalaq Ñim Nataxala' aỹem ipelteetalec, da sootaigui añi lalamaqte atamnaxaqui, da aỹem nca'alaxatec, qalaq aỹem ỹanalec aca coma'.

Salmos 61:2

Aỹem soota'a na pa'atec ana 'alhua da seỹaxaatac, cha'aye añi iquiyaqte mashe qaica ca la'añaxac, qaq aỹem 'anca'alaxatec qome, nache aỹem 'aỹa'analec aca qaỹoqotcheguemec coma',

Salmos 62:7

Ñim Lo'onatac 'Enauacna nacheñi ñi ica'alaxaqui qataq ỹo'ot da ỹo'oxoyec. Nacheñi ñi ỹo'ot da ỹa'añaxac qataq nacheñi ñi ỹe'eguenaxala'.