Éxodo 33:20 - La'aqtaqa Ñim Lo'onatac 'Enauacna 2013

²⁰ Qalaxaye 'am sa'aqtaxaatem da saishet qome da 'aulogui da ỹashiguiỹaxac, cha'aye qaica ca shiỹaxaua da ilogui da ỹashiguiỹaxac, nache queta da nca'altauec.»

Éxodo 33:20 Referans Kwoze

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Génesis 32:30

Qaq so Jacob, nache ỹanagui da le'enaxat «Peniel» yi'iye 'alhua, cha'aye 'enapeco': «Aỹem ñema'ai' da ñauane' Ñim Lo'onatac 'Enauacna, qalaq ñaq 'eetalec da ñeca'altauec.»

1 Timoteo 6:16

Ñimaye maye choche tatec, qataq huetaigui na ne'eraxa maye saishet da huo'o ca nhuogoua'a. Qaica ca shiỹaxaua ila'a co'ollaxa Ñimaye, qataq qaica ca ỹañoxot da maiche ila'a nagui. Ñimaye maye hueto'ot da qaica ca 'ena'am llo'oxoyec, qataq da la'añaxac maye chochaq tatec. Aja', nache 'eetec de'era.

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

Jueces 6:22

Qaq huaña nache so Gedeón, nanoma da detaqtague' so nale Ñim Nataxala', nache 'enapeco': «¡Aicoue, 'Am Ỹataxala' maye Ñatamnaxala'! ¡Aỹem ñauane' so 'anale piguem le'ec, qataq ỹataqta satata'aguet!»

Jueces 13:22

nache somaye 'enapega aso lhua, 'eeta': Yo'oqta da seleuaq qome, cha'aye mashe ñauanaxai' Ñim Lo'onatac 'Enauacna.

Deuteronómio 5:24

nache 'eeta': «Ñim Nataxala' maye Qanatamnaxala' ỹataqta qomi' ỹachaxanalo da la'añaxac, qataq da la'amaqchec, nache sa'axasoqchiguilo naua la'aqtaqa chemaqtapoigui so norec. Qaq nagui sauanaqchigui da ca shiỹaxaua ishet da detaxaỹapegue' Ñim Nataxala' qalaq saishet da ileu.

Éxodo 24:10

Huaña, nache somayepi ỹauaachigui da lataxac Ñim Natamnaxala' so Israel le'ecpi, qaq na pa'aguiñi naua lapia'ate qalaq qashelec 'eeta'am na no'on coma' le'enaxat zafiro, qataq ỹataqta yo'oqoolec, 'eeta'am da lo'oxoỹaxac na piguem.

Hebreos 1:13

Qataq Ñim Lo'onatac 'Enauacna sa ỹauano' da 'enapega ca 'oonolec nam lamaxashec piguem le'ecpi da 'eeta': «'Anso'oota'ague da aỹoic, choche ivitta'a qome da ñauec nam 'am ipa'agueetacpi.»

Éxodo 33:18

Nache so Moisés nachoxonnot Ñim Lo'onatac 'Enauacna, 'eeta': «¡Aỹem 'auachaxana da 'ayo'oxoyec!»

Éxodo 33:23

Qaq da ime, nache ñeqatec na ihuaq, nache ishet da 'aula'ague na ilaq, qalaxaye da ỹashiguiỹaxac, qalaq saishet da 'aulogui.»

Éxodo 3:6

Nataqa'en 'enapega, 'eeta': «Aỹem maye Nachaỹem Natamnaxala' soua hua'au' 'arta'al. Nachaỹem Natamnaxala' so Abraham, Isaac qataq so Jacob.» Nache so Moisés, ỹapogui na lashec cha'aye ỹataqta huo'o da lcolanaxa da ỹamato'ot Ñim Lo'onatac 'Enauacna.

Éxodo 24:9

Ime, nache so Moisés tasheguemec aso qasoxonaxa, nnaictague' so Aarón, Nadab, Abiú qataq so setenta lqueroxonecpi so Israel le'ecpi.