Biblia Todo Logo
Bib sou entènèt

- Piblisite -




Éxodo 33:2 - La'aqtaqa Ñim Lo'onatac 'Enauacna 2013

2 Qaq Aỹem qome, samaq ca ñale da 'am ỹaueca'aguet, qataq samaqauec da ca'ai ye na'alhuapi ye cananeopi, amorreopi, hitiitapi, ferezeopi, heveopi qataq ye jebuseopi.

Gade chapit la Kopi




Éxodo 33:2
16 Referans Kwoze  

Huaña, nache qami' qaua'axasoxoñiilec so tala Jordán, nache qaviyiita'a ye Jericó, nache som netañapi ye Jericó qami' iloquiaxaata'ape, maye nacheso so amorreopi, ferezeopi, Canaán le'ecpi, hitiitapi, gergeseopi, heveopi qataq na Jebús le'ecpi, somayepi ỹataqta qami' deloctagueto co'ollaxa, qalaxaye qami' sanema da qoroxoñiqui somayepi.


Qaq ỹoqo'oye qojec qome, 'auauega ye 'alhua maye sheetega sanem yi'iye nhuo' le'ecpi. Qaq so ñale, nacheso so 'am ỹaueca'aguet qome. Qalaxaye qom ivita ca na'a'q da sauo'o ca nhuaxanaguec, nache sauo'o ca nhuaxanaguec cam huo'o ca lasouaxashet.»


«Qaq aỹem samaq qome so ñale, da hua'auta'ague na qanqa'aiqui da yaqto' qami' ntela'alo na nqa'aic, qataq qami' ỹauegalo yem 'alhua maye seqataxaatai'.


Ñim Nataxala' maye Qanatamnaxala'ai, maiche nqo'onaxattauec qome da ỹo'orauec ye ỹotta'a't shiỹaxauapi, cha'aye saishet da nache imauec da ỹo'orauec qome yemayepi, yaqto' na shiguiỹacpi maye huauec saishet da nquictauec da nlaxalec ca qana'alhuai nache detoxon.


Qaq da ỹataqta qaupaquiitelec da qami' sanema ỹa'aqtac, nache Aỹem samaqauec qome ye amorreopi, cananeopi, hitiitapi, ferezeopi, heveopi qataq ye jebuseopi.


Nataqa'en aỹem da'aqtaxanem da ỹauotaique da qami' nca'alaxateeguesopa da qanque'eenaxaqui ne'ena qoviita'a Egipto, qataq qami' ỹauegalo yem na'alhua ye cananeopi, hitiitapi, amorreopi, ferezeopi, heveopi qataq ye jebuseopi. Yem 'alhua maye sa qoue na qanallec.»


Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.


So Moisés 'enapega Ñim Nataxala', 'eeta': «'Am, maye aỹem 'auamaxalec co'ollaxa ne'ena nhuo' le'ecpi da saueca'aguet, qalaxaye saishet da aỹem 'aua'aqtaxanem da negue't ca aỹem itauan. Nataqa'en qonapec co'ollaxa da aỹem 'auauotec qataq aỹem 'arpe'et.


Nache, Aỹem qome samaqauec 'enauac na ỹotta'a't shiỹaxauapi naua 'aleu', yaqto' qalochiguiñi ca qana'alhuaipi, nache qaica ca anac da namataxaalec, da ivita da qauanaqui da Aỹem qavio'oxoyiñi. Qaq ye 'oonolec vi'i tres qome da Aỹem qauanaiua'a.


Maye 'eeta': «'Era da la'anaxat da Ñim Lo'onatac 'Enauacna maye nca'altauec ỹataqta qami' hueta'agueta, qaq nache de'era qa'aita'ague qauauañiichigui naqa'en da ỹo'orauec qome ye Canaán le'ecpi, hitiitapi, heveopi, ferezeopi, gergeseopi, amorreopi, qataq na Jebuseopi.


Aỹem Nataxala', ñepaxattalec qome na hueta'a na Jerusalén. Qaq nam ỹataqta qaica ca la'añaxac namayepi, qalaq 'eeta'am qome so David da la'añaxac, qaq nam chegoxoguetpi so David, qalaq 'eeta'am qome Ñim Lo'onatac 'Enauacna, qataq 'eeta'am ca lamaxashec Ñim Nataxala' da hua'auta'ague da tata'ague namayepi.


amorreopi, cananeopi, gergeseopi, qataq na jebuseopi.»


Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.


qaq saishet da nachaqrata da qami' ñeqateeguesopa yem egipciopi, cha'aye nataqa'en som laỹepi maye qami' sa iyacna'ape. Qaq somayepi qauauañiichigui ñaqa'en da so'orauec, nache qami' sanema na na'alhuapi somayepi.


Qaq so Canaán nacheso som chegoxoguet co'ollaxa so jebuseopi, amorreopi, gergeseopi,


Swiv nou:

Piblisite


Piblisite