Éxodo 33:19 - La'aqtaqa Ñim Lo'onatac 'Enauacna 2013

¹⁹ Qalaxaye Ñim Nataxala' 'enapeco': «Aỹem, 'am sachaxana qome 'enauac da ỹoqouagaxanaqtaic, qataq 'am sa'aqtaxanem qome da ỹe'enaxat. Qataq Aỹem sechoxoren ca taalec da sechoxoren, qataq ñeqouaguec cam taalec da ñeqouaguec.

Éxodo 33:19 Referans Kwoze

Jeremías 31:14

Qataq so'ot qome da na ntaxaỹaxanaxanecpi chectac na ỹataqta no'on nallec, qataq da na ỹalamaxat nhuo' le'ecpi nque'etaxaachigui qome na no'on maye sanem. Qaq 'era da ỹa'aqtac Aỹem nataxala'.»

Jeremías 31:12

Nache anac da do'onaxan souaxat da ntonaxac da huetalec añim qaỹoqotcheguemec Sión, nache ntootapeguec nam no'on maye chegoqo'ot Ñim Nataxala': qaq namaye nachena na trigo, lataxa qataq na aceite, ana qaguetapi qataq na huacapi. Qaq namayepi 'eeta'am qome ca nanaxanaqa' maye qaicottalec, nache saishet da qaltaq deqat da la'añaxac.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Zacarías 9:17

Qaq ỹataqta sano'onolec, qataq ỹataqta 'onaxaic qome yi'iye 'alhua. Cha'aye souaxat da ỹataqta qalota na trigo, qataq na lataxa, nache nam nsoxoppi, qataq na qa'ampi, ỹataqta 'onaxaic da lañaxataxac.

Romanos 2:4

Ñim Lo'onatac 'Enauacna ỹataqta soxoraic qataq ỹataqta lta'araic da lhualaxavic qataq ishet da lhueneguet 'enauac nam qauempi maye qauo'ocheetac. Qalaxaye saishet qome da qaupicheetega da nam qauo'ocheetacpi qaica ca naigui. Ñim Lo'onatac 'Enauacna ỹataqta huotaxanaqtaqaic, qaq ỹoqo'oye huotaique da ntouen ñi 'oonolec da qoñiita, nache qaỹa'axañiiñi na qauem.

Isaías 12:4

nache que'eca na'a'q qoñeeta' qome: «Qaỹa'añiỹot da qana'achecỹaxaqui, qataq qavio'oxoreñi Ñim Nataxala', qaua'aqtaxañim na ỹotta'a't shiỹaxauapi 'enauac nam huo'o maye ỹo'otpi co'ollaxa Ñimaye, qataq qauennataxanaxañic namayepi da Ñimaye imattalec 'enauacna.

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Nehemías 9:25

Qataq loxonec so huaqta'a't nỹecpi maye ỹotta'a't naua nañalo maye huo'o so lpaqtaxat, qataq so ỹoqta no'on 'alhuapi, qataq so nỹecpi maye nlaqchigui so nogoxoshetpi, qataq aso nshere 'etaxat laỹe', qataq nañiguishe uva lma'pi qataq so oliivosat, qataq aso qalota qo'oipaqpi maye huo'o ana ala. Qataq deque'etacpi nache ivitta'a da comaraxaicpi, qataq chaxaraicpi, souaxat da ỹacootalec so chegaqaigui da 'arqouagaxanaqtaic.

Romanos 9:23

Qataq nataqa'en ỹachaxan da lta'araic lsoxoyec qataq la'añaxac da qomi' nca'alaxatre'c. Cha'aye nache 'eetai' co'ollaxa da lchoxonnataxanaxa da shenaqta qataq qomi' lca'agui'she da yaqto' souaqta'aguet Ñimaye.

Salmos 65:4

Ỹataqta machiguiñi ca shiỹaxaua maye 'arca'aguishec, nache 'anauegueuo da yaqto' 'am saqaỹapeque naqa'en, hueta'a ca nanataqa' aca atamnaxaqui. Nache qaica ca seuenaqtac da souaqta'a ye 'arma', yem qui'itta atamnaqa'.

Salmos 25:13

qataq qaica ca iueetac naqa'en, qataq ca chegoxoguetpi camaye nache netalec qome na 'alhua.

Deuteronómio 32:3

Aỹem sa'axattac qome da le'enaxat Ñim Nataxala': ¡qauauattoñiita qome da la'amaqchec Ñim Qanatamnaxala'!