Éxodo 33:14 - La'aqtaqa Ñim Lo'onatac 'Enauacna 2013

¹⁴ Nache Ñim Lo'onatac 'Enauacna, 'enapeco': «Aỹem, 'am soota'aguet qome qataq 'am sami' ca 'anmataxac».

Éxodo 33:14 Referans Kwoze

Josué 21:44

Nache Ñim Nataxala' ipacchigui so ỹan la'aqtac maye ỹachaxanapeguem co'ollaxa so hua'au lta'alpi somayepi. Huaña, nache huo'o da nlagaxayec 'enauac se'eso 'alhuapi maye qanayeetalec. Nache so mpa'aguenaxauapi na Israel le'ecpi, saishet da ỹañoxot da dataỹa'aguet somayepi, cha'aye Ñim Nataxala' ỹanem da loxonec co'ollaxa somayepi.

Josué 1:5

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Salmos 95:11

Qaq ỹoqo'oye huaigui co'ollaxa so ỹalemataic da san so ỹa'aqtac, da somayepi saishet qome da inoxoneua'a ye 'alhua maye sachaxanapeguem co'ollaxa, yem huaña taxa da nmatec ñaqa'en.»

Josué 22:4

Qaq nagui Ñimaye ipacchigui da ỹan la'aqtac co'ollaxa, qataq nam qarqaỹaipi mashe huo'o da l-lagaxayec, qaq ỹoqo'oye nagui qavi'iguelaqaiỹalo qome naua qaranataqa'achilli' qataq ye qana'alhuai maye pa'aỹa'ague da yo'oxoñi so tala Jordán, maye qami' ỹanema co'ollaxa so Moisés, maye lamaxashec Ñim Nataxala'.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Éxodo 13:21

Qaq Ñim Nataxala' nnaictague' somayepi, ye na'a'q quetaigui so lo'oc da ỹachaxaata'ague na llec somayepi, qaq ye pe qalaq quetaigui so norec le'eraxa, da yaqto' icoỹattalec somayepi. Qaq ỹoqo'oye somayepi ishet da queta ye na'a'q qataq ye pe.

Josué 23:1

Qaq co'ollaq mashe qaỹoqtegue da Ñim Nataxala', ỹanem da lactapiguiñi so Israel le'ecpi, qataq so Josúe mashe ỹa'axaiquiolec co'ollaxa,

Deuteronómio 3:20

Qaq nache qaica qome ca ñe'eguelaq da ñaq saxanaxa da nalec yi'iye 'alhua na qarqaỹaipi, da yaqto' machiguiñi, 'eeta'ama qami', qom nalec yi'iye 'alhua maye pa'aỹa'atague da le'ego ye tala Jordán, maye ỹanem qome Ñim Lo'onatac 'Enauacna.»

Éxodo 3:12

Nache Ñim Lo'onatac 'Enauacna, 'enapeco': «Aỹem 'am soota'aguet qome. Qaq 'era qome da la'anaxat da ỹoqta 'eesa da 'am samaq, 'eeta': ‹qom ivita da 'anqateeguesop ye Egipto yem ỹalamaxatpi, nache 'enauac da qoñeeta aỹem qanatamñiỹot da huaña ne'ena qaỹoqotcheguemec 'alhua.›»

Deuteronómio 4:37

Ñimaye ỹataqta ỹauotec co'ollaxa so hua'au qarta'ailpi, ỹoqo'oye lca'aua'a nam chegoxoguetpi somayepi da yaqto' qami' nqateeguesopa ye Egipto, irolec da ỹataqta lta'araic la'añaxac.

Deuteronómio 12:10

Qalaxaye qom mashe ivita da qaua'axasoxoñiilec ye tala Jordán, qataq mashe qoñiỹalec ye 'alhua, maye qami' ỹanema Ñim Nataxala', qataq da mashe qaica ca qampa'aguenaxauaipi, qataq qaica ca qayi'iitaique.

Deuteronómio 25:19

Ỹoqo'oye qom ivita da Ñim Lo'onatac 'Enauacna, qami' isoueeguesopa ye ỹotta'a't shiỹaxauapi maye qampa'aguenaxauaipi yem lauoreuapi yi'iye 'alhua, maye qami' ỹanema qome Ñim Nataxala' maye Qanatamnaxala'ai. Nache ỹataqta qauapalaxache qome da le'enaxat nam chegoxoguetpi so Amalec yi'iye 'alhua. ¡Saishet qome da qaucouaỹa'ai de'era!

Deuteronómio 31:8

Qaq Ñim Nataxala', nacheñi Ñim hua'auta'ague qome da 'ata'ague, qataq 'am hueta'aguet, saishet da 'am ỹaxanec qataq da 'am ỹalat, qaq ỹoqo'oye saishet qome da 'añe'etac qataq da 'anlautapiguiñi.»

Jeremías 31:2

Ñim Nataxala', 'eeta': Co'ollaq huaña ye toolec 'alhua, nache sachaxana da isoxoyec nam nhuo' le'ecpi maye ỹet co'ollaxa da nleuaxa. Co'ollaq na Israel le'ecpi nmittaique cam nmataqa',

Da na'aqtaguec so Job 34:29

Qaq Ñimaye da nañaxaañi, qaq ¿negue't ca ishet da ỹo'ot ca nhuaxanaguec? Qataq da ỹoxooñi da lashiguiỹaxac, nache ¿negue't ca ishet da ila'a? Qalaxaye Ñimaye nauaatalec na ỹotta'a't shiỹaxauapi qataq ñi 'oonolec namayepi.

Daniel 12:13

Qalaxaye 'am Daniel, nache qoqueta qome, choche 'avitta'a cam 'oga't nache 'anmatec, cha'aye caua pa'atrec na'axa'te nache 'anachaañi qome da yaqto' 'auaconeguet ca 'ansheetenaguec.