Éxodo 33:13 - La'aqtaqa Ñim Lo'onatac 'Enauacna 2013

¹³ Qaq da 'eesa de'era, nache aỹem 'auaỹaanaxanaxanec ca huotaique 'auo'otpi, yaqto' aỹem qome nataqa'en 'am sauotec, qataq qoqueto'ot da nache aỹem 'arpe'et. Qataq saishet da 'aucoua'ai ne'ena nhuo' le'ecpi, cha'aye 'am maye 'aralamaxat namayepi, saishet da aỹem.»

Éxodo 33:13 Referans Kwoze

Salmos 119:33

'Am Nataxala', aỹem 'auapaxaguenec qome da shecteguelo naua lleco naua 'arqataxaco, yaqto' ỹataqta sepacchiguilo choche ivitta'a ca loga't.

Salmos 25:4

'Am Nataxala', aỹem 'auachaxana qome na 'anqa'aicpi, qataq aỹem 'auapaxaguenec da 'eetec na salca'ague 'anqa'aicpi,

Salmos 27:11

'Am Nataxala', ñaq aỹem 'auachaxana da 'anqa'aicỹaxac qataq aỹem 'auauecteueegue ca no'on nqa'aic, souaxat na ñepa'aguenaxauapi.

Salmos 86:11

Ñaq aỹem 'auapaxaguenec da 'anqa'aicỹaxac, 'Am Nataxala', yaqto' ỹataqta salemaqtelec da shectague' damaye, qataq nalochiguiñi 'anqa'en da iquiyaqteỹaxac, yaqto' huo'o naq 'enec ñaqa'en da 'are'enaxat.

Deuteronómio 9:29

Qalaxaye namayepi ye maiche 'aralamaxatpi, qataq 'anqateeguesop co'ollaxa ye Egipto 'aurolec da ỹataqta lta'araic 'ara'añaxac.›»

Deuteronómio 9:26

nache ñatameetacot Ñim Nataxala', sheeta': ‹'Am Nataxala', saishet qome da 'anlaxaañi ne'ena nhuo' le'ecpi, maye maiche 'aralamaxatpi, maye 'anqateeguesop co'ollaxa ye Egipto 'aurolec da 'ara'amaqchec, qataq da lta'araic 'ara'añaxac.

Efesios 1:17

Nache seỹaxaatacot Ñim Lo'onatac 'Enauacna maye Lta'a So Qarataxala' Jesucristo, Ñim Nta'a maye ỹo'oxoraic, da yaqto' qami' ỹanema So Saqcha'a La'añaxac da qami' ỹaanaxanaxaiqa naqa'en, qataq da yaqto' ỹataqta qauauattoñiita Ñimaye.

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

Juan 17:3

Qaq de'era achaalataxac maye chochaq tatec, damaye nachera da naigui da 'am qaỹauatton, 'am maye 'Aro'onatac 'Enauacna, maye nache'amta qataq 'am 'eesa, qataq nam 'Arca'aguishec maye 'anamaxa ana 'alhua co'ollaxa.

Isaías 30:21

Qaq da huo'otaq qoquiigue nam pa'aỹa'ague da qo'oiqui, huo'otaq na qane'emaqai, nache qaua'aqaỹa qome ca na'aqtac chemaxague da qauachegoqoỹa'ague, 'eeta': «'Ena na nqa'aic nache qoquiitegue namaye.»

Joel 2:17

Qataq nỹen qome na ntaxaỹaxanaxanecpi maye lo'onataxanaxanecpi Ñim Nataxala', da huaña ye ñegueuo maye taỹaua'a añi nca'atoxonaxalate, nache 'eeta': «'Am Nataxala', ña 'auapalaxat qome na lasouaxashetpi ne'ena 'aralamaxat nhuo' le'ecpi, qataq qaica ca 'auashenem da ỹe'eetac nam 'aralamaxatpi, yaqto' na ỹotta'a't shiỹaxauapi saishet da choche ilattac qome namayepi. Qataq nam laỹepi ỹotta'a't shiỹaxauapi saishet qome da 'eeta': ¿Ca neta'ague cam Natamnaxala' namayepi?»

2 Pedro 3:18

Nachaqrata da qauaqaita'a da nsoxoyec qataq da nauattonaxanaxac maye qomi' ỹanema So Qarataxala' qataq Qarca'alaxaqui Jesucristo da qami' itauneque da qaviyiỹa'a da ỹataqta no'on da qara'amqaanataxanaxaqui. ¡Qaq da qayo'oxonnataxanaxac So Jesucristo, damaye chochaq tatec qome! Aja', nache 'eetec.

Éxodo 34:9

'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

Romanos 11:28

Qaq nagui Ñim Lo'onatac 'Enauacna ỹataqta dataỹa'aguet nam judiopi da 'eeta'am ca npa'aguenaxaua. Qalaxaye ỹo'ot damaye da yaqto' qami' huo'o ye qardaqa'ai da qaua'amaqchiñi da no'on na'axaỹaxac. Ñim Lo'onatac 'Enauacna queto'ot da lauotaxanaqtaic na judiopi, cha'aye lca'aguishec som hua'au lta'alpi da ỹauo'o lalamaxatpi.

Isaías 63:19

Qomi' seviraqta'a da 'eco' saỹauanego' da qomi' 'aulotegueto, qataq da 'eco' saỹauanego' da sachoqtac da 'are'enaxat.

Isaías 63:17

¿Qaq ta'ainco' 'am Nataxala' da qomi' 'auo'oteque da sashoxolec da 'anqa'aicỹaxac, qataq da qaramchigui 'anqa'en da qarquiyaqteỹaxac da yaqto' qaica ca 'enec ñaqa'enaq 'Am? Ña qomi' 'añe'eguelaxalo souaxat da 'arauoche na 'aramaxashecpi qataq na nhuo' le'ecpi maye 'aralamaxatpi.

Éxodo 32:7

Nache Ñim Nataxala' 'enapega so Moisés, 'eeta': «'Aue, 'aunotec, ten, ye 'arhuo' le'ecpi maye 'anqateeguesop co'ollaxa ye Egipto, mashe qauem.

Éxodo 3:7

Qalaxaye Ñim Nataxala', nache queta da 'eetega, 'eeta': «Aỹem ỹataqta semeteetac da nque'eenaxac ye nhuo' le'ecpi maye ỹalamaxatpi maye netaña ye Egipto, qataq sa'aqtega da lta'araic laquicoxo souaxat yem alleppi maye qaipataxalec da ilotague' yemayepi. Qataq ỹataqta sauattota de'era nque'eenaxac.

Éxodo 3:10

Qaq ỹoqo'oye qojec qome, aỹem, 'am samaxa ñi faraón da yaqto' 'anqateeguesop ye Egipto yem ỹalamaxatpi, maye llalaqpi so Israel.»

Éxodo 5:1

Qaq co'ollaq ime de'era, nache so Moisés qataq so Aarón, nqo'ooreua'a da detaxairapegue' so faraón, nache 'ena'apo': «Ñim Nataxala' maye Natamnaxala' na Israel le'ecpi, da la'aqtac 'eeta': ‹'Aua'aqta'a qome na ỹalamaxatpi da taỹa ye toolec 'alhua, da yaqto' ỹo'ot ca llo'oxonnataxanaxac da aỹem ỹo'oxoren.›»

Éxodo 32:12

¿Ta'ainco' ctaxa da 'aua'aqta'a da huo'o ca la'aqtac ye Egipto le'ecpi da, 'eeta'?: ‹Ñim Lo'onatac 'Enauacna nqatec yemayepi, cha'aye huotaique da choche ỹalauat, hualec naqa'en añi qasoxonaxa, qataq nshetaique da choche ỹapalaxat, yaqto' saishet da huetalec ana 'alhua›. Qaq ỹoqo'oye 'am shenapega da 'aỹa'axaañi da 'annogonaxac, qataq 'aỹa'axaañi da 'anshetaique da 'ana'aqchet ye 'aralamaxat nhuo' le'ecpi.

Éxodo 32:14

Nache Ñim Nataxala' nmooñi da layeloxo, nache ỹaxaañi da ỹauotaique nmatchiguiñi so lalamaxat nhuo' le'ecpi.

Salmos 51:13

Yaqto' sapaxaguenec qome da 'anqa'aicỹaxac na saỹalaq, yaqto' 'am ỹe'eguelaxa na 'etaxaloxoicpi.

Salmos 103:7

Da llecỹaxac Ñimaye ỹachaxana co'ollaxa so Moisés, qataq nam ỹo'otpi co'ollaxa Ñimaye ỹachaxana so Israel le'ecpi.

2 Samuel 15:25

Qalaxaye so nta'a 'enapega so Sadoc, 'eeta': 'avi'eguelaxateua'a qome ye huaqta'a't nỹecpi añi arca maye laỹe' da naỹamaxataxac Ñim Lo'onatac 'Enauacna. Cha'aye da aỹem ichoxoren Ñim Nataxala', nache aỹem ñe'egelaxateuo qome, nache qaltaq ñauane' añimaye qataq ñi npe'l maye netaigui.