Éxodo 33:12 - La'aqtaqa Ñim Lo'onatac 'Enauacna 2013

¹² So Moisés 'enapega Ñim Nataxala', 'eeta': «'Am, maye aỹem 'auamaxalec co'ollaxa ne'ena nhuo' le'ecpi da saueca'aguet, qalaxaye saishet da aỹem 'aua'aqtaxanem da negue't ca aỹem itauan. Nataqa'en qonapec co'ollaxa da aỹem 'auauotec qataq aỹem 'arpe'et.

Éxodo 33:12 Referans Kwoze

Éxodo 33:17

Nache Ñim Lo'onatac 'Enauacna qaltaq, 'eeta': «De'era 'anasaxauec, damaye nataqa'en so'ot qome, cha'aye ỹoqta 'eesa da 'am ỹauotaxat qataq 'am ipe'et.»

Jeremías 1:5

«Co'ollaq saxanaxa da 'am sanem da 'arca'alaxa, nache Aỹem mashe 'am lleca'aguishec, qataq co'ollaq saxanaxa da 'auañiguiñi nache mashe 'am seỹotauga da yaqto' 'am ỹa'aqtaxanaxanec, da 'aua'aqtaxanem 'enauac nam ỹotta'a't shiỹaxauapi.»

Éxodo 32:34

Qaq ỹoqo'oye qojec qome, 'auauega ye 'alhua maye sheetega sanem yi'iye nhuo' le'ecpi. Qaq so ñale, nacheso so 'am ỹaueca'aguet qome. Qalaxaye qom ivita ca na'a'q da sauo'o ca nhuaxanaguec, nache sauo'o ca nhuaxanaguec cam huo'o ca lasouaxashet.»

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Isaías 43:1

Qalaxaye 'am Israel, maye 'auachegoxoguet so Jacob, Ñim Nataxala' maye 'am lo'onatac, 'eeta': Saishet qome da 'añe'etac, cha'aye Aỹem 'am ñeca'alaxatec, Aỹem sauo'o co'ollaxa da 'are'enaxat, cha'aye 'am ỹalamaxat.

Génesis 18:19

Aỹem lleca'aua'a co'ollaxa namaye, da yaqto' ỹamaxalec ca llalaqpi, qataq cam chegoxoguetpi, da ỹalaxalec na ỹapaxaguenataxanaxacpi, qataq da ỹo'ot 'enauac cam ỹaỹamaqchiguiñi, qataq ca no'on lataxac, yaqto' Aỹem sepaqueelec 'enauac nam sachaxanapeguempi.»

Éxodo 33:1

Ñim Nataxala' 'enapega so Moisés, 'eeta': «'Aue, qoca'ai qome ne'ena, nache 'auauec yi'iye nhuo' le'ecpi maye 'anqateeguesop co'ollaxa ye Egipto. Da yaqto' qanqo'oñiỹa ye 'alhua maye sachaxanapecoto co'ollaxa so Abraham, Isaac qataq so Jacob, da sami' ca chegoxogueta soomaye.

Éxodo 3:10

Qaq ỹoqo'oye qojec qome, aỹem, 'am samaxa ñi faraón da yaqto' 'anqateeguesop ye Egipto yem ỹalamaxatpi, maye llalaqpi so Israel.»

Salmos 1:6

Cha'aye Ñim Nataxala', ỹataqta ntela'a da llecỹaxac nam no'on da lataxac, qaq da llecỹaxac na qauemaicpi qalaq taỹa'a da nlaguiñi.

Éxodo 33:2

Qaq Aỹem qome, samaq ca ñale da 'am ỹaueca'aguet, qataq samaqauec da ca'ai ye na'alhuapi ye cananeopi, amorreopi, hitiitapi, ferezeopi, heveopi qataq ye jebuseopi.

Isaías 45:3

Aỹem 'am sanem qome na nogoxoshetpi maye qoỹoxottañi, qataq dam nsallaxa maye qaỹachetaña cam saqcha'a naỹamaqtaxanaqa', qaq yaqto' 'auaỹaten da nachaỹem maye Aỹem Nataxala', maye Natamnaxala' na Israel le'ecpi maye so'ot da 'are'enaxat.

Hageo 2:5

Qaq ipacchigui ñaqa'en dam qami' sachaxanapeguema co'ollaq qoquiỹa'ai ye Egipto, da so Saqcha'a Ỹa'añaxac qami' nnaictagueto. Qaq ỹoqo'oye saishet qome da qayi'iitac.

Éxodo 3:4

Qaq Ñim Nataxala' co'ollaq ila'aguet so Moisés da nquigueua'a da ỹauotaique imeten asomaye, nache deỹaxan, chemaqtoigui asa'aso qo'oipaqole, 'eeta': «¡Moisés! ¡Moisés!» Nache so Moisés ỹasat, 'eeta': «Aja', nachaỹem.»

Éxodo 34:9

'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

2 Samuel 15:25

Qalaxaye so nta'a 'enapega so Sadoc, 'eeta': 'avi'eguelaxateua'a qome ye huaqta'a't nỹecpi añi arca maye laỹe' da naỹamaxataxac Ñim Lo'onatac 'Enauacna. Cha'aye da aỹem ichoxoren Ñim Nataxala', nache aỹem ñe'egelaxateuo qome, nache qaltaq ñauane' añimaye qataq ñi npe'l maye netaigui.