Éxodo 33:1 - La'aqtaqa Ñim Lo'onatac 'Enauacna 2013

¹ Ñim Nataxala' 'enapega so Moisés, 'eeta': «'Aue, qoca'ai qome ne'ena, nache 'auauec yi'iye nhuo' le'ecpi maye 'anqateeguesop co'ollaxa ye Egipto. Da yaqto' qanqo'oñiỹa ye 'alhua maye sachaxanapecoto co'ollaxa so Abraham, Isaac qataq so Jacob, da sami' ca chegoxogueta soomaye.

Éxodo 33:1 Referans Kwoze

Génesis 12:7

Qaq huaña yemaye, nache Ñim Nataxala' nachaxana so Abram, nache 'enapego', 'eeta': «Ne'ena 'alhua, nachena na sanem qome ca 'am chegoxoguetpi.» Qaq huaña, nache so Abram no'oxoosheguem aso lca'atoxonaxalate da iỹaxanot Ñim Nataxala', cha'aye nache huaña co'ollaxa yemaye da nauane' Ñim Nataxala'.

Éxodo 32:13

Qataq 'antoueeta'ac qome so 'ara'aqtac maye 'aỹa'anema co'ollaxa soua 'aramaxa'she Abraham, Isaac qataq so Israel, co'ollaq qoneta': Aỹem qome ỹataqta qalota ñaqa'en ca qaỹa'alquipi, 'eeta'am ye lcata ana huaqaañipi maye hueto'ot na piguem. Qataq qami' sanema 'enauac ne'ena 'alhua maye qami' sachaxanapeguema, da yaqto' nache 'eetai' da qaralamaxachi.»

Éxodo 32:7

Nache Ñim Nataxala' 'enapega so Moisés, 'eeta': «'Aue, 'aunotec, ten, ye 'arhuo' le'ecpi maye 'anqateeguesop co'ollaxa ye Egipto, mashe qauem.

Génesis 26:3

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Éxodo 32:34

Qaq ỹoqo'oye qojec qome, 'auauega ye 'alhua maye sheetega sanem yi'iye nhuo' le'ecpi. Qaq so ñale, nacheso so 'am ỹaueca'aguet qome. Qalaxaye qom ivita ca na'a'q da sauo'o ca nhuaxanaguec, nache sauo'o ca nhuaxanaguec cam huo'o ca lasouaxashet.»

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».

Éxodo 17:3

Qalaxaye se'eso nhuo' le'ecpi ỹataqta huo'o na laquip, ỹoqo'oye 'eetega so Moisés, 'eeta': «¿Che ta'ainco' da qomi' 'anqateeguesopa co'ollaxa ye Egipto? ¿Choche qomi' 'aualaateque na qaraquip, qataq na qoyalaqpi qataq na qana'atetpi?»

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Hechos 7:36

Qaq nacheso so Moisés so nqateeguesop ye 'alhua Egipto so hua'au qarta'alpi. Qataq nacheso so ỹo'ot nam sa qaỹauanapigui qataq na na'anecpi yi'iye 'alhua, qataq co'ollaq huaña aso Auaxai Togaxarai, qataq so toolec 'alhua se'esoua cuarenta vi'iye.

Génesis 26:1

Qaq se'eso na'a'q, huo'o so lta'araic nqouaxa, 'enauac se'eso 'alhua, qaq 'eeta'am so nqouaxa som na'a'q co'ollaq ñaq nca'altauec so Abraham. Ỹoqo'oye so Isaac, taỹa ye Gerar, yem netaña so Abimelec, maye nta'a ye Filistea.

Génesis 28:10

Qaq so Jacob jec co'ollaxa chegoqchiguiña ye Berseba, nache quetegue so nqa'aic maye taỹa'a ye Jarán.

Levítico 20:24

Qaq ỹoqo'oye qami' sanema da ỹa'aqtac, 'eeta': ‹Yi'iye 'alhua maye lalamaxat yemayepi, qami' sanema qome da yaqto' qaralamaxache, ye 'alhua maye huaña da qaica ca qoue na qanallec›. Qaq 'era da ỹa'aqtac, Aỹem Nataxala' maye Qanatamnaxala'ai maye qami' seỹotaugalo da yaqto' qami' ỹataxaraiqa da qoviitangui na ỹotta'a't shiỹaxauapi.

Números 11:12

¿Peta'a nachaỹemo' lta'a, huo'otaq da aỹem late'e, da aỹem 'auamaqtalec da ñepeetague' namayepi da 'eeta'am ca nogotolec maye ña qaillepaxaatac, da seviraxatta'a ca 'alhua maye 'auachaxanapecot co'ollaxa da 'aỹa'anem so hua'au lta'alpi namayepi?

Deuteronómio 1:8

Cha'aye Aỹem, qami' sanema da qaralamaxache, qaq nache qoqui da yaqto' qoñiỹalec yemaye, cha'aye sanem co'ollaxa da ỹa'aqtac so Abraham, Isaac qataq so Jacob da sanem yi'iye 'alhua qataq nam chegoxoguetpi soomaye.›»

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»