Éxodo 32:9 - La'aqtaqa Ñim Lo'onatac 'Enauacna 2013

⁹ Qaq Ñim Nataxala' nataqa'en 'enapeco' co'ollaq 'eetega so Moisés, 'eeta': Aỹem mashe sauatton da lataxac yi'iye nhuo' le'ecpi da ỹataqta saishet da ỹalaq.

Éxodo 32:9 Referans Kwoze

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.

Isaías 48:4

Qaq Aỹem ye saỹaten da ỹataqta qaramchigui na 'arqaic, ỹataqta 'am qaramta qoneta'am ca lcat qataq na 'aratap 'eeta'am ca lcat bronce,

Deuteronómio 9:13

Nataqa'en Ñimaye, 'eeta': ‹Mashe semeteetac yi'iye nhuo' le'ecpi, da yemayepi ỹataqta sa ỹalaq.

Éxodo 34:9

'Eeta': «¡'Am Nataxala'! Qom ỹataqta 'eesa da aỹem 'auchoxoren, qaq no'on da nache qomi' qoueta'agueta qome. Aỹem saỹaten da ne'ena shiỹaxauapi ỹataqta 'eesa da sa ỹalaq, qalaxaye 'onaxaico' da 'auapalaxat qome na qarasouaxashet qataq na qaye'etaxaloxosat, qataq 'auacona da ỹataqta qomi' 'aralamqa'ate.»

Éxodo 33:5

cha'aye Ñim Nataxala' 'enapega co'ollaxa so Moisés, 'eeta': «'Aua'aqtaxanem qome na Israel le'ecpi, qoneta': ‹Qami' ỹataqta sa qaualaqai. ¡Ỹoqo'oye da choche cara'acolec taxa da qami' seca'attaiguilo, nache Aỹem qami' selaxachiguilo! Qaq ỹoqo'oye nagui qanqache na qano'otaxachiipi lcat. Ime, qaq selaique ca lataxac ca qami' sheeteque.›»

Éxodo 33:3

Nache qanqo'oñiỹa ye 'alhua maye sa qoue na nallec. Qalaxaye Aỹem saishet da qami' seca'attaiguilo, ten qom qami' selaxachiguilo, souaxat da ỹataqta sa qaualaqai.»

Deuteronómio 31:27

Cha'aye aỹem saỹaten da ỹataqta sa qana'axaỹaxañi, qataq qami' qaramchiguilo, ten nagui da ñaq qami' salectaiguilo qalaq huo'o naxa da qauataiỹa'aguet Ñim Nataxala', ¿qaq chaq 'eetec ca qarataxaqui qom seleu?

2 Crónicas 30:8

Qaq ỹoqo'oye nagui saishet qome da sa qaualaqai da qoñiỹa'am so hua'au qarta'ailpi, nacherato' da qanañañiỹot Ñim Nataxala', qataq qauanaiua'a añi atamnaxaqui maye Ñimaye chochaq tatec naqa'en da iỹotauga. Qavio'oxoreñi Ñim Nataxala' maye Qanatamnaxala'ai, yaqto' Ñimaye ỹaxaañi da qami' denotegalo.

Deuteronómio 9:6

Ỹoqo'oye qauaỹaañita qome da saishet da nacheca da ỹaỹamaqchiguiñi maye qauo'ocheetac ca huo'omshe qami' ỹanema yi'iye 'alhua Ñim Nataxala' maye Qanatamnaxala'ai, cha'aye qami' saishet naxa da ỹataqta qaualaqai.

Proverbios 29:1

Ca shiỹaxaua maye sa ỹaconeguet da qaỹaỹamaxaañi da lataxac, camaye qaica ca ishet da nca'alaxatec da nque'elaxatta da qailaxachigui.

Salmos 78:8

Yaqto' saishet da 'eeta'am som hua'au chegoxoguetpi, maye sa ỹalaq qataq qaica ca ỹaỹaanapec, saishet da ỹataxalec da lquiyaqteỹaxac qataq naua lhuennataxaco, som shiỹaxauapi maye saishet da ỹoqta quetegue Ñim Lo'onatac 'Enauacna.

Nehemías 9:17

Nache saishet da 'am na'axaỹaxana, qataq saishet da ntoueeta'ac so qaica ca 'ena'am da llo'oxoyec, maye 'auo'otec somayepi. Nache ỹataqta 'am saỹalaxaguet, ivitta'a da ỹauo'o so ỹaneuo lataxala' da yaqto' ỹe'eguelaxata da nlataguec somayepi ye Egipto. Qalaxaye 'am saishet da 'aualat co'ollaxa somayepi, cha'aye 'am Atamnaxala', 'am choxonnataxanaxaic, qataq sa da'angui añi 'arquiyaqte, qataq qaỹoqchiguinguit da 'aralemataic, cha'aye ỹataqta lta'araic da 'arauotaxanaqtaic.

Deuteronómio 10:16

Ỹoqo'oye qanqacheeua'a qome na qauemsat naua qarquiyaqtelli', qataq saishet da nache qoquiito'ot da sa qaualaqai.

Oseas 6:10

Qaq huaña ne'ena na'alhua na Israel da sauaachigui nam ỹataqta qauem, qataq na Efraín da nquisheshe, nache na'aqchet na Israel le'ecpi.

Jeremías 13:27

Aỹem sauaachigui da 'arapaxaỹaxa qataq da 'ancachaxac qataq da 'arquisheguetaxac maye ỹo'ot da na'agaxa, qataq naua qauema maye 'auo'o't da huaña ana lcomaraxalatepi qataq na no'onaxapi. ¡Qaq choxoraxaso' 'am Jerusalén! ¿Chaq laguio' qaq 'anqui'itaxat?»

Números 14:11

nache Ñim Nataxala' 'enapega so Moisés, 'eeta': «¿Che laguio' da ỹaxaañi da Aỹem inogoqchettac ne'ena shiỹaxauapi? Qataq ¿Chaq laguio' da ỹaxaañi da Aỹem sa ỹa'amaqten, qamaq qalota so sachaxana na'anecpi?

2 Reyes 17:14

Qalaxaye somayepi saishet co'ollaxa da ỹalaq, nacherata da ỹataqta qaramchigui, 'eeta'am so hua'au lta'alpi, da saishet da ỹa'amaqten Ñim Nataxala' maye Natamnaxala'.

Nehemías 9:16

Qalaxaye somayepi qataq so hua'au qarta'alpi, ỹataqta na'amqaanaxaicpi, qataq sa ỹalaxagueta naua 'aramaxasoxonaxaco.