Éxodo 32:7 - La'aqtaqa Ñim Lo'onatac 'Enauacna 2013

⁷ Nache Ñim Nataxala' 'enapega so Moisés, 'eeta': «'Aue, 'aunotec, ten, ye 'arhuo' le'ecpi maye 'anqateeguesop co'ollaxa ye Egipto, mashe qauem.

Éxodo 32:7 Referans Kwoze

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Oseas 9:9

Nache ỹataqta qauem da qarataxaqui, 'eeta'am da lataxac som netaña co'ollaxa ye Guibea. Qalaxaye Ñim Nataxala' ntoueeta'ac de'era qauem qarataxaqui, nache ỹauo'o qome ca qanhuaxanaguiiqui souaxat nam qarasouaxashechi.

Deuteronómio 9:12

nache aỹem 'enapega, 'eeta': ‹'Aue, 'aunotec, qoca'ai ana qasoxonaxa, cha'aye yi'iye 'arhuo' le'ecpi maye 'anqateeguesop co'ollaxa ye Egipto, yemayepi mashe dasheuec. Qataq sa ỹaỹaloxon da ca'ai na ỹapaxaguenataxanaxacpi, nache ỹo'ot ñi le'enaqtac chegaqaigui na lcat maye qaỹavigaxat.›

Jueces 2:19

Qalaxaye naxa da ivita da ileu ñi nataxala', nache somayepi qaltaq ỹe'eguelaxa da ỹo'ot nam ỹataqta qauem, nache napacalec som qauem ỹo'otpi co'ollaxa som hua'au lta'alpi, nache do'onataxaatacot qataq natameetacot so ỹaqa'a atamnaxala'pi. Nache saishet da ỹaxanec na qauem ỹo'ottacpi da chegoqta'ague, qataq dam qauem lataxac.

Éxodo 19:24

Qalaxaye Ñim Nataxala' 'enapeco': «'Asoma, 'aunotec. Qaq qom ime, nache qaltaq 'annotsheguem, 'annaictague' qome ca Aarón. Qalaxaye ye ntaxaỹaxanaxanecpi qataq ye shiỹaxauapi qonapega da saishet da napacalec so na'anec da aỹem nnotsheguema. ¡Ten qom selaxachigui yemayepi!»

Daniel 9:24

Iuen qome da inoxonaqchetrec caua Setenta semanas nam 'arhuo' le'ecpi, qataq na qui'itta huaqta'a't nỹecpi maye 'aralamaxat, da yaqto' nache tachiguiña naqa'en da lle'etaxaloxo qataq da lasouaxashet, qataq yaqto' ỹaconeguet ca nchoxonnataguec souaxat nam qauempi, nache chochaq tatec qome naqa'en da na'ayiñi da nalochiguiñi lataxac, yaqto' ipacchigui qome som 'arauanaqchec qataq som 'ara'aqtaxanaxac, qataq da qaiqui'itaxat yem saqaishetapec.

Deuteronómio 32:5

Qami' shiỹaxauapi qauemaicpi qataq 'etaxaloxoicpi maye qaunogoqchichi Ñim Lo'onatac 'Enauacna, Ñimaye qami' da'agueleguete, nache saishet da qami' llalaqpi, cha'aye qami' qauemaicpi qataq 'etaxaloxoicpi.

Deuteronómio 4:16

saishet qome da qana'axache da qarataxaqui da qauo'oche ca qanatamnaxala'aipi ne'enaqtacpi, da 'eeta'am da lataxac ca ỹale huo'otaq 'alo,

Éxodo 33:1

Ñim Nataxala' 'enapega so Moisés, 'eeta': «'Aue, qoca'ai qome ne'ena, nache 'auauec yi'iye nhuo' le'ecpi maye 'anqateeguesop co'ollaxa ye Egipto. Da yaqto' qanqo'oñiỹa ye 'alhua maye sachaxanapecoto co'ollaxa so Abraham, Isaac qataq so Jacob, da sami' ca chegoxogueta soomaye.

Éxodo 32:4

nache somaye ỹaconeguet. Ime, qaq ỹasaxaigui aso nqatelaxaqui na lcat oro, ỹachangui aso no'onataxaqui, nache ỹo'ot so le'enaqtac huaca llalec. Nache so shiỹaxauapi ỹa'alaqtagui, 'eeta': «¡Israel, 'iñi ñi qanatamnaxala'ai maye qami' nqateeguesopa ye Egipto!»

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».

Deuteronómio 9:8

Qataq qantooñita'ac da huaña co'ollaxa ye Horeb, nache ỹataqta dalemata qanqa'eñi Ñim Nataxala', ỹoqo'oye huac da ỹataqta qami' ilaxachiguilo Ñimaye.

Salmos 78:36

Qalaxaye na alap qataq ñi lachaxat, choche nanoldec naua 'onaxaiqa latenataxanaxaco,

Deuteronómio 31:29

Cha'aye aỹem saỹaten da qom seleu, nache qami' qauo'oche qome na qauempi, qataq qoquiỹa'ai da ñecỹaxac maye qami' samaxaleguete da qoquiigue, qataq da qami' taleguete qome ca qauem qanhuaxanaguiiqui, souaxat da qauo'oche ca qauem da qami' ỹauaachiguilo Ñim Nataxala', qataq da qauayeloqchichi Ñimaye.»

2 Crónicas 27:2

Qaq so Yotán ỹo'ot co'ollaxa nam ỹataqta ỹaỹamaxareeta Ñim Nataxala', cha'aye ỹataqta quetelec 'enauac nam ỹo'otpi co'ollaxa so lta'a Uzías, qalaxaye saishet da taigui co'ollaxa aso atamnaxaqui maye lalamaqte Ñim Nataxala' da ỹavigaxat na lchenaxanaxat. Qalaxaye ỹasheetem som shiỹaxauapi da nache queto'ot da natameetacot so atamnaxala'pi maye saq'en.

Isaías 1:4

Choxoraicpiolec nam shiỹaxauapi maye 'etaxaloxoicpi, nhuo' le'ecpi maye nlaxagui na lasouaxashetpi, namayepi chegoxoguet so qauemaicpi, ñalaqpi maye lqopitaxat na qauem. Namayepi qaỹoqta naqa'en Ñim Nataxala', qataq ca'ai Ñim Qui'itta Natamnaxala' na Israel le'ecpi.