Éxodo 32:5 - La'aqtaqa Ñim Lo'onatac 'Enauacna 2013

⁵ Qaq so Aarón co'ollaq ila'a de'era, nache ỹo'ot aso nca'atoxonaxalate. Ime, nache ỹa'alaxalec somayepi, 'eeta': «¡Qonte' so'otaq ca qayo'oxonnataxanaxac da sho'oxorenaq Ñim Nataxala'!»

Éxodo 32:5 Referans Kwoze

2 Reyes 10:20

ỹoqo'oye somaye damaxasoxoolec da qaỹo'ot so naponaxac da qaỹo'oxoren so Baal, qaq nache qaỹo'ot somaye.

Levítico 23:37

Qaq 'ena na laloxoquipi na naponaxacpi da ivita da qaỹo'oxoren Ñim Nataxala'. Ỹoqo'oye qami', nache qauo'oche qome ne'ena naponaxacpi, qataq nache huetoigui da qami' qaỹa'añiiua'a Ñim Nataxala' aca qarachetaqtaxanaqchepi qaỹavigaxatta, qataq aca nachetaqtaxanaqte nañiguishe ala, qataq aca laỹe nachetaqtaxanaqtepi qataq ca nachetaqtaxanaxat lataxa, nache ỹataqtac ye laloxoqui camaye da qaỹo'ot.

Levítico 23:2

«Qonapega qome na Israel le'ecpi da 'ena na laloxoquipi na naponaxacpi maye ỹalamaxat, qaq qami' qauo'oche qome ne'ena naponaxacpi da yaqto' Aỹem qavio'oxoyiñi. Aỹem Nataxala' maye llapaxañi damaye.

Oseas 8:14

Qaq nam Israel le'ecpi, no'oxoosheguem na lma' lta'araicpi, qalaxaye icoua'ai Ñim Lo'onatac da nachaalataxac. Qataq na Judá le'ecpi, qalota na no'oxoosheguem huaqta'a't nỹecpi maye huo'o na lpaqtaxatpi, qalaxaye aỹem, ñamaxa qome ca norec da yaqto' ỹavic ñaqa'en na lma' lta'araicpi.

Oseas 8:11

Cha'aye na Efraín, qalota ana no'oxoosheguem nca'atoxonaxalatepi, maye ỹo'ot da huo'o naqa'en nam lasouaxashetpi namayepi.

2 Crónicas 30:5

nache somayepi nasachigui da ỹa'axatem 'enauac so lma' ye Israel, chegoqchiguiña naqa'en ye Berseba, nache ivitta'a ye Dan, dam ncoyeguenataxanaxac da yaqto' qanqo'ona ye Jerusalén da qaỹo'ot so Lapascua, maye lapaxañi Ñim Nataxala' maye Natamnaxala' so Israel le'ecpi. Cha'aye mashe qaỹoqtegue co'ollaxa da saishet da qaỹo'oxoren se'eso na'a'q, da qaipagaqchiichigui som nache 'eetai' nanettañi.

2 Reyes 16:11

Nache so ntaxaỹaxanaxanec Urías, no'oxoosheguem aso nca'atoxonaxalate, nache ỹe'enaxatchigui da lataxac aso huetalec aso lmalate asomaye, maye ỹamaxa so nta'a Ajaz, maye netaña ye Damasco, nache somaye imat co'ollaxa asa'aso nca'atoxonaxalate, co'ollaq saxanaxa da ñe'eguelaq so nta'a Ajaz da chegaqa'a ye Damasco.

1 Reyes 21:9

Qaq da huetalec asa'aso nere, 'eeta': «Qauo'oche qome ca qanqouaqchetaxaqui, nache so Nabot nso'ootañi qanqa'eñi qome datateguet na nhuo' le'ecpi.

1 Samuel 14:35

Nache so Saúl, no'oxoosheguem aso nca'atoxonaxalate da qanatamnot Ñim Nataxala', qaq asomaye nachaso' aso hua'auchiguiñi da ỹo'ot.

Levítico 23:21

Qataq nacheca que'eca na'a'q da huetoigui nataqa'en da qauo'oche ca naponaxac da yaqto' Aỹem qavio'oxoyiñi, qataq saishet da qauo'oche ca camachaqca nam qapa'atta no'onatacpi. Qaq 'era qome da nache 'eetai' lataxac da qoyecỹaxaqui, qataq cam qami' chegoxogueta, na'aictaxa ca pa'aigue ca qoñiitaña ana 'alhua.

Levítico 23:4

Qaq 'ena na laloxoquipi qome da qauo'oche na naponaxacpi da yaqto' Aỹem qavio'oxoyiñi, Aỹem Nataxala'. Ỹoqo'oye qauo'oche qome ne'ena naponaxacpi.

Éxodo 32:4

nache somaye ỹaconeguet. Ime, qaq ỹasaxaigui aso nqatelaxaqui na lcat oro, ỹachangui aso no'onataxaqui, nache ỹo'ot so le'enaqtac huaca llalec. Nache so shiỹaxauapi ỹa'alaqtagui, 'eeta': «¡Israel, 'iñi ñi qanatamnaxala'ai maye qami' nqateeguesopa ye Egipto!»

Éxodo 12:14

Qaq que'eca na'a'q, nache qami' saishet da qaucoviỹa'ai da qauo'oche ca ỹataqta lta'araic qayo'oxonnataxanaxaqui da qavio'oxoyiñi Nam Nataxala'. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qataq nache 'ena'am qome ca qaỹa'alquipi.

Éxodo 10:9

Nache so Moisés, 'enapeco': «Qomye qarỹatac na ñaqpiolec qataq na qarqueroxonecpi, qoyalaqpi, qoyalpi, qataq ana qarelo qaguetapi, huacapi, cha'aye ỹataqta lta'araic da qayo'oxonnataxanaxac da sho'oxorenaq Ñim Nataxala'.»

Éxodo 32:6

Nache so nte'etom so lỹa na'a'q, nache no'ottasheguem somayepi da yaqto' ỹaneuo aso lachetaqtaxanaqte maye qaỹavigaxatta, qataq aso qanhuaachigui. Ime, nache 'enauac somayepi nso'ooñi da deque'e, qataq nỹom. Qaq so ime nache dasora't.

Éxodo 17:15

Nache so Moisés nauaxaỹaxaasheguem aso lca'atoxonaxalate, nache ỹanagui da le'enaxat: «Ñim Nataxala' 'eeta'am aca ỹa'ana maye seca'attalec.»