Éxodo 32:4 - La'aqtaqa Ñim Lo'onatac 'Enauacna 2013

⁴ nache somaye ỹaconeguet. Ime, qaq ỹasaxaigui aso nqatelaxaqui na lcat oro, ỹachangui aso no'onataxaqui, nache ỹo'ot so le'enaqtac huaca llalec. Nache so shiỹaxauapi ỹa'alaqtagui, 'eeta': «¡Israel, 'iñi ñi qanatamnaxala'ai maye qami' nqateeguesopa ye Egipto!»

Éxodo 32:4 Referans Kwoze

Nehemías 9:18

Nataqa'en ivira'a da ỹo'ot so le'enaqtac huaca llalec chegaqaigui so lcat, nache somayepi 'eeta': ¡'Ena na qanatamnaxala'ai maye qami' nqateeguesopa ye Egipto! Qaq na'aictaxa da ỹataqta lta'araic de'era qauem maye ỹo'ot,

Deuteronómio 9:16

Nache qami' sela'alo da huo'o da qarasouaxashichi hueto'ot Ñim Nataxala' maye Qanatamnaxala'ai, cha'aye qauo'oche so qare'enaqtaqui huaca llalec maye chegaqaigui so lcat qaỹavigaxat, nache ỹataqta sa qaỹaloq da qoquiỹa'ai da lataxac da ñecỹaxac maye qami' ỹachaxanalo co'ollaxa Ñim Nataxala',

Hechos 7:41

Nache som shiỹaxauapi ỹo'ot so le'enaqtac, 'eeta'am naqa'en na huaca llalec. Huaña, nache ỹalauat na shiguiỹacpi da ỹauo'o lachetaqtaxanaqte ỹavigaxatta da ỹanot, nache ỹataqta qaño'oxoreetapigui som maiche no'onatac.

Éxodo 32:8

Yemayepi ỹataqta sanaỹaloxon da ca'ai da llec da ỹamaxasoxonaxac. Qataq ỹo'ot ñim le'enaqtac huaca ỹachegoxotaigui na nqachilliguishec oro, nache natameetacot, qataq ỹanot ana lachetaqtaxanaqtepi, nache 'eeta' da la'aqtac: ‹¡Israel 'iñi ñi qanatamnaxala'ai maye qami' nqateeguesopa ye Egipto!›

1 Reyes 12:28

Qaq co'ollaq ime da dechemaqtaxaateguelec de'era so nta'a, nache ỹo'o't soua dos le'enaqtaqa huaca llalqa do'onataxana so oro, nache 'enapega so shiỹaxauapi, 'eeta': «Qami' Israel le'ecpi, mashe qaỹoqtegue da qavi'iguelaqaita'a ye Jerusalén. Qaq 'enaua nagui naua qanatamnaxala'achilli', maye qami' nqateeguesopa co'ollaxa ye Egipto.»

Oseas 13:2

Qaq namayepi ñaq queto'ot nagui da ỹo'ottac nam lasouaxashetpi, cha'aye nqatel na lcat plata, nache ỹo'ot na natamnaxala'pi maye maiche lo'onatac na lcat lo'opi. Ime, nache 'eeta': «Ña qaỹa'añem na qarachetaqtaxanaxachi». Nache na shiỹaxauapi napigoxoi' nam natamnaxala'pi, maye 'eeta'am na huaca llalec da lataxac.

Hechos 17:29

Ỹoqo'oye nagui da ỹoqta 'en da qomi' llalaqpi Ñim Lo'onatac 'Enauacna, nache saishet da 'eeta'am ñaqa'enaq Ñimaye ca choche ne'enaqtac nqui'i maye chegaqaigui na oro, huo'otaq na plata qataq na coma' maye maiche lo'onatac ca shiỹaxaua ỹachegoxotchigui ca maiche lhuennataxac.

Oseas 10:5

Qaq nam Samaria le'ecpi ỹataqta huo'o qome da lcolanaxa, souaxat da deqat ñim huaca llalec maye netaña ye Bet Avén. Qaq souaxat ñimaye, nache ỹataqta huo'o da nachoxonnaxac nam nhuo' le'ecpi qataq na na'aqtaxanaxanecpi, souaxat da deqat da llo'oxoyec.

Isaías 46:6

Qaq huo'o na ỹachegoxotangui na lachoxonaxaqui na qalota oro, qataq naloqten na lcat plata ỹachangui ana naloqnaxanaxaqui, ime nache iỹaxana cam ỹaỹaten da do'onataxana na lcat plata da yaqto' ỹo'ot ca natamnaxala' qaq da ime nache ỹa'atto'oto naua l-llectel camaye qataq ỹo'oxoreetac.

2 Crónicas 13:8

Qaq nagui, qami' ña qansheetaique da qauataỹa'aguet da lo'onataxanaxac Ñim Nataxala', maye ilotague' na llalaqpi so David, souaxat da qami' qalotoiguilo qataq qami' hueto'oto som huaca llalqa oro, maye lo'onataqa so Jeroboán, da yaqto' qanatamnaxala'ai.

2 Crónicas 11:15

Nache so Jeroboán, ỹauo'o co'ollaxa so maiche ltaxaỹaxanaxanecpi da ilo'ogue so atamnaqa'pi da yaqto' qanatamnot som ne'enaqtacpi, qataq soua huaca llalqa maye maiche lo'onataqa somaye.

Éxodo 20:23

Saishet qome da qauo'oche ca qare'enaqtaqui chegaqaigui na lcat oro huo'otaq na plata da yaqto' qanatamñiitacot da 'eeta'am Aỹem.

2 Reyes 10:29

Qalaxaye somaye saishet da ca'ai nam nasouaxashetpi maye ỹo'ot co'ollaxa so Jeroboán, som llalec so Nabat, nam ỹo'ot co'ollaxa na lasouaxashetpi so Israel le'ecpi, cha'aye nache queto'ot da natameetacoto soua ne'enaqtaqa huaca llalqa oro, maye neraña ye Betel qataq ye Dan.

Éxodo 32:1

Qaq so Israel le'ecpi co'ollaq ila'a da qaỹaloqta da huenoteeguesop aso qasoxonaxa so Moisés, nache nqo'oneua'a so Aarón, nache 'enapega, 'eeta': «Tashe qoñisheguem, nache 'auo'ot ca qanatamnaxala' ne'enaqtac da yaqto' sataqtaueegue, cha'aye sa saỹaanaq ca 'eetec que'eca Moisés maye qomi' nqateeguesopa ye Egipto».

1 Reyes 12:32

Qaq so Jeroboán, nataqa'en ỹo'ot co'ollaxa so laloxoqui da na'amqaanataxanaxac, huetoigui naqa'en so na'a'q quince so ca'agoxoic ocho, qaq 'eeta'am naqa'en so laloxoqui so na'amqaanataxanaxac maye huaña naxa ye Judá, qataq ỹo'ot so lachetaqtaxanaxat ỹachalec aso nca'atoxonaxalate. Qataq nache 'eeta'am naqa'en so huaña ye Betel, da ỹanot na lachetaqtaxanaxat som le'enaqtac huaca llalec. Nataqa'en ỹauo'o so ntaxaỹaxanaxanecpi da ilo'ogue se'eso atamnaqa' maye ỹo'ot somaye.

Éxodo 28:11

Qaq que'eca lo'o ca 'otaxatpi nacheca qome ca ỹerelec que'ecaua dos coma'ye naua le'enaqa'ate soua llalqa so Israel ỹe'enaxatchigui da 'eetec da ỹerelec aca na'anaxanaqte. Nache lapaxagueta na oro caua coma'.

Éxodo 28:9

Qataq 'auaconalo caua dos coma'ye na ónice, nache qoỹereleguete caamaye naua doce le'enaqa'ate soua llalqa so Israel.

Éxodo 20:2

«Aỹem Nachaỹem Nataxala' maye 'anatamnaxala', Aỹem 'am ñeqateeguesop co'ollaxa ye 'alhua Egipto, yem huaña co'ollaq choche 'am nlatac.

1 Corintios 10:7

Ỹoqo'oye qami' saishet da qaue'enaxache da 'eetec somayepi da huo'o na natameetacot na ỹaqa'api maye saq 'en qataq choche ne'enaqtacpi. Cha'aye naua nanettaleguete ana la'aqtac lmalate Ñim Lo'onatac 'Enauacna 'eeta': «So shiỹaxauapi nso'ooñi. Ime, qaq ỹo'ot so lquia'axac qataq nỹomtac. Ime, nache nachaañi da dasora't, qaỹo'oxoreetac na ne'enaqtacpi.»

Éxodo 32:3

Nache 'enauac somayepi nqat aso lshetepi. Ime, nache iroua'a so Aarón,

Éxodo 32:5

Qaq so Aarón co'ollaq ila'a de'era, nache ỹo'ot aso nca'atoxonaxalate. Ime, nache ỹa'alaxalec somayepi, 'eeta': «¡Qonte' so'otaq ca qayo'oxonnataxanaxac da sho'oxorenaq Ñim Nataxala'!»

Éxodo 32:7

Nache Ñim Nataxala' 'enapega so Moisés, 'eeta': «'Aue, 'aunotec, ten, ye 'arhuo' le'ecpi maye 'anqateeguesop co'ollaxa ye Egipto, mashe qauem.

Éxodo 32:24

Nache aỹem shenapec da ỹa'aqtac: «Da huo'o ca hueto'ot ca lcat oro, nache no'on da iỹotauga.» Nache namayepi aỹem ỹanem so lcat oro, nache sasaxangui so norec, qaq nache chegaqaigui se'eso ne'enaqtac huaca llalec.

Éxodo 32:35

Nache Ñim Nataxala' namaxa da nhuaxanaguec se'eso nhuo' le'ecpi, souaxat da natamnot so ne'enaqtac huaca llalec maye lo'onatac co'ollaxa so Aarón.

2 Reyes 10:20

ỹoqo'oye somaye damaxasoxoolec da qaỹo'ot so naponaxac da qaỹo'oxoren so Baal, qaq nache qaỹo'ot somaye.

Isaías 30:22

Qaq huaña nache qaica ca naigui qanqa'eñi nam qare'enaqtaqui maye chegaqaigui na lcat plata, qataq nam qare'enaqtaqui maye qalapaxalec na oro. Huaña nache qauasaqaiuec 'eeta'am qanqa'eñi cam lasogoñi maye ỹataqta qauem.

Ezequiel 23:8

Qaq nache chegoqta'a co'ollaq hueta'a ye Egipto, nache nañaneguet da nquisheguetaxac, nache saishet da ỹaxaañi damaye. Qaq nache chegoqta'a co'ollaq ñaq qa'añole da qalota som lauañe'pi, qataq ipottac ana ltogue, nache iqataqchet so nnogotshec qataq ỹaneguet da quisheguetaxac.

Éxodo 20:4

Saishet qome da 'auauo'o ca 'are'enaqtac 'anatamnaxala' da 'eeta'am na hueto'ot na piguem, huo'otaq ca huetalec ana 'alhua, huo'otaq ca huetaña na pa'aguiñi na 'etaxat.

Jueces 8:24

Qalaxaye nacherata da qami' seỹaxanoiguilo da aỹem qaỹa'añim aca chiguishaqtepi maye qarhuotaxanaqche. Qaq asa'aso chiguishaqtepi oro ỹaatañi co'ollaxa so alleppi maye mpa'aguenaxauapi somayepi, cha'aye lma' ye toolec 'alhua.

Jueces 8:27

Qaq se'eso oro, nache do'onataxana so Gedeón da ỹo'ot so ntogue lapoxot le'enaxat efod, nache ỹanaña ye Ofrá, maye maiche lma' somaye. Nache 'enauac so Israel le'ecpi da nquisheshigui da la'amqaanataxanaxac souaxat se'eso no'onatac efod, qataq nacheso so 'eeta'am da nqoinot so Gedeón qataq so llalaqpi.