Éxodo 32:29 - La'aqtaqa Ñim Lo'onatac 'Enauacna 2013

²⁹ Nache so Moisés 'enapeco': «Nagui qauacoñiiguet da huo'o naq 'enec da qoñiita, cha'aye Ñim Nataxala' qami' ỹanaguilo da qami' ntaxaỹaxanaxanaqa da qaitaxaỹapegue' Ñimaye. Cha'aye ñi 'oonolec da qoñiita dataỹa'aguet da nqanaxat na maiche llalec, qataq lqaỹa, souaxat da qaualaqaiguet Ñimaye.»

Éxodo 32:29 Referans Kwoze

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Zacarías 13:3

Qaq huaña, nache da huo'o ca huotaique da da'aqtaxan, nache caua lalamaqa'ate lta'al, 'enapegalo camaye 'eeta': «'Am 'aleu qome, cha'aye 'auatenataxaatapigui da le'enaxat Ñim Nataxala'». ¡Nache caua lta'al ỹa'arapec qome camaye da ỹapacapeguec da 'eetega na'aqtaxanaxanec!

Proverbios 21:3

Da qaỹo'ot ca no'on qataq ca nalochiguiñi lataxac, qalaq ỹaỹamaxareeta Ñim Lo'onatac 'Enauacna, qaq saq 'ena'am da qoỹaatapegueuo ana nachetaqtaxanaqtepi.

Éxodo 32:28

Nache so leviitapi ỹalaxaguet co'ollaxa da lamaxasoxonaxac so Moisés, nache se'eso na'a'q ileu so tres mil shiỹaxauapi.

Éxodo 32:30

Qaq so lỹa na'a'q, nache so Moisés 'enapega na shiỹaxauapi, 'eeta': «Qami' ỹataqta lta'araic da qarasouaxashichi. Qalaxaye nagui aỹem sasheguema ye hueta'a Ñim Nataxala', shapegueto' da sañoxot da choche qami' ichoxore'n da ỹapalaxat da qarasouaxashichi.»

2 Crónicas 35:3

Qaq nataqa'en so leviitapi maye ỹapaxagueetac so Israel le'ecpi, qataq mashe nañan da do'onataxanot Ñim Nataxala' ỹanem somayepi dam lapaxaguenataxanaxac, 'eeta': «Añi arca maye sa qaishetapec, qauachiỹaigui qome añi atamnaxaqui maye lo'onata co'ollaxa so Salomón, som llalec so David, maye nta'a na Israel. Yaqto' nache tachiguiña da qauachiitaleguete naua qarallacolli' da qauachiitac. Nagui nache qanalemaqaite' da qauo'onataxañiỹot Ñim Nataxala' qataq na Israel le'ecpi, nam nhuo' maye lalamaxat Ñim Nataxala'.