Éxodo 32:27 - La'aqtaqa Ñim Lo'onatac 'Enauacna 2013

²⁷ Nache so Moisés 'enapeco': «'Eeta' da la'aqtac Ñim Nataxala', Ñim Natamnaxala' na Israel le'ecpi: Ñi 'oonolec da qoñiita na'achigui qome ca lainec. Ime, qaq qavi'iguelqaiua'a ye nanataqa' maye qanayeuta'a da qaunoxoñiua'alo naua nanataqa'ate, nache ñi 'oonolec da qoñiita ỹalauat ca maiche lqaỹa, ca nauochaxaua, huo'otaq ca lauoreua.»

Éxodo 32:27 Referans Kwoze

Números 25:5

Nache so Moisés 'enapega so nmit na nasouaxashetpi ye Israel, 'eeta': «Ñi 'oonolec da qoñiita, ỹalauat qome ca ỹalleppi maye maiche lalamaxat lauo' le'ecpi maye ca'ata co'ollaxa da ỹo'oxoren so Baal Pegor.»

Lucas 14:26

–Saishet da ỹapaxaguenatac ca Aỹem naua'a, da huo'otaq ỹapagaqnauec da ỹauotec ca lta'a, huo'otaq aca late'e, lhua, qataq ca llalaqpi, lqaỹañecpi ỹalleppi qataq 'alpi. Nachaqcata ca ỹactec da Aỹem ỹauotec, saq 'ena'am da maiche nachaalataxac, qaq nacheca ca ỹapaxaguenatac.

2 Corintios 5:16

Qaq ỹoqo'oye qomi' nagui saishet da choche seloqtapigui da lataxac ca shiỹaxaua da shenaqta'am nam huetalec ana 'alhua. Qaq na'aictaxa da sogote co'ollaxa da seloqtapigui da lataxac So Cristo da shenaqta'am nam huetalecna, qalaxaye nagui saishet da nache 'eetec da qarhuennataxac.

Éxodo 32:29

Nache so Moisés 'enapeco': «Nagui qauacoñiiguet da huo'o naq 'enec da qoñiita, cha'aye Ñim Nataxala' qami' ỹanaguilo da qami' ntaxaỹaxanaxanaqa da qaitaxaỹapegue' Ñimaye. Cha'aye ñi 'oonolec da qoñiita dataỹa'aguet da nqanaxat na maiche llalec, qataq lqaỹa, souaxat da qaualaqaiguet Ñimaye.»

Éxodo 32:26

Nache somaye nachaañi, huetaviigui so ñegueuo so nanataqa' maye qanayeuta'a, nache 'enapeco': «'Enauac na hueta'aguet Ñim Nataxala' nache naicna'a.» Nache 'enauac so leviitapi laponeua'a somaye.

Éxodo 32:28

Nache so leviitapi ỹalaxaguet co'ollaxa da lamaxasoxonaxac so Moisés, nache se'eso na'a'q ileu so tres mil shiỹaxauapi.

Deuteronómio 13:6

Qaq da huo'otaq anac ca qaralamaxache qarqaỹai, qaỹa'alliqui, qaỹa'alli, qarhuai, huo'otaq ca ỹoqta qanauochaxauai, da nshetaique da qami' ỹatenache't, 'eeta': Qolaq, ñeqo'onaxa ye laỹepi atamnaxala'pi, atamnaxala'pi maye qami' qataq so hua'au qarta'ailpi sa ỹauauanapega,

Deuteronómio 13:10

Qalaxaye qauroilec ca coma' da qauasaqai ivitta'a da ileu. Cha'aye huotaique da qoquiỹa'ai Ñim Nataxala' maye Qanatamnaxala'ai maye qami' nqateeguesopa ye Egipto yem huaña co'ollaxa da qami' nlataqa.

2 Reyes 10:25

Qaq co'ollaq ime da ỹaneuo aso lachetaqtaxanaqtepi somayepi, nache so Jehú, ỹamaq som lauanaxanaxanecpi qataq som nataxala'pi, 'eeta': «Ña qaunoxoñiiuo, nache qaualauache de'erapi, nache qaica qome ca qa'echaauec.» Nache so nalleppi so Jehú, ỹalauat somayepi irolec so ỹeelonec, ime nache ỹasaxauec somayepi. Qaq co'ollaq ime, nache taua'a so pa'auo aso atamnaxaqui maye lalamaqte so Baal,

Ezequiel 9:5

Ime qataq sa'axaỹa da 'enapegalo soua lỹa't ỹale't, 'eeta': «Qauca'acheetaueegue qome somaye da qaucoñeelec na huaqta'a't nỹecpi, nache saishet qome da huo'o ca qauchoxoyeñiitac.